CHILAYIJO 06
Bupenyu Bwakatanga Chini?
“[Mwali] idiba lyobupenyu.” (Lwimbo 36:9) Iwi unozudimbwa na yozu? Bamwe banhu banoyeya kuti zunu zwakangobayipo chete. Kana zwabanoleba zulizwechokomende, yozu zunobeva kuti banhu bakangobayipo chete. Kana eliJehova wakatibumba, awungayeye kuti wakebeli nechinangwa chokuta alo na? a Ngatiboneni kuti iBhayibhili linotini namatangilo akata bupenyu akale tibone zuzato zunota kuti tidimbwe zwalinoleba.
1. Idenga nenyika zwakava kupi?
IBhayibhili linoti: “Pakutanga Mwali wakabumba idenga nenyika.” (Matangisilo 1:1) Bozwesayensi banji banovuma kuti inyika nozunu zose zukokudenga zuna pazunotangila. Mwali wakazubumba chini yozu? Wakashingisa umpepo unchena uwe “isimba lilye lyanoshingisa” kuti ebumbe zunu zose zunanga senyenyeji namapulaneti.—Matangisilo 1:2.
2. Mwali wakayibumbilani inyika?
Jehova “ajakayibumbila pasina [inyika] koga wakayibumbila kuti igalwe.” (Izaya 45:18) Wakabumba inyika kuti ube unsha wabanhu umbodo nokusinopela. (Balani Izaya 40:28; 42:5.) Bozwesayensi bakati inyika ilosiyana namamwe ma planeti. Ndiyo chete inokwaniswa kugalwa nabanhu.
3. Ini chinotisa kuti banhu nemhuka besikwelane?
Paakapeja kubumba inyika Jehova wakabumba zunu zose zupenyu. Paakapeja kubumba inyika Jehova wakabumba miti nemhuka. Mushule mozo “Mwali wakambumba unhu nonkwejaniso uwe.” (Balani Matangisilo 1:27.) Ini chinota kuti banhu nemhuka besikwelane? Takabumbwa nonkwenjaniso waMwali ndizo tikwanisa kutondejela bunu bubwe bunanga soludo, nobululami. Wakatibumba tikwanisa kulebeleka mimwe mishobo, tinakilwa nenyimbo akale tinakilwa nokuyeba zunu zubhodo zwakabumbwa. Kusiyana nemhuka isu tokwanisa kunamata Umbumbi wedu.
FUNDA ZUNJI
Yeyesesa nobusumikiji bunotondeja kuti bupenyu bwakabumbwa akale ubone kuti zunolebwa neBhayibhili nozokubumbwa kwakata zunu kunamano. Layijwa kuti zwatinokwanisa kuta isu sabanhu zunotilayijani nozwaMwali.
4. Zunu zwose zwipenyu zwakabumbwa
Banhu banopiwa lulemekejo yopo pabanopanga zunu bekopa pazunu zwakabumbwa. Koga ndiyani unokwelela kupiwa lulemekejo pozunu zwabamukukopa kunayizo? Yebani iVIDIYO, akale kwejisani nemibhuzo inotobela.
-
Ndizupi zwinhu banhu zwabamukopa muzwinu zwakabumbwa?
INgumba nengumba inobakwa nonhu. Koga ndiyani wakabumba zunu zose? Balani BaHebhelu 3:4, akale kwejisani nemibhuzo yeyi:
-
Ini zwawunodisisisa pazunu zwakabumbwa?
-
Unozudimbwa na kuti zunu zose zwakabumbwa? Neni udalo?
Wabezuziba na?
Unokwanisa kuwana mavidiyo nejimwe nyaya pezhulu pozunhu zwakabumbwa pe jw org pechikamu chinowi “Kwazenzakalela Yini?” lesithi “Okutshiwo Ngabanye Mayelana Lemvelaphi Yempilo.”
“Chokomende ingumba nengumba ina unoyibaka koga wakabumba zunu zose ndiMwali”
5. Zunolebwa neBhayibhili pezhulu pokubumbwa kozunu kunamano
Muna Matangisilo chapta 1 iBhayibhili linotibuja nozokubumbwa kwenyika akale nozunu zose zumo munayiyo. Unozudimbwa na zwalinoleba kana kuti manyepwa oga? Yebani iVIDIYO, akale kwejisani nemibhuzo inotobela.
-
Kana iBhayibhili liti inyika nozunu zose zwakabumbwa mumazhuba 6 ana maawa 24 na?
-
Zunolebwa neBhayibhili pezhulu pokubumbwa kozunu kunamano na? Neni udalo?
Balani Matangisilo 1:1, akale kwejisani nombuzo yoyu:
-
Bozwesayinsi banoti zunu zose zuna pazwakatangila. Zwabanoleba zunokwendelana chini nozwatabala muBhayibhili?
Bamwe banhu banoyeya kuti Mwali pana zwaakatanga kubumba zukotanga kushanduka shanduka. Balani Matangisilo 1:21, 25, 27, akale kwejisani nemibhuzo yeyi:
-
IBhayibhili linolayija na kuti Mwali wakabumba chinu chimwempela chikotanga kushanduka shanduka chiba ihobe, imhuka nabanhu? Kana kuti wakabumba zunu zose “noluji” lwazo? b
6. Banhu balobumbwa nenzila inochenamisa
Jehova wakatibumba nenzila ilosiyana nemhuka. Balani Matangisilo 1:26, akale kwejisani nombuzo yoyu:
-
Sozwa takabumbwa nonkwejaniso waMwali, kutondejela ludo neshe kwatinota zunotilayijani nozwaMwali?
BAMWE BANOTI: “Zunolebwa neBhayibhili pezhulu pokubumbwa kozunu manyepwa oga.”
-
Iwi unotini? Neni udalo?
INI ZWAWAFUNDA
Jehova wakabumba zunu zose kudenga nopenyika.
Kubwilulula
-
IBhayibhili linolayija kuti zunu zwakabayipo chini?
-
Mwali wakabumba chinhu chimwempela na chikotanga kushanduka shanduka kana kuti wakabumba zunu zose noluji lwajo?
-
Ini chinota kuti banhu nemhuka besikwelane?
PAMIJA PANA ZWAWAWANA
Bala nozumwe zunotondeja kuti kuna umbumbi.
“Izinto Ezidaliweyo Zisifundisani?” (Vukani!, September 2006)
Bona kuti tate bamubhawunulila chini mwana wabo nozunolebwa neBhayibhili pezhulu pokubumbwa kozunu.
Bala ubone kuti indayijo yokushanduka shanduka inokwendelana na neBhayibhili.
“UNkulunkulu Wasebenzisa Ukuzenzakalela Kwemvelo Ukuze Adale Izinto Yini?” (Inyaya ipo peintaneti)
Tokoloja kuti kupenyengula kwakatiwa nabezwesayensi kwakatondeja chini kuti zunu zupenyu zwakabumbwa na kana kuti zwakangobayipo chete.
Impilo Yaqalisa Njani—Izimpendulo Zemibuzo Emihlanu Eqakathekileyo (ibhukwana)
a Muchilayijo 25 tichakwejisa nozokuti neni Mwali akatibumba.
b MuBhayibhili ibala lyokuti “luji” linoleba zunu zupenyu zulosiyana-siyana.
