Muwanasomire ehileberyo hyosi hy’omwaka ono? Kyamabya iko kiri kitya, lebaya nga wangasubirya oko mabulyo ano:

Litolere abahirirwe kw’amaghuta ibakolerwa bati?

Tukatsemera obwikirirya bwabo; aliwe, situlibakanganaya erisikya erilabirye kateho. Tukayihighula “okw’ipipa abandu.” (Yuda 16.) Sitwangababulya amabulyo awalebirye amaha wabo.​—w20.01, aka. 29.

Ni kyahi ekikaleka iwaminya ngoko Yehova anakwasi ndeke?

EBiblia yikabugha yiti, mwakuminya nibya n’embere sy’eributwa lyaghu. Kandi akahulikirira emisabe yaghu. Anasi amalengekania wawu n’ebiri omo mutima wawu, kandi ebyo ukakola bikamutulako. (1 Emy. 28:9; Emi. 27:11) Mwakuleta okwiye.​—w20.02, aka. 12.

Ni by’erileberyako byahi ebikakanganaya omughulu w’eribugha n’omughulu w’eribya bukutu?

Tukabugha n’omuhwa oko Yehova. Tukabugha omughulu twamalangira omundu mulebe akaghenda omo nzira eyitatolere. Abasyakulu b’endeko bakabugha omughulu bakateka erihano kyamatolera. Situlisosotaya eriminya emyatsi omo kihugho ekyo omubiri wetu aghanisibwe. Situlibugha oko myatsi eyitatolere eriminywa n’obuli mundu.​—w20.03, aka. 20-21.

Esyongyike esiri omo Yoeli esura 2 sisighene siti n’esiri omo Eribisulirwa esura 9?

Yoeli 2:20-29 yikabugha yiti, oMungu akasyatibita oko syongyike n’erilagha ngoko akasyasubulya emyaka eyo syongyike syatsandaya. Enyuma waho, oMungu amutula ekirimu kiwe kibuyirire oko bandu. Ebyo mubyabererera omughulu eBabiloni yabambira aBaisraeli, n’enyuma syaho. Eribisulirwa 9:1-11 yikahula aBakristo bahirirwe kw’amaghuta ab’omughulu wetu, abakatulughanaya eritswera ry’oMungu omo kihugho kibi kya Sitani kino erikahitanaya abali oko luhande lwakyo.​—w20.04, aka. 3-6.

Nindi yo mwami w’elutambi lw’endata munabwire?

Oburusi haghuma n’ebihugho ebikawatikanaya nabo. Bakakanganaya ngoko baponire abandu b’oMungu, bakaghanisya omubírí w’eritulira n’erikangania ngoko baponire Abimiri ba Yehova. Omwami w’elutambi lw’endata akalwa n’omwami w’elutambi lw’eyikwa.​—w20.05, aka. 13.

Emibere eyiri omo Abanya Galatia 5:22, 23 iyo misa yo na bitsweka ‘by’ekighuma ky’ekirimu kibuyirire’ kwehi?

Iyehe. Ekirimu kibuyirire kikatuwatikaya eribya n’eyindi mibere ng’eritunganana. (Efe. 5:8, 9)​—w20.06, aka. 17.

Emyatsi eyo ukahira oko Enternete yanganakanganiaki okwiwe?

Ebyo ukahira oko Enternete byangakangania nga uli mundu oyukayihalamba kutse nga uli mundu oyukayikehaya.​—w20.07, aka. 6-7.

Abakristo ba munabwire bangighaki oko basohi b’amahere?

Bakakola oko ndambi n’omo mwanya owo bangasungamo amahere. Omusohi w’amahere atolere inyayira oko byombo ebyuwene, kandi inyaminya ndeke erikolesyabyo. Hakanabya endambi ibayeya omo mibere eyo batalue bayilindirireko. Kobine bitya n’oko basohi b’abandu, batolere ibabya n’obutubaha.​—w20.09, aka. 5.

Ni nzira syahi silebe esyo twangawatikiryamo abigha b’eBiblia erikulya olwanzo lwabo oko Yehova?

Twanganababwira tuti babye bakasoma eBiblia y’obuli kiro n’erilengekania buli oko byo bakasoma. Kandi twanganakangiriryabo erisaba.​—w20.11, aka. 4.

Ni bahi abali omo mighanzo ya “abosi ababirimatikana na Kristo basyalubukibwa omo ngebe”?​—1 Kor. 15:22.

Omukwenda Paulo mwatabugha ati abosi bakasyalubukibwa, abughira oko Bakristo abahirirwe kw’amaghuta. Abakristo abo ni bandu ‘ababiryeribwa omo bughuma na Kristo.’ (1 Kor. 1:2; 15:18)​—w20.12, aka. 5-6.

Abakristo abahirirwe kw’amaghuta bakasyakolaki enyuma ‘sy’erihindulwa ng’erikohya ly’eriso omughulu engubi y’enyuma-nyuma yasyabugha’?​—1 Kor. 15:51-53.

Bakasyasangira haghuma na Kristo eritabala ebihanda omo mutso w’ekyuma. (Erib. 2:26, 27)​—w20.12, aka. 12-13.