Emyatsi y’Emighulu y’Erimbere 4:1-43
4 Abaghala ba Yuda babya: Perezi, Hezroni, Karmi, Huri, na Shobali.
2 Reaya mughala wa Shobali mwabuta Yahati. Yahati mwabuta Ahumai na Lahadi. Ebyo byo byabya bihanda by’Abazorati.
3 Abaghala ba baba wa Etamu babya: Yezreeli, Ishma, na Idbashi (babya n’omwali wabo oyukahulawa mo Hazelelponi),
4 na Penueli yo wabya baba wa Gedori, na Ezeri yo wabya baba wa Husha. Aba bo babya baghala ba Huri, akambere ka Efrata, baba wa Betlehemu.
5 Ashuri, baba wa Tekoa, mwabya n’abakali babiri, ye Hela na Naara.
6 Naara mwamubutira Ahuzamu, Heferi, Temeni, na Haahashtari. Abo bo babya baghala ba Naara.
7 Abaghala ba Hela babya: Zereti, Izhari, na Etani.
8 Kozi mwabuta Anubu, Zobeba, n’ebihanda bya Ahareli, mughala wa Harumu.
9 Yabesi* abya asikibwe kutsibu kulenga abaghala babo; mama wiwe yo wamuha erina rya Yabesi. Mwabugha ati: “Mungamubuta ngaghalwa.”
10 Yabesi mwasaba oMungu we Israeli ati: “Kisi, unitsumule n’eriyira ekiharo kyaghe mo kinene. Uniwatikaye n’eriniteya oko buhanya, obuhanya bukasyaniaghalya!” Neryo oMungu mwamuha ekyo amusaba.
11 Kelubu mughala wabo Shua mwabuta Mehiri. Mehiri yo wabya baba wa Eshtoni.
12 Eshtoni mwabuta Bete-rafa, Pasea, na Tehina, baba wa Iri-nahashi. Abo bo babya balume be Reka.
13 Abaghala ba Kenazi babya: Otnieli na Seraya. Omughala* wa Otnieli abya Hatati.
14 Meonotai mwabuta Ofra. Seraya mwabuta Yoabu, oyo wabya baba w’abikalani be Geharashimu.* Omusya oyo mwahulwa atya kundi yabya bafundi.
15 Abaghala ba Kalebu mughala wa Yefune babya: Iru, Ela, na Naamu; n’omughala* wa Ela abya Kenazi.
16 Abaghala ba Yehaleleli babya: Zifu, Zifa, Tiriya, na Asareli.
17 Abaghala ba Ezra babya: Yeteri, Meredi, Eferi, na Yaloni. Mwabya* mukule, amabuta Miriamu, Shamai, na Ishba, baba wa Eshtemoa.
18 (Omukali wiwe Omuyahudi mwabuta Yeredi baba wa Gedori, Yederi baba wa Soko, na Yekutieli baba wa Zanoa.) Abo bo babya baghala ba Bitia, mwali wa Farao, oyo Meredi atahaya.
19 Abaghala b’omukali wa Hodia, mwali wabo Nahamu, bo babuta Keila Omugarni, na Eshtemoa Omumaakati.
20 Abaghala ba Shimoni babya: Amnoni, Rina, Ben-hanani, na Tiloni. Abaghala ba Ishvi babya: Zoheti na Ben-zoheti.
21 Abaghala ba Shela mughala wa Yuda babya: Eri baba wa Leka, Lada baba wa Maresha, n’ebihanda by’ababya bakakokotya esyongyimba esyuwene omo nyumba ya Ashbea,
22 na Yokimu, abalume be Kozeba, Yoashi, na Sarafu abatahaya abakali Bamoabu, na Yashubilehemu. Amena aya akalua omo bitabu bya kera.*
23 Abandu abo babya bakakokotya ebindu omo ribumba, kandi babya bikere e Netaimu ne Gedera; babya bikere eyo, kandi ibakakolera omwami.
24 Abaghala ba Simeoni babya: Nemueli, Yamini, Yaribu, Zera, na Shauli.
25 Shauli mwabuta Shalumu, baba wa Mibsamu, baba wa Mishma.
26 Abaghala ba Mishma babya: Hamueli mughala wiwe, Zakuri mughala wiwe, Shimei mughala wiwe.
27 Shimei abya n’abana b’obulume 16 n’ab’obukali 6; aliwe abaghala b’obo Shimei mubatabya n’abana banene b’obulume, sihali n’ekihanda kyabo n’ekighuma ekyabyamo abandu banene ng’abandu be Yuda.
28 Babya bikere e Beeri-sheba, Molada, Hasari-shuali,
29 Bila, Ezemi, Toladi,
30 Betueli, Horma, Ziklagi,
31 Bete-markaboti, Hasar-susimu, Bete-biri, ne Sharaimu. Eyo yo miyi eyo babya bikeremo erihika oko mughulu Daudi atsuka eritabala.
32 Mubikala ne Etamu, Ayini, Rimoni, Tokeni, ne Ashani, emiyi itano.
33 Mubikala n’omo milongo eyabya itimbire oko miyi eyo eriyahika e Baali. Ayo w’amena awabya ahandikire omo bitabu ebyabya bihandikiremo amena w’ebihanda byabyo, kandi eyo yo myanya eyo babya bikeremo.
34 Muhabya na Meshobabu, Yaamuleki, Yosha mughala wa Amazia,
35 Yoeli, Yehu mughala wa Yoshibia, mughala wa Seraya, mughala wa Asieli,
36 na Elioenai, Yaakoba, Yeshohaya, Asaya, Adieli, Yesimieli, Benaya,
37 na Ziza mughala wa Shifi, mughala wa Aloni, mughala wa Yedaya, mughala wa Shimri, mughala wa Shemaya;
38 abalume abamahulwa abo babya bakulu b’ebihanda byabyo, ebihanda ebyaluira omo abotata-kulu wabo mubyakanya.
39 Neryo mubaya oko bwingiriro bwe Gedori oko luhande lw’eyo ryuba rikasira lw’omusya bakarondya ah’erilisirya esyonyama syabo.
40 Mubasala basunga emyanya y’erilisiryamo eyuwene eyirimo ebiti binene; ekiharo ekyo kyabya kinene ikitulere, kandi kyabya isikirimo kukuku, Abahami bo babya bikereyo kera.
41 Abandu abo amena wabo ahandikire oko liste mubahika omo kiharo ekyo oko mughulu w’obutabali bwa Hezekiya, omwami we Yuda. Mubahimbula amahema w’Abahami, bamita n’Abameunimu ababya bikereyo. Mubatoghotya abandu b’eyo ngoko biri erihika na munabwire; kandi mubikala omo kiharo ky’abandu abo, kundi omo kiharo ekyo mwabya emyanya y’erilisiryamo esyonyama syabo.
42 Abasimeoni balebe, abalume 500 mubaya oko Kitwa kye Seiri bakasondolwa na Pelatia, Nearia, Refaya, na Uzieli, abaghala ba Ishi.
43 Mubita Abaamaleki abasaka abatibitirayo, n’eyo yo bakinikere erihika na munabwire.
Amaelezo awehikwa
^ Alinga erina eri riri omo kihanda kighuma n’ekinywa ky’Ekiebrania ekikamaanisaya “obulumi.”
^ Kinywa kwa kinywa, “Abaghala.”
^ Ni bugha ambu “omusya w’abafundi.”
^ Kinywa kwa kinywa, “n’abaghala.”
^ Kitokekene ni Bitia oyuli omo mulondo we 18.
^ Kutse “Emyatsi eyi ikalua omo myatsi eyo bandu babya bakakanirania kera.”
