LESSON 9
Ini Zwingatisa Kuti Imhuli Iyo Ishantilwe?
1. Neni muchado udikana kuti imhuli ishante?
Indebo imbuya jinova kuna Jehova, Mwali unoshanta, iye unoda kuti imhuli jishante. (1 Timoti 1:11) Ndiye wakatanga muchado. Kulobolana kupo pamulawu kunota kuti bazwali nabana bewhe bekashanta akale bediwa. MaKristo anokwelela kulemekeja milawu yokwabanogala yokukwalisa muchado.—Bala Luka 2:1, 4, 5.
Mwali unotini nokulobolana? Unoda kuti undume nonkaji begale pamwempela nokusinopela. Jehova unoda kuti balume nabakaji bebimbike kunhu wabalolobolana naye. (Hebhelu 13:4) Unobenga kushimana. (Malaki 2:16) Koga unovumila maKristo kuti eshimane akale elobole kana kulobolwa kabili kana umwe wabo apombola.—Bala Mateu 19:3-6, 9.
2. Undume nonkaji banokwelela kugalisana chini?
Jehova wakabumba banhulume nabanhukaji kuti bebhanchane mumhuli. (Matangisilo 2:18) Sonsholo wemhuli, undume unokwelela kutungamilila pakulilitila imhuli iye akale nokuyilayija nozwaMwali. Unokwelela kuzwipila kuda unkaji uwe. Balume nabakaji banokwelela kudanana akale kulemesana. Sezwo balume nabakaji betayija, zwinokosha kasa kuti belekelelane kuti bebe banoshanta mumhuli.—Bala BaEfeso 4:31, 32; 5:22-25, 33; 1 Pita 3:7.
3. Kana usinoshanta mulobolano lyenu unokwelela kuunsiya na umwe uwo?
Kana mwamuka bukukutu mulobolano lyenu, mose mulokwelela kubhatana noludo. (1 BaKolinte 13:4, 5) IBhayibhili alitokutayija kupambukana senzila yokupombosola bukukutu bunomuka mulobolano.—Bala 1 BaKolinte 7:10-13.
4. Bana, Mwali unoda kuti imwi muteni?
Jehova unoda kuti mushante. Unomupa kulaya kubuyanana kuti mushante pabutukutuku bwenu. Unoda kuti mubhanchikane nobuchenjevu akale noluzibo lwabazwali benu. (BaKolose 3:20) Akale Jehova unoda kuti muwane lushanto pakuta zwinhu zwinodiwa noMbumbi wenu noMwananhulumyana uwe.—Bala Mbhaunuli 11:9–12:1; Mateu 19:13-15; 21:15, 16.
5. Bazwali, ini zwingatisa kuti bana benu beshante?
Munokwelela kushinga nesimba kuti muwanile bana benu zwokulya, pokugala, akale nozwumbalo. (1 Timoti 5:8) Koga kuti bana benu beshante mokwelela kubalayija kuunda Mwali nokuunkwejejela. (BaEfeso 6:4) Kuda kwamunoonta Mwali kungakutayija mwana wenu kasa. Kana kulayija kwenu kuva muWhi lyaMwali kungabhancha mwana wenu kuti ebe namaano mabuya.—Bala Kuzhajikijwa 6:4-7; Zwichimbe 22:6.
Bana banobhanchikana kana mubakutayija akale mubaboka. Banokwelela bo kululamiswa akale nokulayiwa. Yezwi zwinobatabilija pakuta zwinhu zwinotisa kuti besishante. (Zwichimbe 22:15) Koga kulaya akutokwelela kuba nobukali.—Bala BaKolose 3:21.
BaSumikiji baJehova bana makwalo manji anobhancha bazwali nabana. Makwalo yaya anolayija zwinova muBhayibhili.—Bala Lwimbo 19:7, 11.
You May Also Like
IMHULI YENU INOTUBULA KUSHANTA
Bimba naMwali Kuti Ube Nelobolano Linoshanta
Kushingisa mibhuzo mibili milelu kunotubula kukubhancha kuti ilobolano lyenu lisime.
IMHULI YENU INOTUBULA KUSHANTA
Mungabupombosola Chini Bukukutu?
Inzila yamunopombosola nayo bukukutu ndiyo inota kuti lobolano lyenu lisime akale lishante kana kuti lilelupe akale lisishante.
