OMO mughambo, ehitungula n’ehilikuku (pigeon) hilighirwe na Yehova eribya buhere. Kangyi-kangyi ehinyunyu hibiri ehi ihibeghere eryahulwa haghuma kandi akaghuma ikanganakolesibwa omo mwanya w’akandi. (Law. 1:14; 12:8; 14:30) Busanaki ekyo kyabya kyuwene? Enzumwa nguma ni busana mughulu wosi sikyabya kyolo eribana ehitungula. Busanaki?

Ehitungula ni hinyunyu ehikahuma-huma kandi ehikabyaho omo Israeli yosi omo misi y’ekihuhani. Obuli Mwisi 10, hikahumira oko luhande lw’eyikwa omo bihugho ebirimo ekihuhania, nikwa ibyasubula e Israeli omughulu w’ekihuhania. (Olw. 2:11, 12; Yer. 8:7) Ekyo ikikaleka ikyakala omo Israeli ya kera eriteka ehitungula mo buhere omughulu w’embeho.

Oko lundi luhande, ehilikuku kangyi-kangyi sihirihuma, neryo ihikabanika omo Israeli omo mwaka wosi. N’ekindi, ehilikuku ihikatungawa eka. (Linganisaya na Yoane 2:14, 16.) Erikwamana n’ekitabu Bible Plants and Animals, “emilongo n’emiyi yosi y’omo Palestini muyatunga ehilikuku. Obuli munyenyumba abya awite aheritungira ehilikuku, kutse ekyuna omo luhimbo, aho ehinyunyu hyangabya.”​—Linganisaya na Isaya 60:8.

Nikwa Yehova mwakangania ngoko awite olwanzo kandi mgoko syalimakirira oko mwatsi omw’iligha obuhere bw’ehinyunyu ehyo aBaisraeli babya bakabana omo mwaka wosi.