Omo mwisi we 1, 2021, Akatunga Akakasondola mukateka omulaghe w’erilusibwa ly’ekitabu n’akatabu Tsemera engebe kera na kera! Kundi ebitabu ebyo bikatuwatikaya erigha eBiblia n’abandu omo nzira y’omukania, ekyo kyabirituwatikya eribya tukasondola esyofunzo sy’eBiblia omo nzira eyuwene kundu.

Ebindi bitsweka bihya-bihya binemutomekwa omo programe ye JW Library eriwatikya abakasondola esyofunzo kutya n’abakigha eritasyatsemera ebitabu eby’ekielektronike ebyo. Uyihirireho akatambi k’erigha ndeke ebitsweka bihya-bihya ebyo.

• Unanzire eritumira omwigha waghu w’eBiblia y’enzumwa nyilebe eyiri omo somo? Utule oko nungu eyo wanzire erituma n’erisombola ekiminyikalo Partager neryo ukolesayekyo erituma enungu eyo ulyasombola.

• Unanzire erihulikirira obusomi bw’enungu nyilebe kughuma n’omwigha waghu w’eBiblia? Utule oko nungu eyo wanzire imwahulikirira n’erisombola ekiminyikalo Lire neryo obusomi bw’esomo eyo ibwalubwatsuka.

• Omwigha waghu anganabya inyakakolesaya ekitabu ky’eritsapisibwa, aliwe iwe ighunemukolesya eky’ekielektronike. Unanzire eriminya akapapura ako muliko nga kasosire kati omo kitabu eky’eritsapisibwa? Utule oko En savoir plus (yikabanika aho ndata oko luhande lwa mali ahali ehitondi hisatu), neryo usombole Mode image. Wamanza eritasyasuba omo kitabu eky’ekielektronike, kandi utule oko hitondi hisatu ehyo ulyatulako embere, neryo usombole Mode Texte.

• Unanzire eriminya omwigha waghu w’eBiblia ng’anemulola embere erilabira ekitabu ky’ekielektronike? Umuhire m’omuhwa w’erikolesya ehisanduku ehiteghekanibwe erihandika mw’ekiro ekyo abughirako esomo nyilebe kutse erihandika eby’ayisohire erikola. Kandi anganahira ehikwarari omo hisanduku ehiri omo kitsweka “Ukwamirire obusomi bwaghu bw’eBiblia” abibugha erisoma esura nyilebe y’ekitabu ky’eBiblia.