CHILAYIJO 23
Kubhabhatizwa—Chito Chilokosha!
Jesu wakafundisa kuti maKristo anokwelela kubhabhatizwa. (Balani Mateu 28:19, 20.) Koga ini chinowi kubhabhatizwa? Unhu unokwelela kutani kuti ebhabhatizwe?
1. Kubhabhatizwa ini?
Ibala linoti “bhabhatiza” linova mubala lyechiGiliki linoleba kuti “myuja” muvula. Jesu paakabhabhatizwa, wakamyujwa muvula muLwizi lweJolodani akale wakava“abhuda muvula.” (Maliko 1:9, 10) Nebo maKristo echokomende banobhabhatizwa bemyujwa muvula.
2. Kubhabhatizwa kunotondejelani?
Kana unhu abhabhatizwa unobetondejela kuti wazupila kuna Jehova Mwali. Unhu unozupila chini? Unhu asanu abhabhatizwa unonamata eli ega ebuja Jehova Mwali kuti umuda kunamata kobupenyu bubwe bose. Unobimbisa Jehova kuti uchonamata iye chete akale kuta chido chaJehova ndiko kuchaba kokutanga mubupenyu bubwe. Unoshaluja “kuzwilamba iye emene . . . esikolamba etobela” Jesu akale kuta zwaakafundisa. (Mateu 16:24) Kuzupila nokubhabhatizwa kunota kuti tikwanise kuba bakwayina baJehova naabo banonamata.
3. Ini zunokwelela kutiwa nonhu kuti eswike pokubhabhatizwa?
Usanu wabhabhatizwa unokwelela kutanga wafunda nozwaJehova akale usikodimbwa muna iye. (Balani BaHebhelu 11:6.) Ungondilila mbeli ufunda nozwaJehova zuchata kuti unde akale kudimbwa kuko kuchasima. Zuchata kuti ube nechido chokubuja bamwe nozuzwe akale ulalame nenzila inonshantisa. (2 Timoti 4:2; 1 Johani 5:3) Kana unhu engotanga kulalama “nenzila inodiwa naJehova kuti onshantise munzila jose,” unokwanisa kushaluja kupila bupenyu bubwe kuna Mwali esikobhabhatizwa.—BaKolose 1:9, 10. a
FUNDA ZUNJI
Bona kuti tofundani nokubhabhatizwa kwakata Jesu akale kuti unhu engazubambila chini kuti ebhabhatizwe.
4. Pana zulayijo zwatinowana nokubhabhatizwa kwakata Jesu
Balani Mateu 3:13-17 kuti ufunde zunji nozokubhabhatizwa kwaJesu. Akale kwejisani nemibhuzo yeyi:
-
Jesu wakabhabhatizwa elintete na?
-
Wakabhabhatizwa chini? Wakangoshashilwa ivula na?
Jesu wakatanga unshingo ulokosha waakapiwa naMwali penyika paakabhabhatizwa. Balani Luka 3:21-23 naJohani 6:38, akale kwejisani nombuzo yoyu:
-
Paakabhabhatizwa Jesu ndiwupi nshingo waakabiga pokutanga mubupenyu bubwe?
5. Kubhabhatizwa chito chinotubukana
Kuzupila nokubhabhatizwa kungaboneka sechinhu chinotyisa. Koga unokwanisa kuba nechibimbo chokuta chito chilokosha. Kuti ubone bamwe banhu bakazuta yozu, yebani iVIDIYO.
Balani Johani 17:3 naJemusi 1:5, akale kwejisani nombuzo yoyu:
-
Ini zwawungate kuti ukwelele kubhabhatizwa?
-
Tozupila kunaJehova nokumbuja kuti toda kuunamata kobupenyu bwedu bose
-
Patinobhabhatizwa tobetondeja bamwe kuti takazupila kunaMwali
6. Kubhabhatizwa kunota kuti ube umwe wemhuli yaJehova
Patinobhabhatizwa tobaba mumhuli ilobatana yenyika yose. Tinakudimbwa kulofanana akale totobeleja undawu wokuzubhata kulofanana zusineni kuti takakubuswa chini akale kuti tova kupi. Balani Lwimbo 25:14 na1 Pita 2:17, akale kwejisani nombuzo yoyu:
-
Kana unhu abhabhatizwa unosoba nobukwayina bulota chini naJehova nabo baanonamata nabo?
BAMWE BANOTI: “Andijanu ndazubambila kuti ndibhabhatizwe.”
-
Kana uwha alo ubweni sokuti zulokosha na kuti ubambile kuzhobhabhatizwa?
INI ZWAWAFUNDA
Jesu wakalayija kuti maKristo anokwelela kubhabhatizwa. Kuti unhu eswike pakubhabhatizwa unokwelela kuba nokudimbwa kulosima kunaJehova akale elalame zunowililana nemilawu iye esikozupila kuna iye.
Kubwilulula
-
Kubhabhatizwa ini akale neni kukakosha?
-
Kuzupila nokubhabhatizwa kunongwinilana chini?
-
Ndizupi zunu zwawunokwelela kuta kuti ubhabhatizwe?
PAMIJA PANA ZWAWAWANA
Funda kuti kubhabhatizwa kunovani.
Bona zunu zungabhancha unhu kuti ekwelele kubhabhatizwa.
“Ukuthanda UJehova Kuzakwenza Ubhabhatizwe” (INqabayokulinda, March 2020)
Bala uwhe kuti ini zwakatisa kuti umwe unhulume ede kubhabhatizwa.
“Babefuna Ngihlolisise Ukuthi Engikufundayo Kuliqiniso Yini” (INqa bayokulinda, February 1, 2013)
Bona kuti neni kubhabhatizwa kukakosha akale kuti ungazubambila chini.
“Kumele Ngibhabhatizwe Yini?” (Izimpendulo Zemibuzo—Ebuzwa Ngabasakhulayo, Ingxenye 2, isahluko 37)
a Unhu wakababhabhatizwa kune imwe chechi unokwelela kubhabhatizwa kabili. Neni zukadalo? Nokuti ichechi yeyi ayijakabelayija ichokomende imomuBhayibhili.—Linga Mishingo 19:1-5 neChilayijo 13.
