Teutaronome 12:1-32
12 KO e tau fakatufono hanai mo e tau fakafiliaga ke taofi ai e mutolu ke eke ai e mutolu ke he motu kua foaki mai ai e Iehova ko e Atua he ha mutolu a tau matua ke eke ma mutolu ke he tau aho oti, ke momoui ai a mutolu ke he fuga kelekele,
2 Kia moumou e mutolu e tau mena oti ni ne fekafekau ai e tau motu, kua eke ma mutolu, ke he tau atua ha lautolu, ko e tau mena ki luga he tau mouga tokoluga mo e tau matiketike, mo e tau mena ki lalo he tau akau lau uhiuhi.
3 Kia ulu ki lalo e mutolu ha lautolu a tau fatapoa, ti lipilipi e mutolu ha lautolu a tau tupua, mo e huhunu ke he afi ha lautolu a tau tupua Asaira; ti hio ki lalo e mutolu e tau tupua he tau atua ha lautolu kua ta, ti tamate ai e mutolu ha lautolu a tau higoa mai ha mena ia.
4 Aua neke eke pihia e mutolu kia Iehova ha mutolu a Atua.
5 Ka ko e mena ke fifili ai e Iehova ha muto u a Atua mai he tau magafaoa oti ha mutolu ke tuku ai hana higoa, ko e hana haeleaga ni kia kumi e mutolu ki ai mo e fina atu a koe ki ai.
6 Ti uta e mutolu ki ai ha mutolu a tau poa huhunu, mo e ha mutolu a tau poa, mo e tau mena ne hogofulu aki ha mutolu a tau mena, mo e tau poa nikiti he ha mutolu a tau lima, mo e tau mena kna omonuo ai e mutolu, mo e tau poa ha mutolu kua makai ki ai ha mutolu a tau loto, katoa mo e tau punua uluaki he ha mutolu a tau povi mo e ha mutolu a tau mamoe.
7 Ti kai ai e mutolu ke he mena ia ki mua a Iehova ha mutolu a Atua, ti fiafia ai a mutolu ke he tau mena oti ne eke ai ha mutolu a tau lima, ko mutolu katoa mo e ha mutolu a tau magafaoa, ko e tau mena kua fakamonuina ai a koe e Iehova hau a Atua.
8 Nakai eke e mutolu tuga ne tau mena oti kua eke ai e tautolu ki hinei ke he aho nai, kua takitaha mo e eke e tau mena kua tonu ke he hana manatu,
9 Ha ko e mena nakaila hohoko atu a mutolu ke he okiokihaga mo e tufaaga kua foaki mai ai e Iehova ha mutolu a Atua kia mutolu.
10 Ka kua o atu a mutolu ke he fahi atu a Ioritana, mo e nonofo a mutolu ke he motu, kua foaki mai ai e Iehova ha mutolu a Atua ke eke mo tufaaga ma mutolu; ti kua eke e ia ke okioki ai a mutolu ia lautolu oti kua fai fi kia mutolu kua agaagai mai kia mutolu, ti nonofo ai a mutolu mo e nakai haofia.
11 Ko e mena foki ke fifili e Iehova ha mutolu a Atua ke toka ai hana higoa, ko e mena ia ke uta e mutolu ki ai e tau mena oti kua poaki atu ai e au kia mutolu; ko e ha mutolu a tau poa huhunu, mo e ha mutolu a tau poa, mo e tau mena ne hogofulu aki ha mutolu a tau mena, mo e tau poa nikiti he ha mutolu a tau lima, mo e tau mena uho oti kua omonuo ai e mutolu, kua omonuo ai e mutolu kia Iehova;
12 Ti fiafia ai a mutolu ki mua a Iehova ha mutolu a Atua, ko mutolu, mo e ha mutolu a tau tama tane, mo e ha mutolu a tau tama fifine, mo e ha mutolu a tau fekafekau tane, mo e ha mutolu a tau fekafekau fifine, mo e tau tagata Levi ha ha he māga ha mutolu, ha kua nakai eke e ia ha fonua mana, to nakai fai tufaaga a ia fakalataha mo mutolu.
13 A koe neke eke ai e koe hau a poa huhunu ke he tau mena oti kua kitia e koe;
14 Ka ko e mena hokoia ni ke fifili ai e Iehova ke he taha he tau magafaoa ha mutolu, kia eke ai e koe hau a tau poa huhunu, ti eke ai e koe hau a tau mena oti ni kua poaki atu ai e au kia koe.
15 Ka ko e tau mena oti ke manako a koe ki ai, kia keli ai, mo e kai ai e tau manu, tuga ne monuina a Iehova hau a Atua kua foaki mai ai kia koe ke he hau a tau maga oti; kia kai ai e ia kua nakai mea mo ia kua mea, ke tuga ne tau manu kai ko e tevi mo e aila.
16 Ka e aua neke kai ai e mutolu e toto; ka e liligi ni ke he kelekele po ke magavai.
17 Aua neke kai ai e koe ke he hau a tau maga oti e tau mena ne hogofulu aki hau a tau fua saito, mo e hau a uaina, mo e hau a puke lolo, po ke tau punua uluaki he hau a tau povi, mo e hau a tau mamoe, mo e hau a tau mena oti ne omonuo ai, ne omonuo ai ni e koe, mo e hau a tau poa ne makai ki ai e loto, mo e poa nikiti he hau a lima;
18 Ka e kai ai e koe e tau mena ia ki mua a Iehova hau a Atua ke he mena ke fifili ai e Iehova hau a Atua, ko koe, mo e hau a tau tama fifine, mo e hau a tau fekafekau tane, mo e hau a tau fekafekau fifine, mo e tagata Levi ha he maga hau, ti fiafia ai a koe ki mua a Iehova hau a Atua ke he tau mena oti ni kua eke hau a tau lima.
19 A koe, neke tiaki e koe e tagata Levi, ke he tau aho oti ke nofo ai a koe ke he hau a motu.
20 Ka fakalaulahi e Iehova hau a Atua hau a kelekele, tuga ne talahau mai e ia kia koe, ti pehe age a koe. To kai e au e tau manu, ha kua manako ai hau a loto ke kai e tau manu; ti kai ai e koe e tau manu oti kua manako ai hau a loto.
21 Kaeke ke vaha mamao a koe mo e mena kua fifili ai e Iehova hau a Atua ke tuku ai hana higoa ti keli ai e koe he hau a fuifui povi mo e hau a fuifui mamoe, kua foaki mai ai e Iehova hau a Atua kia koe, tuga ne poaki atu ai e au kia koe, ti kai ai foki e koe ke he hau a maga e tau mena oti ke manako ki ai hau a loto.
22 Kia kai e mutolu e tau mena na, tuga ne kai ai e tevi mo e aila; kia kai ai e ia kua nakai mea katoa mo ia kua mea.
23 Ka e aua neke kai ai e toto; ha ko e toto ko e moui ni haia; aua neke kai ai e koe e moui fakalataha mo e kakano.
24 Aua neke kai ai e koe; ka e liligi ni ke he kelekele tuga ne maga vai.
25 Aua neke kai ai e koe; kia monuina ai a koe mo e hau a fanau ka mole atu a koe, ka eke ai e koe e tau mena kua tonu ki mua a Iehova.
26 Ka ko e tau mena tapu ha ia koe, mo e hau a tau mena ne omonuo ai, kia uta ia, mo e fano ke he mena ke fifili ai e Iehova.
27 Kia eke ai hau a tau poa huhunu, ko e kakano mo e toto, ki luga he fatapoa a Iehova hau a Atua; ti liligi ai e koe e toto he hau a poa ki luga he fatapoa a Iehova hau a Atua, ka e kai ai e koe e kakano.
28 Kia omaoma a, mo e fanogonogo mai ke he tau kupu oti ia kua poaki atu ai e au kia koe, kia monuina ai a koe mo e hau a fanau ka mole atu a koe, ke hoko ke he tukulagi, ka eke ai e koe e tau mena mitaki mo e tonu ki mua a Iehova hau a Atua.
29 Ka fakaotioti ai e Iehova hau a Atua ki mua hau e tau motu kua fina atu a koe ki ai ke eke māu, ka kua eke ni māu, mo e nofo ai a koe ke he ha lautolu a motu;
30 A koe, neke hele ai a koe he hau a mui atu kia lautolu, ka kua mahaikava a lautolu ki mua hau, aua foki neke kumi atu ke he tau atua ha lautolu, kua pehe age, Po ke fekafekau fefe e tau motu ke he ha lautolu a tau atua? ke eke ai pihia ni e au.
31 Aua neke eke pihia a koe kia Iehova hau a Atua; ha ko e tau mena fakalialia oti kia Iehova, kua vihiatia e ia kua eke ai e lautolu ke he ha lautolu a tau atua; ko e mena huhunu ai foki e lautolu ha lautolu a tau tama tane mo e ha lautolu a tau tama fifine ke eke mo poa ke he ha lautolu a tau atua.
32 Ko e tau mena oti kua poaki atu ai e au kia mutolu, kia taofi ai e mutolu ke eke ai; aua neke lafi atu ki ai ha mena, ti aua neke uta kehe ai foki ha mena.