Amaminyereri awali oko syopitsa esikwamire hano akakanganaya emyatsi eyikasyakoleka oko mughulu mughumerera. Awosi akakanganaya ngoko tuli oko “nduli y’emigulu.”​—Dan. 12:4.

• Amasako Erib. 11:7; 12:13, 17; 13:1-8, 12

  Obuminyereri “Enyama y’omoli” yabiritabala ekihugho omo miaka eyilabire 3 000. Omo biro byenduli, omutwe wayo w’eririnda amahutala. Enyuma syaho, omutwe oyo amalama neryo “ekihugho kyosi” kyamakwama enyama eyo. Sitani akakolesaya enyama eyo “eriyalwa n’abandi bandu” b’olubuto l’omukali.

  Eribererera Enyuma w’Erighunga ry’Amaghetse oko mughulu wa Noa, amatabali awakaghana oMungu mwatsuka eritabala abandu. Emyaka eyilengire 3 000 enyuma syaho, omughulu w’Amalwa w’Erimbere w’Ekihugho, oBwami bw’oBungeresa mubwaherya akaghala kangyi. Mubwatasyabana akaghala omughulu bwatsuka erikola haghuma n’Obuamerika. Kutsibu-tsibu omo biro by’enduli, Sitani akakolesaya amatabali wosi w’ekihugho erighalya abandu b’oMungu.

• Erisako Dan. 11:25-45

  Obuminyereri Omo biro byenduli, omwami w’elutambi lw’endata n’omwami w’elutambi lw’eyikwa bakalwa.

  Eribererera Obujeremani mubwalwa n’Obwami b’Obungereza n’Obuamerika. Omo mwaka 1945 Obughuma bw’Abasovieti haghuma n’abakayighunga nabo mubabya omwami w’elutambi lw’endata. Omo mwaka 1991, Obuguma bw’Abasovieti mubwatera, neryo Oburusi n’abakayighunga nabo mubabya omwami ow’elutambi lw’endata.

• Amasako Isa. 61:1; Mal. 3:1; Luka 4:18

  Obuminyereri Yehova mwatuma “omukwenda” wiwe “naye asyuwania enzira” embere obwami bwa Masiya butabale. “Omukwenda” mwatsuka “erileta engulu yuwene oko bandu” bolo.”

  Eribererera Eritsuka oko mwaka 1870, Mugala wetu Russel n’abandi ababya naye mubayifunza eBiblia kutsibu n’erisonda eriminya ebyo yikakangiriraya kwenene-kwenene. Omo mwaka 1881, mubalangira ngoko abaghombe b’oMungu batolere ibabya bakatulira. Mubahandika emyatsi ng’eyi: “Tulaghire oko batuliri 1 000” kandi “Bahirirwe kw’amaghuta busana n’Eritulira.”

• Erisako Mat. 13:24-30, 36-43

  Obuminyereri Omundu mwahera ebiti ebituwene omwirima. Ebiti byamalasa n’eriswika engano. Omughulu w’erihesa, ebiti bibi byamalusibwa omo ngano.

  Eribererera Eritsuka omo mwaka 1870, eritendisosana eriri omo katikati k’aBakristo b’ekwenene n’abamabehi mulyalangirika ndeke-ndeke.

• Erisako Dan. 2:31-33, 41-43

  Obuminyereri Ebisando eby’ekyuma ekitulungene n’olondo ni by’ekisanamu kinene ekikokotibwe omo byuma mbiriri-mbiriri.

  Eribererera Olondo lukasosekanaya abandu abakatabalawa n’obutabali bw’Obungeresa n’Obuamerika abakayisamambula oko butabali obo. Busana n’amatabali ayo, obutabali bukulu bw’Obungeresa n’Obuamerika sibulitoka erikolesya akaghala kabo kosi.

• Erisako Mat. 13:30; 24:14, 45; 28:19, 20

  Obuminyereri “Engano” yikahirawa omo “kighona” kandi “omughombe mutaleghula n’ow’amenge” akahirawaho eriteya “abaghombe.” “Engulu mbuya y’oBwami” yamatsuka eritulaghanibwa “omo kihugho kyosi.”

  Eribererera Omo mwaka 1919 omughombe mutaleghula n’ow’amenge amahirwaho eriteya abandu b’oMungu. Eritsuka oko mughulu oyo, Abigha b’eBiblia bamatsuka eritulira n’omuhwa munene. Munabwire, Abimiri ba Yehova bakatulira omo bihugho ebilabire 200 kandi bakahandika ebitabu ebiseghemere oko Biblia omo mibughe eyilabire 1 000.

• Amasako Dan. 12:11;Erib. 13:11, 14, 15

  Obuminyereri Enyama eyiwite amahembe abiri yamabwira abandu b’oko kihugho yiti bakokotaye “esanamu y’enyama eyahutala ekironda” n’eriha “omuka” esanamu y’enyama eyo.

  Eribererera Obutabali bukulu b’Obungereza n’Obuamerika mubatsukisya Obughuma bw’Ebihanda. Ebindi bihugo nabyo mubyingira omo bughuma obo. Eritsuka oko mwaka 1926 erihika oko 1933, omwami w’elutambi lw’endata naye anabya omo bughuma obo. Ng’Ekitunga Ky’obughuma Bw’ebihugho (ONU) eyasubukabo, obughuma bw’Ebihanda mubwayipipa buti bwanganakola emyatsi eyo Obwami bw’oMungu busa bo bwangakola.

• Erisako Dan. 8:23, 24

  Obuminyereri Omwami mutsibu “asyaherya n’eriswekya.”

  Eribererera Obutabali bukuku b’Obungereza n’Obuamerika bwabirita abandu banene n’eritsandya emyatsi mingyi. Eky’erileberyako, omo Malwa w’Akabiri aw’Ekihugho, Obuamerika mubwaghusa esyo bombe ibiri esye atomi oko kihugo ekyabya nzighu y’Obungereza n’Obuamerika. Ebombe eyo muyatsandya kutsibu kulenga esindi sy’ombundu esyakolesibawa embere syaho.

• Erisako Dan. 11:31; Erib. 17:3, 7-11, 16

  Obuminyereri Enyama “eyolukulakula [eyerangyi y’omusasi]” ey’amahembe ikumi yikalua omo abiso kandi y’omwami owo munane. Ekitabu kya Danieli kikahula omwami oyo mo “enye eyikatsandaya.”

  Eribererera Omughulu w’Amalwa w’Akabiri aw’Ekihugho, Obughuma bw’Ebihanda bwabya isibukikola. Enyuma sy’amalwa ayo, e ONU ‘muyahanganibwa.’ E ONU, ng’Obughuma bw’Ebihanda obo yasubuka, yikayipipa yiti yanganakola emyatsi eyo Obwami bw’oMungu bo bwangakola. E ONU yikesyatoghotya ebisomo.

• Amasako 1 Tes. 5:3; Erib. 17:16

  Obuminyereri Ebihanda byasyakola omulaghe ‘w’obuholo n’obutekane,’ “n’amahembe ikumi” ‘n’enyama y’omoli’ byasyayibamba oko “mukali mumbalaka” oyo n’erimutoghotya. Enyuma syaho, ebihanda byamatoghotibwa.

  Eribererera Alinga ebihanda kikasyayihalamba biti byamabileta obuholo n’obutekane. Neryo ebihugho ebiri omo ONU bikendisyatoghotya ebisomo byamabehi. Ekyo kikendisyabya enzuko y’obulighe bunene. Obulige bunene obo bukendisahwa omugulu Yesu akendisyatoghotya ekighuho kyosi kya Sitani oko Armagedoni.

• Erisako Ezek. 38:11, 14-17; Mat. 24:31

  Obuminyereri Gogu amayibamba oko abandu b’oMungu. Neryo, abamalaika bamahindania “abayisogawa” b’oMungu.

  Eribererera Omwami w’elutambi lw’endata, akakola haghuma n’awandi matabali oko kihugo, akayibamba oko bandu b’oMungu. Katambi kake Gogu abiyibamba oko bandu b’oMungu, abahirirwe kw’amaghuta abakisiya oko kihugho bakendisyahindanibwa elubula.

• Erisako Ezek. 38:18-23; Dan. 2:34, 35, 44, 45; Erib. 6:2; 16:14, 16; 17:14; 19:20

  Obuminyereri “Oyo wikere” oko “sabayiri nyeru-nyeru” akabuyirira “erikinda liwe” omwitoghotya Gogi n’amahe wiwe. “Enyama y’emoli” ‘yamaghuswa omo ngetse y’omuliro,’ n’eribwe lyamatoghotya ekisanamu kinene ekyo.

  Eribererera Yesu, Omwami oyukatabala obwami bw’oMungu akendisyasabula abandu b’oMungu. Iye, n’abandu 144 000 abakatabala naye, haghuma n’emilondo y’abamalaika, bakasyatoghotaya ebihanda byosi ebyayibamba oko bandu b’oMungu. Eyo ikendisyabya nduli y’ekihugo kya Sitani.