Ko e tagata taane ne hola mai i Eritrea ki Norway he tau 2011. He o atu e Tau Fakamoli a Iehova ki a ia, ne talaage e ia kua fitā e feleveia haana mo e Tau Fakamoli he motu ne hau ai. He magaaho ne kautau a ia, kitia e ia e Tau Fakamoli ne tuku he fale pouli ha ko e tua ha lautolu, ne nakai talia ke eke mo tau kautau, pete kua eke fakakelea a lautolu.

Ko e tau mena fakaofo, kua tuku foki a ia he fale pouli. Feleveia a ia mo e tokotolu e Fakamoli​—Paulos Eyasu, Negede Teklemariam, mo Isaac Mogos​—ne tuku he fale pouli tali mai he tau 1994, ha ko e tua ha lautolu.

He nofo a ia he fale pouli, kitia e ia e Tau Fakamoli a Iehova ne momoui ke he tau fakaakoaga ha lautolu. Mailoga e ia e mahani fakamooli ha lautolu he tufatufa e tau mena kai ha lautolu mo e falu pagotā. Kitia e ia e Tau Fakamoli ne pagotā hane fakaako auloa e Tohi Tapu he tau aho oti, mo e uiina e falu ke fakalataha mo lautolu. Ne nakai talia e lautolu ke saini e laupepa ke moua e tokanoaaga ka tiaki e tua ha lautolu.

Mau loto he tagata tututonu ia e mena nei ne tupu, ti ko e magaaho ne nofo a ia i Norway, ne manako a ia ke iloa ko e ha e Tau Fakamoli a Iehova ne tua malolō. Ko e magaaho ne o atu e Tau Fakamoli a Iehova ki a ia, ne mafiti a ia ke fakaako Tohi Tapu mo lautolu mo e fakalataha ke he tau feleveiaaga.

Ia Sepetema 2018, ne papatiso a ia ko e taha he Tau Fakamoli a Iehova. Fakaaoga e ia e tau magaaho oti ke moua e tau tagata ne o mai i Eritrea mo Sudan, he fakamafana a lautolu ke fakaako Tohi Tapu mo e atihake e tua malolō.