Emyatsi y’Emighulu y’Erimbere 7:1-40
7 Abaghala ba Isakari babya: Tola, Pua, Yashubu, na Shimroni, babya bani.
2 Abana ba Tola babya: Uzi, Refaya, Yerieli, Yamayi, Ibsamu, na Samweli, abakulu b’ebitunga byabo. Tola mwabya tata-kulu w’abasuda b’amaka. Oko mughulu wa Daudi, abasuda abo b’amaka babya 22 600.
3 Abana* ba Uzi babya: Izrahia n’abaghala ba Izrahia: Mikaeli, Obadia, Yoeli, na Ishia. Abatano bosi babya bakulu.*
4 Omw’ibo n’omo bana babo mwabya abakali n’abana b’obulume bangyi, neryo omo bitunga byabo mwabya abasuda 36 000 ababya ibane tayari erilwa.
5 N’abaghala babo b’omo bihanda byosi by’omo kihanda kya Isakari babya basuda b’amaka, abosi babya 87 000 erikwamana n’amena awahandikire omo bitabu ebirimo amena w’ab’omo bihanda byabo.
6 Abaghala ba Benyamini babya: Bela, Bekeri, na Yediaeli, babya basatu.
7 Abaghala ba Bela babya: Ezboni, Uzi, Uzieli, Yerimoti, na Iri, babya batano. Babya bakulu b’ebitunga byabo, kandi babya basuda b’amaka. Babya 22 034 erikwamana n’amena awahandikire omo bitabu ebirimo amena w’ab’omo bihanda byabo.
8 Abaghala ba Bekeri babya: Zemira, Yoashi, Eliezeri, Elioenai, Omri, Yeremoti, Abia, Anatoti, na Alemeti, abosi abo babya baghala ba Bekeri.
9 Omo bana babo, erikwamana n’amena awali omo bitabu ebirimo amena w’ab’omo bihanda byabo, mwabya abasuda 20 200 b’amaka.
10 Abaghala ba Yediaeli babya: Bilani n’abaghala ba Bilani: Yeushi, Benyamini, Ehudi, Kenana, Zetani, Tarshishi, na Ahisahari.
11 Omo bana ba Yediaeli, erikwamana n’amena awali omo bitabu ebirimo amena w’ab’omo bihanda byabo, mwabya abasuda 17 200 b’amaka, ababya ibane tayari erilwa.
12 Abashupimu n’Abahupimu babya baghala ba Iri, Abahushimu babya baghala ba Aheri.
13 Abaghala ba Naftali babya: Yazieli, Guni, Yezeri, na Shalumu. Babya bitsukulu* ba Bila.
14 Abaghala ba Manase babya: Asrieli, oyo abuta oko ghundi mukali wiwe Omusiria. Omusiria oyo mwabuta Makiri, baba wa Gileadi.
15 Makiri mwatahirya Hupimu na Shupimu. Mwali w’abo Makiri iniakahulawa mo Maaka, mughala wiwe w’akabiri abya Zelofehadi, aliwe Zelofehadi mwabuta abana b’obukali basa-basa.
16 Maaka, muka Makiri, mwabuta omwana w’obulume, amamwahulamo Pereshi. Mughala wabo Pereshi iniakahulawa mo Sheresi, n’abaghala biwe babya Ulamu, na Rekemu.
17 Omughala* wa Ulamu abya Bedani. Abo bo babya baghala ba Gileadi, mughala wa Makiri, mughala wa Manase.
18 Mwali w’obo Gileadi abya Hamoleketi. Mwabuta Ishi-hodi, Abiezeri, na Mala.
19 Abaghala ba Shemida babya: Ahiani, Shekemu, Liki, na Aniamu.
20 Abaghala ba Efraimu babya: Shutela, Beredi mughala wiwe, Tahati mughala wiwe, Eleada mughala wiwe, Tahati mughala wiwe,
21 Zabadi mughala wiwe, Shutela mughala wiwe. Mwabuta na Ezeri na Eleada. Abandu ababya bikere omo kihugho kye Gati oko mughulu oyo mubitabo, kundi mubasyaheka esyonyama syabo.
22 Efraimu baba wabo mwalirabo omo biro binene, n’abaghala babo Efraimu mubabya bakasyamukirania.
23 Enyuma sy’aho, mwaghotsera n’omukali wiwe, n’omukali wiwe mwabya mukule, amabuta omwana w’obulume. Efraimu mwamwahula mo Beria, kundi omukali wiwe mwamubuta oko mughulu ogho obuhanya bwabya ibwabirihikira ekihanda kiwe.
24 Mwali wiwe abya Sheera. Iye yo wahimba e Bete-horoni y’Eyikwa, e Bete-horoni y’Endata, ne Uzeni-sheera.
25 Refa na Reshefu babya bitsikulu ba Efraimu. Reshefu mwabuta Tela, na Tela mwabuta Tahani,
26 Tahani mwabuta Ladani, Ladani mwabuta Amihudi, Amihudi mwabuta Elishama,
27 Elishama mwabuta Nuni, na Nuni mwabuta Yosua.*
28 Ekitaka kyabo n’emyanya eyo babya bikeremo yabya e Beteli n’emilongo eyitimbire kuyo, Naarani oko luhande lw’eyo ryuba rikasira; Gezeri n’emilongo eyitimbire kuyo, oko luhande lw’eyo ryuba rikalengera; Shekemu n’emilongo eyitimbire kuyo eriyahika e Aya n’emilongo eyitimbire kuyo;
29 n’oko lundi luhande lw’omupaka, abana ba Manase babya ne Bete-sheani n’emilongo eyitimbire kuyo, Taanaki n’emilongo eyitimbire kuyo, Megido n’emilongo eyitimbire kuyo, ne Dori n’emilongo eyitimbire kuyo. Omo miyi eyo mo bitsikulu ba Yozefu mughala wa Israeli bikalamo.
30 Abaghala ba Asheri babya: Imna, Ishva, Ishvi, na Beria. Sera yo wabya mwali wabo.
31 Abaghala ba Beria babya: Heberi na Malkieli, oyo wabuta Birzaiti.
32 Heberi mwabuta Yafleti, Shomeri, Hotamu, na Shua, oyo wabya mwali wabo.
33 Abaghala ba Yafleti babya: Pasaki, Bimali, na Ashvati. Abo bo babya baghala ba Yafleti.
34 Abaghala ba Shemeri* babya: Ahi, Roga, Yehuba, na Aramu.
35 Abaghala ba mughala wabo ye Helemu* babya: Zofa, Imna, Sheleshi, na Amali.
36 Abaghala ba Zofa babya: Shua, Harneferi, Shuali, Beri, Imra,
37 Bezeri, Hodi, Shama, Shilsha, Itrani, na Beera.
38 Abaghala ba Yeteri babya: Yefune, Pispa, na Ara.
39 Abaghala ba Ula babya: Ara, Hanieli, na Rizia.
40 Abosi abo babya baghala ba Asheri. Babya bakulu b’ebitunga byabo, babya balume abasombolawa, babya basuda b’amaka, babya bakimanira abandi bakulu b’abasuda. Erikwamana n’amena awahandikire omo bitabu by’amena w’ab’omo bihanda byabo, babyamo abasuda 26 000, ababya ibane tayari erilwa.
Amaelezo awehikwa
^ Kinywa kwa kinywa, “Abaghala.”
^ Kinywa kwa kinywa, “mitwe.”
^ Kinywa kwa kinywa, “baghala.”
^ Kinywa kwa kinywa, “Abaghala.”
^ Ni bugha ambu “Yehova ni mulamo.”
^ Kandi akahulawa mo Shomeri omo mulondo we 32.
^ Kitokekene ni Hotamu oyuli omo mulondo we 32.
