Nakai. Fakakite he Tohi Tapu kua lata a tautolu ke liogi ni ke he Atua, puhala he higoa ha Iesu. Tala age e Iesu ke he tau tutaki haana: “Hanai, kia liogi pehe a mutolu, Ha mautolu a Matua na e, ha ha he lagi, kia tapu hau a higoa.” (Mataio 6:9) Nakai fakaako e ia e tau tutaki haana ke liogi ke he tau tagata tapu, tau agelu, po ke ha tagata ka ko e Atua ni hokoia.

 Tala age foki e Iesu ke he tau tutaki haana: “Ko au nai ko e puhala, mo e kupu moli, mo e moui; nakai hau taha ke he Matua, ka noa mo au.” (Ioane 14:6) Ko Iesu ni ne kotofa he Atua ke hulalo ma tautolu.​—Heperu 7:25.

Ka e kua ka liogi au ke he Atua mo e liogi foki ke he tau tagata tapu?

 Tali atu a Iesu ke he kamatamata ha Satani: “Kia hufeilo atu a koe ke he Iki hau a Atua, ko ia ni hokoia ke fekafekau atu a koe ki ai.” (Mataio 4:10) Poaki he Atua ko e tau gahua fakamooli po ke tapuakiaga​—putoia e liogi​—ka ta atu katoatoa ki a Ia.​—Isaia 48:11.

 Fakaita e tautolu e Atua ka liogi ke he falu tuga e tau tagata tapu po ke tau agelu. Mogo ne lali e aposetolo ko Ioane ke tapuaki ke he agelu, ne taofi he agelu a ia mo e pehē: “Aua ia; ko au ko e hau a matakainaga a fekafekau, ko e taha foki he hau a tau matakainaga ne toka ai e talahauaga kia Iesu; kia hufeilo ke he Atua.”​—Fakakiteaga 19:10.