“Omughulu ngabya n’amalengekania w’eriyighonera, Yehova akanisubaya mutima w’omo nda erilabira esyonyimbo esiri oko JW Teledifizyo.”​—Lorraine, we Amerika.

Mughulu wosi “esyonyimbo sy’obunya-kirimu” sikabya omw’iramya ly’Ekikristo. (Kol. 3:16) Wamabihamba esyonyimbo esyo sy’omo bwenge, isyanganakuwatikya nibya n’endambi utawite oko kantike kutse oko kyombo ky’ekielektronike. Uterikolesya amahano awakwamire awangakuwatikya erihamba esyonyimbo sy’omo bwenge.

• Usome ebinywa byo ndeke utoke eryowa nga bikasonda eribugha bitiki. Wabiminya amaana w’ebinywa, iwangan’ibukabyo bweghu-bweghu. Ebinywa by’esyonyimbo syetu syosi, erihirako n’esyonyimbo sy’embaghane, n’esyonyimbo sy’abana, bikabanika oko jw.org. Omo kitsweka Ekibikiro, wingire omo Muziki.

• Uhandike ebinywa oko karatasi. Omw’ikola utya ilikendileka ebinywa ibyahamba ndeke omo bwenge bwaghu.​—Ebih. 17:18.

• Yibegheraye eryimba omo mulenge muli. Usome kutse eryimba olwimbo lo ngendo-ngendo.

• Ulenge obwenge bwaghu. Upime eryimba butsira erilebya oko karatasi, neryo ulebaye nga mughukanatoka.