Omulaghe erilua oko Kyaghanda Ekikasondola ky’Abimiri ba Yehova akabugha ati kyabirisaba esyobeteli silebe esiryasombolawa eritsuka emihindano y’endeko. Esyobeteli esyo sikendisombola Ebisenge by’Obwami bilebe omo biharo eyo abandu bangyi babiribana ekikato ekikateghaya oko bukoni bw’Ekorona n’ey’obukoni obo sibukanyirire. Ebyosi ebyo bikendikolwa omwisikya ebyalayiro by’abatabali b’ekihugho ab’ewenyu ebilebirye erihindana kughuma omo manyumba. Ekihanda ky’ebeteli ky’omo kihugho kyosi mukyasomerwa omulaghe oyo omo tano, ekiro 15 Omwisi 10, 2021.

Ebikendilwira omo ndegheka eyo, bikendiwatikya eriminya nga banganalola embere erihamulira n’esindi syondeko eritsuka erihindana kibiribiri. Kandi omulaghe oyo mwakakanganaya ngoko abaghala n’abali betu bangyi sibendihamulirwa eritsuka erihindana kibiribiri embere sy’Omwisi 1, 2022.

Tukasima kutsibu Ekyaghanda Ekikasondola kundi kikakanganaya ngoko kitsomene abaghala n’abali betu b’omo kihugho kyosi kikayisogha n’amenge erihamulira eritasyatsuka erihindana omo nzira eyo. Musabe Yehova alole embere erisondola n’eritsumula endegheka eyo.​—Emisyo 14:16.