Omo tarehe 23 oMwisi 3, 2020, Omo kiharo kye Khabarovsk omo Burusi, Abandu be FSB (Federal Security Services) mUbatakwa bulighe omughulu batsandaya ebindu bingyi omo nyumba ya mughala wetu Igor Avramenko, ebiro 6 enyuma sy’oluholo lwiwe. Abandu abo mubakangania mwali wetu Avramenko ekipapuro ikineko erina rya mughala wetu Avramenko ekikabahamulira erisyaheka ebindu biwe. Mubaheka e ordinatere, akamera n’ebindi bindu bingyi by’omwali wetu mukwirwa Yelena.

Mobayasonda mwali wetu Avramenko ahakakolera omubiri n’erimusubya eka wiwe. Babere bahika, oyo wabya akasondola abandu abo, yo Stanislav Grebenkin mwamukangya olupapuro olo. Mwali wetu Avramenko mwabwira Grebenkin ati omulume wiwe abirihola. Grebenkin mwamubwira ati anasi ngoko mughala wetu Avramenko abirihola, aliwe bakakola obusosotya obo omo nyumba yiwe kundi abakulu b’eleta bahandika olupapuro olo embere mughala wetu Avramenko ahole.

Abandu abo mubabwira mwali wetu Avramenko bati sibendihekamo kindu. Mwabwirabo ati erikola batya ni ky’omughaso batoke eribugha luba obusosotya obo n’eritwalirabo e FSB. Aliwe mubatsuka eriheka ebindu ebyabya omo nyumba byo kinyanganga.

Omo kiharo kye Khabarovsk Abimiri ba Yehova 10 mubatsongerwa ambu bakayingiraya omo bwiti. N’omo Eleta yanahatikana eribughaho obwikirirya bw’abaghala n’abali betu omo Burusi, twikirirye ngoko bakendilola embere “eribana akaghala, n’eritulera omwiyiketera” Tata wetu w’olwanzo Yehova.​—Isaya 30:15.