Tau Salamo 61:1-8
61 KO e Atua na e, kia fanogonogo mai a koe ke he haku a kalaga; kia hagao mai a koe ke he haku a liogi.
2 To ui atu e au kia koe mai he motuaga he lalolagi, ka nakai fahia hoku loto; kia takitaki e koe au ke he maka tumau kua tokoluga kia au.
3 Ha kua eke a koe mo taue maku, ko e kolo uka mai ia ia kua fai fi mai.
4 To nofo tukulagi au ke he hāu a fale uta fano ti tua ni au ke he malu he hāu a tau tapakau. Sila.
5 Ha ko koe, ko e Atua na e, kua fanogonogo mai a koe ke he haku a tau omonuo; kua foaki mai e koe māku e tufaaga ha lautolu kua matakutaku ke he hau a higoa.
6 To lafilafi e koe e tau aho mo e tau aho ke he moui he patuiki; to uta hana tau tau ke hahau mo hahau.
7 To nofo tukulagi a ia ki mua he Atua; kia taute e koe e fakaalofa mo e fakamoli, kia leveki e laua a ia.
8 Ti lologo atu ai au ke he hāu a higoa tukulagi, to ta atu e au ke he taha aho mo e taha aho e tau mena ne omonuo ai au.