Tau Salamo 99:1-9
99 KO e patuiki a Iehova, kua vivivivi e tau motu; kua nofo a ia ke he vaha he tau kerupi, kua gahuahua e lalolagi.
2 Kua homo a Iehova ha i Siona; kua tokoluga foki a ia ki luga he tau motu oti.
3 Kia fakaheke atu a lautolu ke he hāu a higoa kua homo mo e matakutakuina; kua tapu ni a ia.
4 Kua fiafia e malolo he patuiki ke he fakafiliaga; ko koe ni kua fakamau e tututonu, ko koe ni kua eke e fakafiliaga tonu ia Iakopo.
5 Kia fakaheke atu a mutolu kia Iehova ha tautolu a Atua, kia hufeilo a mutolu ke he mena kua fakatu ai hana tau ve; kua tapu ni a ia.
6 Ko Mose mo Arona ke he tau ekepoa hana, ko Samuela foki ia lautolu kua ui atu ke he hana higoa; kua ui atu a lautolu kia Iehova, ti tali mai ai a ia kia lautolu.
7 Ne vagahau atu a ia kia lautolu ke he aolagi fakatupou; ne omaoma a lautolu ke he hana poaki mo e fakatufono ne tuku atu e ia kia lautolu.
8 Iehova na e, ha mautolu a Atua, ko koe ne fanogonogo atu kia lautolu, ko koe ko e Atua ne fakamagalo ha lautolu a tau hala, ka kua taui atu ha lautolu a tau mahani.
9 Kia fakaheke atu a mutolu kia Iehova ha tautolu a Atua, kia hufeilo a mutolu ke he hana mouga tapu; ha kua tapu ni a Iehova ha tautolu a Atua.