Emyatsi y’Emighulu y’Akabiri 27:1-9
-
Yotamu, omwami we Yuda (1-9)
27 Yotamu abya n’emyaka 25 omughulu abya mwami. Mwatabala oko myaka 16 iniane e Yerusalama. Mama wiwe abya iniakahulawa mo Yerusha; abya mwali wa Zadoki.
2 Yotamu mwabya akakola ebyuwene omo meso awa Yehova, ngoko baba wiwe Uzia anakola, aliwe iye mwatingira omo hekalu ya Yehova. Aliwe abandu babya ibakinakola ebituwene.
3 Yotamu mwahimba omulango w’endata w’enyumba ya Yehova, kandi mwakola emibiiri minene y’obuhimbe oko luhimbo lwe Ofeli.
4 Kandi mwahimba emiyi omo kiharo ky’ebitwa kye Yuda, mwahimba n’emyanya eyo mundu ateangahikamo bweghu-bweghu n’ehileberyo omo biharo ebirimo miti.
5 Mwalwa n’omwami w’Abaamoni; n’oko mwiso, amasinga Abaamoni. Busana n’ekyo, Abaamoni mubamuha esyotalanta* 100 sy’efeza,* esyokori* 10 000 sy’engano, n’esyokori 10 000 sy’ekisusu oko mwaka oyo. Kandi Abaamoni mubamuliha ebyo oko mwaka w’akabiri n’ow’akasatu.
6 Neryo Yotamu kw’aendelea atya eribya n’akaghala kundi mwayisogha erikwama ebyo Yehova oMungu wiwe amusaba.
7 Eyindi myatsi eyilebirye Yotamu, amalwa wosi agho alwa n’ebyo akola, ebyosi ebyo binahandikire omo Kitabu ky’abami be Israeli n’abe Yuda.
8 Yotamu abya n’emyaka 25 omughulu abya mwami. Mwatabala oko myaka 16 iniane e Yerusalema.
9 Enyuma sy’aho, Yotamu mwahola ngoko abotata-kulu wiwe bahola. Mubamuta omo Muyi wa Daudi. Neryo mughala wiwe Ahazi mwabya mwami omo mwanya wiwe.
Amaelezo awehikwa
^ Etalanta nguma ini bilo 34,2. Ulebaye Endomeko B14.
^ Ni kindu ky’obughuli ekikalua omo kitaka.
^ Ekori nguma ini syolitre 220. Ulebaye Endomeko B14.
