Tau Salamo 95:1-11
95 O MAI ā, kia kalaga fiafia a tautolu kia Iehova; kia kalaga ke he maka tumau he fakamouiaga ha tautolu.
2 Kia o atu a tautolu ki mua hana mo e fakahekeaga; kia kalaga a tautolu kia ia ke he lologo.
3 Ha ko Iehova ko e Atua lahi a ia; ko e Patuiki lahi foki a ia kua homo ke he tau atua oti kana.
4 Ha ha he lima hana e tau mena hokulo he lalolagi; ko e hana foki e tau mouga tokoluga.
5 Ko e hana ni e tahi, ne eke e ia; ko e hana lima foki ne eke e kelekele.
6 O mai a, kia hufeilo a tautolu, mo e tukutukuhifo; kia fakatokotui a tautolu ki mua a Iehova ko ia ne eke a tautolu.
7 Ha ko e Atua ha tautolu ni a ia; ko tautolu foki ko e motu ne fagai e ia, mo e fuifui mamoe he hana lima. Ko e aho nai kaeke ke fanogonogo ai a mutolu ke he hana leo,
8 Aua neke fakamao e tau loto ha mutolu tuga ne eke i Meripa, tuga foki e aho i Masa ke he tutakale;
9 Ne kamatamata mai ai kia au he tau matua ha mutolu, ne kamatamata kia au, ka kua kitia e lautolu haku tau gahua.
10 Fagofulu ni e tau tau ne fakavihia ai e au e hau ia, mo e pehe atu au, Ko e motu hehe ke he tau loto ha lautolu, kua nakai iloa foki e lautolu haku tau puhala;
11 Ne omonuo ai au ke he haku a ita, Nakai hao atu a lautolu ke he haku a okiokihaga.