Emyatsi y’Emighulu y’Erimbere 24:1-31
24 Aya w’amena w’abana ba Haruni: Abaghala ba Haruni babya Nadabu, Abihu, Eleazari, na Itamari.
2 Nadabu na Abihu bo batsuka erihola embere sya baba wabo, mubatabuta abana b’obulume; aliwe Eleazari na Itamari mubaendelea eribya bahereri.
3 Daudi na Zadoki ababya bitsikulu ba Eleazari na Ahimeleki oyo wabya mwitsikulu wa Itamari mubaghaba abana ba Haruni mo bikuto-bikuto batoke eribaha emibiiri y’erikola.
4 Omo baghala ba Eleazari mwabya abakulu bangyi b’ebihanda kulenga ababya omo baghala ba Itamari, neryo ko baghababo batya: Omo baghala ba Eleazari mumwabya abakulu 16 b’ebitunga byabo, n’omo baghala ba Itamari mumwabya abakulu 8 b’ebitunga byabo.
5 Kandi, mubakola obukanga batoke erighabira emibiiri oko kikuto kighuma n’ekindi, kundi omo kati-kati k’abaghala ba Eleazari n’omo kati-kati k’abaghala ba Itamari mwabya abakulu b’ahabuyirire n’abakulu ababya bakakolera oMungu w’ekwenene.
6 Neryo Shemaya mughala wa Netaneli, omusekretere w’Abalawi, mwahandika amena wabo embere sy’omwami, abakulu, omuhereri Zadoki, Ahimeleki mughala wa Abiatari, n’embere sy’abakulu b’ebitunga by’abahereri n’eby’Abalawi. Omo bana ba Eleazari mumwasombolwa ekitunga kighuma, n’omo bana ba Itamari mumwasombolwa ekitunga kighuma.
7 Obukanga mubwakangania ngoko ow’erimbere akendibya Yehoyaribu; ow’akabiri Yedaya,
8 ow’akasatu Harimu, ow’akani Seorimu,
9 ow’akatanu Malkiya, owe 6 Miyamini,
10 owe 7 Hakozi, owe 8 Abiya,
11 owe 9 Yeshua, owe 10 Shekania,
12 owe 11 Eliashibu, owe 12 Yakimu,
13 owe 13 Hupa, owe 14 Yeshebeabu,
14 owe 15 Bilga, owe 16 Imeri,
15 owe 17 Heziri, owe 18 Hapizezi,
16 owe 19 Petahia, owe 20 Yehezkeli,
17 owe 21 Yakini, owe 22 Gamuli,
18 owe 23 Delaya, owe 24 Maazia.
19 Ko babya bakakwama-kwamana batya omughulu babya bakingira omo nyumba ya Yehova bakayakoleramo emibiiri yabo ngoko tata-kulu wabo ye Haruni atondekabyo, erikwamana n’ebyo Yehova oMungu we Israeli amubwira.
20 N’omo bandi Balawi mwabya: omo baghala ba Amuramu mwabya Shubaeli; omo baghala ba Shubaeli mwabya Yedeya;
21 abaghala ba Reharabia: omo baghala ba Rehabia mwabya Ishia omukulu w’ekihanda;
22 omo Baizhari mwabya Shelomoti; omo baghala ba Shelomoti mwabya Yahati;
23 omo baghala ba Hebroni mwabya Yeria omukulu w’ekihanda, Amariya yo wabya amusubukire, Yahazieli ow’akasatu, Yekameamu ow’akani;
24 omo baghala ba Uzieli mwabya Mika, omo baghala ba Mika mwabya Shamiri.
25 Mughala wabo Mika abya Ishia; omo baghala ba Ishia mwabya Zekaria.
26 Abaghala ba Merari babya: Mali na Mushi; omo baghala ba Yaazia mwabya Beno.
27 Abaghala ba Merari: omo baghala ba Yaazia mwabya Beno, Shoamu, Zakuri, na Ibri;
28 omo baghala ba Mali mwabya Eleazari, oyo watabuta abana b’obulume;
29 omo baghala ba Kishi: omo baghala ba Kishi mwabya Yerameeli;
30 abaghala ba Mushi babya: Mali, Ederi, na Yerimoti.
Abo bo babya baghala ba Lawi erikwamana n’ebitunga byabo.
31 Nabo mubakola obukanga ngoko abaghala babo, abaghala ba Haruni bakola. Mubakola obukanga obo embere sy’omwami Daudi, embere sya Zadoki, Ahimeleki, n’embere sy’abakulu b’ebitunga by’abahereri n’eby’Abalawi. Ekitunga ekirimo omukulu w’ekihanda ow’emyaka minene kyabya kikakolerwa ng’ekirimo omukulu w’ekihanda ow’emyaka mike.
