Soma Enzuko 37:23-28; 39:17–23 erigha okw’ikolerwa omo eritatunganene eryahikira Yozefu.

Minya bingyi oko mwatsi. Busanaki abandi mubakolera Yozefu omo ritatunganene? (Enz. 37:3-11; 39:1, 6-10) Ni mughulu mungahi ogho Yozefu ayiyinaya omw’ikolerwa omo ritatunanene eryo? (Enz. 37:2; 41:46) Omo biro byosi ebyo, Yehova mwamukoleraki, aliwe mwatamukoleraki?​—Enz. 39:2, 21; w23.01 17 enu. 13.

Kwesa-kwesa oko mwatsi, nibya n’ehyatsi hike-hike. Nomo omukali wa Potifari mwanabugha amabehi oko Yozefu, eBiblia siyirikanganaya nga Yozefu mwayilwirako. Amasako awakwamire hano akatuwatikaya ati eriminya nga ni busanaki Yozefu mwayisogha erihuna kutse busanaki sitwangalindirira tuti n’ehyatsi hike-hike hibisulawe? (Misyo 20:2; Yoh. 21:25; Emib. 21:37) Alinga ni mibere yahi eyawatikaya Yozefu eriyiyinia omo ritatunganene eryo?​—Mika 7:7; Luka 14:11; Yak. 1:2, 3.

Ulangire esyosomo esyo wamigha kandi ukolesayesyo. Uyibulaye kino:

• ‘Nanganayilindirira okw’ikolerwa omo eritatunganene lyahi busana n’eribya mwigha wa Yesu?’ (Luka 21:12, 16, 17; Ebr. 10:33, 34)

• ‘Ni myatsi yaghi eyo nangakola lino, nitoke eriyiteghekania okw’ikolerwa omo ritatunganene elyanganihikira?’ (Esy. 62:7, 8; 105:17-19; w19.07 2-7)