Tukaramaya Yehova omughulu tukahindana haghuma, ng’oko mihindano y’endeko, n’oko mihindano minene-minene. Aliwe kandi tukamuramaya omughulu tukayighisaya kutse omw’iramya ly’eka. Hano hane emyatsi milebe eyo wangakola omughulu ukayighisaya ighuwene-wene n’omughulu muli omw’iramya ly’eka:

• Uteghekanaye emihindano y’endeko. Wanganayifunza esyonyimbo kutse eriwatikya abandu bosi b’omo kihanda eriteghekania ekisubiryo.

• Usome omwatsi owalebirye omundu mulebe omo Biblia. Enyuma w’aho, ukole akapitsa k’omundu oyo, n’erihandika emyatsi eyo wamabigha oko mundu oyo.

• Usome omusabe w’omundu mulebe w’omo Biblia n’enyuma w’aho ulengekanaye ngoko wangatasyuwania emisabe yaghu.

• Ukwame evideo y’oko jw.org neryo ukaniranaye kutse ukanaye kuyo n’abandi kutse uhandike emyatsi milebe eyo uligha muyo.

• Uyiteghekanaye oko mubiiri w’eritulira, neryo mwanganakola amazoezi, omundu mughuma anganabya omwenye-nyumba naghu iwabya mutuliri.

• Ubye ukatungerera ebihangyikwa n’erilengekania kubyo kutse ubwire abandi emyatsi eyo ebihangyikwa ebyo byamakwighisya oko Yehova. a