Kangyi-kangyi, sikiribya kyolo eryibuka ebyo tuligha. Aliwe ni kyolo eryibuka ebyo Yesu abya akakangirirya kundi inyakakolesaya emifano yo kangyi-kangyi. Tukalw’itwalangira omo bwenge ebyo Yesu abugha, neryo itwalw’itwibuka ebyo abya akakangirirya. Kutya naghu wanganabya ukibuka ebingyi by’okw’ebyo ukayighisaya omw’ibya ukalangira omo bwenge ebyo ulyasoma. Wangakola ekyo kyo ghuti? Omw’idesa omughulu ukigha.

Abandu abakadesa emyatsi mihya eyo bakigha kangyi-kangyi bakibuka ndeke ebyo baligha. Kandi eridesa likabawatikaya eryowa ebinywa n’erilusyamo enzumwa. Esyopitsa esyo sisisabirwe eribya ndeke-ndeke. Erikola esyopitsa, rikawatikaya kutsibu-kutsibu ababirikekeluha eryibuka emyatsi eyo bakigha.

Ekiro ukendisyigha, naghu wanganapima eridesa esyopitsa silebe oko ebyo wamigha. Ukendisyasweka ukibuka ndeke ebyo uligha!