Unanzire eribana endundi nene ukigha? Amahano awakwamire anganakuwatikya erihira amalengekania waghu wosi okw’igha:

• Usondaye omwanya oghuwene. Kyamatokekana, usondaye omwanya owatondekire ndeke kandi owatemo mwirimya. Wanganigha ighunikere oko kitumbi kutse hakuhi n’emesa, kutse wanganighira ehihya yamabya iyine omwanya oghuwene.

• Uyihengeke. Yesu iniakabuka omo ‘ngyakya-ngyakya isibulibwakya ndeke,’ neryo iniaya “ahate abandu” atoke erisaba. (Mar. 1:35) Wamabya isiwangatoka eriyihengaka, ubwire ab’omo kihanda kyaghu kutse abo wikere nabo b’endambi yaghu y’erigha kandi ubabwire uti isibasondaya erikuhira omo yindi myatsi oko ndambi eyo.

• Uhire amalengekania waghu wosi okw’igha. Uyihighule oko myatsi eyikalengemeraya. Wamabya ighukighira omo telefone yaghu kutse omo tablete yaghu, ukinge ehimesaje ehikabya ihinemukubwira oko biri kutse uhireyo omo mode d’avion ukasyalengemerwa. Wamabya ighunemwigha, neryo omo bwenge bwaghu imwasa omwatsi mulebe ogho litolere iwakola, handikagho ukasyabirirwagho, neryo ulole embere erigha. Wamabiyeya obwenge bwaghu ibwamatsuka eriya eyi n’eyi, hangana, uyatimbe-timbe hake kutse uyikakaye.