Tau Salamo 70:1-5
70 KO e Atua na e, fakaave mai ke laveaki au; Iehova na e, fakaave ke lagomatai mai kia au.
2 Kia mā mo e fakahakuhaku a lautolu kua kumi au ke keli; kia liliu ki tua mo e fakamā a lautolu kua manako ke kelea ai au.
3 Kia liliu a lautolu ha ko e mā ha lautolu, ko lautolu ne pehe mai, Aha! aha!
4 Kia olioli mo e fiafia kia koe a lautolu oti kua kumi kia koe; kia pehe mai a lautolu kua fiafia ke he hāu a fakamouiaga, Kia fakaheke ke he Atua.
5 Ka ko au nai, kua matematekelea mo e nofogati au; ko e Atua na e, kia fakaave mai kia au; ko koe ni ko e haku a lagomatai mo e haku a fakamoui; Iehova na e, aua neke mule mai a koe.