OMungu Mwanakolesya Eriyibutukira ry’Ebindu Eribumba Emihanda Mbiriri-Mbiriri y’Engebe?
Erisubirya ry’eBiblia
Iyehe. EBiblia yikakanganaya burora-rora ngoko oMungu mwabumba abandu kutya “n’emihanda” mbiriri-mbiriri y’esyonyama n’emiti. * (Enzuko 1:12, 21, 25, 27; Eribisulirwa 4:11) Yikabugha yiti abandu bosi basirira ku Adamu na Eva, ababuti betu b’erimbere. (Enzuko 3:20; 4:1) EBiblia siyilighirene n’erikangirirya erikabugha riti oMungu mwakolesya eriyibutukira [eribinduka-binduka] ly’ebindu eribumba emihanda mbiriri-mbiriri y’engebe. Oko sindi ndambi omwatsi oyo akanahulawamo erikangirirya ry’abandu abikirirye ngoko hane oMungu aliwe bati ebindu byayibutukira. Kwenene-kwenene, sihali omwatsi n’omughuma omo Biblia owakaghana emyatsi eyo abandu b’esyase babiriyilangirira ngoko emihanda mbiriri-mbirri y’engebe yikanabinduka. *
OMungu mwanakolesya eriyibutikira ry’ebindu?
Abikirirye bati hane oMungu aliwe bati ebindu byayibutikira bawite amalengekania awasighene. Erikwamana ne Encyclopedia Britannica, bakakanyiriraya amalengekania awabughire ambu oMungu akakolesaya “obuteuzi bwa asili erisondola obuhangwa.”
Erikirirya ngoko hane oMungu aliwe ambu ebindu byayibutikira ryanganasiramo amalengekania awakwamire:
Ebihangikwa byosi byasira omo bindu bighumerera ebyabyaho kera.
Omuhanda mughuma w’engebe anganasiramo engebe y’oghundi muhanda omwibinduka.
Omo nzira nyilebe, oMungu yukaleka emyatsi eyo iyatokekana.
Eriyibutukira ry’ebindu rinalighirene n’eBiblia?
Erikirya ngoko hane oMungu aliwe ambu ebindu byayibutikira kikakanganaya kiti omwatsi w’eribumbwa ly’ebindu owali omo kitabu ky’Enzuko si w’ekwenene. Aliwe, omughulu Yesu akanaya oko myatsi eyiri omo kitabu ky’Enzuko, mwakangania ngoko ni y’ekwenene erikwamana n’ehistoria. (Enzuko 1:26, 27; 2:18-24; Matayo 19:4-6) Ebiblia yikabugha yiti, embere Yesu ase oko kihugho abya inyikere elubula haghuma n’oMungu kandi mwawatikya oMungu erihangika “ebindu byosi.” (Yoane 1:3) Neryo, omwatsi w’eribugha ambu oMungu mwakolesya eriyibutikira ry’ebindu eribumba emihanda mbiriri-mbiriri y’engebe syahambene n’amakangirirya w’eBiblia.
Tubughe tutiki oko butoki by’esyonyama n’emiti eribinduka?
Ebiblia siyibughire omuhanda mughuma w’engebe ngangabinduka kungahi. N’omo bine bitya siyighanire ngoko emihanda mbiriri-mbiriri y’esyonyama n’emiti ebyabumbawa n’oMungu byanganabinduka erikwamana n’emibere y’aho byamabya kutse bikabutabutana. N’omo abandu balebe bakalangira eribinduka eryo ng’eriyibutikira ry’ebindu, sihali omuhanda muhya-muhya w’engebe owakahuluka.
^ par. 3 EBiblia yikakolesaya ekinywa “mihanda” ekisikire kulenga ekinywa ekyo abandu b’esyase bakakolesaya. Ngendo nyingyi, abandu b’esyase bakabya babugha bati hamabya eriyibutikira ry’ekindu, kangyi-kangyi kikabya ini binduka eryamabya omo muhanda mughumerera w’ekindu ekyo, ngoko ekinywa ekiri omo kitabu ky’Enzuko kinakanganirye.
^ par. 3 Omwatsi oyo akanahulawamo eriyibutikira rike.
Langira na bino
AMAKANGIRIRYA W’OMUGHASO W’EBIBLIA
Ekihugho n’ekyanya kyosi byahangyikawa kutse byayibutukira?
Ebyo eBiblia ikakanaya oko buhangyiki kangyi-kangyi sibiryowika kutse nibya abandu bakalangirabyo ng’esyondekerano. Twanganikirirya ebyo eBiblia ikabugha?
