Tau Salamo 8:1-9
8 IEHOVA na e, ha mautolu a Iki, kua mua ue atu hāu a higoa ke he lalolagi oti kana; ko koe ni kua tuku atu hāu a lilifu ki luga ke he lagi.
2 Kua fakatumau e koe e malolo mai he tau gutu he tau tama mukemuke, mo e tau tama kai huhu, ha ko e tau tagata kua favale kia koe, kia fakamate a ia kua ita mo ia kua kumi ke taui.
3 Ka kitekite atu au ke he lagi hāu, ko e gahua he hāu a tau mata lima, ko e mahina katoa mo e tau fetu ne eke e koe;
4 Ko e heigoa kia e tagata kia manatu mai ai a koe kia ia, mo e tama he tagata kia ahi mai ai e koe a ia?
5 Ka kua eke e koe a ia toe tote ti lata ni mo e tau agelu, kua fakafoufou foki e koe a ia kehe lilifu mo e fulufuluola.
6 Kua ta atu e koe kia ia e pule ke he tau gahua he hāu a tau lima; ne tuku hifo e koe e tau mena oti ki lalo he na hui hana;
7 Ko e tau mamoe mo e tau povi oti kana, katoa foki mo e tau manu huifa he vao;
8 Ko e tau manu lele he pulagi, mo e tau ika he tahi, ko e tau mena oti ne o ke he hala tahi.
9 Iehova na e, ha mautolu a Iki, kua mua ue atu hāu a higoa ke he lalolagi oti kana.