Mailoga e mautolu kua tokologa e tagata ne fitā he fai lotu kua fiafia ke tutala ke he tau matakupu he Tohi Tapu. Fakalilifu e mautolu e tonuhia he tagata kua kehe e taofiaga mai he ha mautolu, ti nakai peehi e mautolu e fekau ha mautolu ke he falu.

 Ka tutala ke he lotu, lali a mautolu ke fakagahua e tomatomaaga he Tohi Tapu ke “mahani molu” mo e fakakite e fakalilifu ke he falu tagata. (1 Peteru 3:15) Amanaki a mautolu to fai ka nakai talia e fekau ha mautolu. (Mataio 10:14) Ka e nakai iloa e mautolu to fēfē e tali he tau tagata ato tutala a mautolu ki a lautolu. Mailoga foki e mautolu na hikihiki e tau tutūaga he tau tagata.

 Ma e fakatai, liga lavelave lahi e taha tagata ke tutala he taha aho ka e to fiafia a ia ke tutala ki a mautolu he taha magaaho. Liga kua fehagai e tau tagata mo e tau lekua po ke tau tuaga foou ti lata a lautolu ke fehagai ki ai, ati omoomoi a lautolu ke fanogonogo ke he fekau he Tohi Tapu. Eketaha mogoia a mautolu ke tutala lagaloga ke he tau tagata.