‘Mumbaye oko malwa, muminye ko ndi Mungu.’—Esyonyimbo 46:10, KB80.

 OMungu akasaba obuli mundu erimuramya n’eriminya ngoko yutolere eritabala ekihugho. Sihali oyo wangaghana amaka n’obutoki bwiwe, n’abosi abanzire erisyabana engebe y’erikota litolere ibaligha omwatsi oyo.—Eribisulirwa 4:11.

 ‘Mumbaye oko malwa, muminye ko ndi Mungu.’ Esyombindulikania silebe sy’eBiblia sikabindula ekitsweka ky’erimbere ky’omulondo ono mo “mutulere.” Busana n’ekyo, abandu bangyi bakalengekanaya bati omulondo ono akasababo eriyibombeka ibanahunerere omughulu bali omo kisomo. Aliwe, ekinywa ky’eKiebrania ekyabindulawa mo ‘mumbaye oko malwa, muminye ngoko indi Mungu’ ni mulaghe erilua oko Yehova * Mungu iyuwene-wene oko bandu b’omo bihanda byosi, akabasaba bumbaye erilwa naye n’eriminya ngoko n’iye musa yutolere eriramibwa.

 Omulaghe owali ng’oyo akabanika omo Esyonyimbo 2. Omo Esyonyimbo esyo, oMungu akalagha erikola omwatsi mulebe busana n’abakalwa naye. Abasi obukulu bw’oMungu, bakasondekanaya obusondoli bwiwe, akaghala kiwe, n’amenge wiwe. Kundi “bakamusagirako,” bali n’obutseme kandi bali omo buteya, kutsibu-tsibu omo mighulu eyikalire.—Esyonyimbo 2:9-12.

 “Nasyahamibwa omo bihanda, nasyahamibwa omo kihugo.” Kera, Yehova mwahamibwa omughulu akolesaya akaghala kiwe kanene busana n’eriteya abandu biwe. (Eriluayo 15:1-3) Omo biro ebikasa, akendisyahamibwa omo lulengo lunene omughulu abandu bosi oko kihugho bakasyaminya ko ni mukulu n’erimuramya.—Esyonyimbo 86:9, 10; Isaya 2:11.

 Ekitabu kighuma kikahula Esyonyimbo 46 mo “Syonyimbo sy’erihalamba akaghala k’oMungu, oyukalwira oko bandu biwe n’akaghala kanene.” Omughulu babya bakimba Esyonyimbo 46, abandu bw’oMungu ibakakanganaya ngoko babya bayiketere ngoko Yehova awite obutoki bw’eribateya n’eribawatikya. (Esyonyimbo 46:1, 2) Ebinywa by’omo Esyonyimbo esyo byabya bikabibukya ngoko mughulu wosi Yehova ane haghuma abo.—Esyonyimbo 46:7, 11.

 Eriwatya eriyiketera lyabo omo butoki bwa Yehova bw’eriteya, Esyonyimbo syabya sikabasaba erilengekania oko mibírí yiwe y’amaka. (Esyonyimbo 46:8) Ng’eky’erileberyako, ebinywa by’omo Esyonyimbo esyo bikaleka itwalangira obutoki bwiwe bw’eribughaho amalwa. (Esyonyimbo 46:9) Omo nzira nyilebe, Yehova mwabughaho amalwa oko mughulu w’eBiblia omwiteya abandu biwe oko bihanda ebyabya nzighu syabo. Nikwa, eBiblia yikalagha yiti hakisigha hake oMungu inyakola atya omo lulengo lunene kutsibu omwibughaho amalwa oko kihugho kyosi.—Isaya 2:4.

 Munabwire Yehova anemuwatikya abakamuramaya kwehi? Inga. Nibya, omukwenda Paulo mwasaba kutsibu Abakristo ati bayiketere Yehova batoke eribana obuwatikya. (Abaebrania 13:6) Ebinywa by’Esyonyimbo 46 bikawataya eriyiketera ryetu omo butoki by’oMungu bw’eriteya. Bikatuwatikaya erilangira oMungu mo “busayiro bwetu nʼamaka wetu.”—Esyonyimbo 46:1.

 Lebaya evideo nguhi eno eyikakanaya omo kikuhi oko kitabu ky’Esyonyimbo.