Abalawi 12:1-8
-
Eriyerya enyuma sy’eributa (1-8)
12 Yehova mwasyabugha na Musa ati:
2 “Ubwire Abaisraeli uti, ‘Omukali amabiheka obukule neryo iniabuta omwana w’obulume, akendisyabya oyuterire omo biro 7 ngoko akanabya oyuterire omo biro biwe by’omwisi.*
3 Omwana oyo akendisyabanibwa oko kiro kye 8.
4 Akendisyalola embere eriyerya oko musasi omo bindi biro 33. Isyatula oko kindu kyosi-kyosi ekibuyirire kandi isyahika ahabuyirire erihika aho ebiro biwe by’eriyerya bikendisyahwera.
5 “‘Amabibuta omwana w’obukali, akendisyabya oyuterire omo biro 14 ngoko akanabya oyuterire omo biro biwe by’omwisi.* Akendisyalola embere eriyerya oko musasi omo bindi biro 66.
6 Ebiro biwe by’eriyerya busana n’omwana w’obulume kutse ow’obukali bikendisyabya byabihwa, akendisyaletera omuhereri, oko lukyo lw’ehema y’erihindanamo embangale y’omwaka mughuma mo buhere bw’eryokererya, n’akapijo kaghuma kutse akatungula mo buhere bw’erilolo.
7 Akendisyaletayo embere sya Yehova n’erilihira omukali oyo y’embanulo naye akendisyabya oyo w’erire okw’iluako musasi riwe. Oyu ni mughambo busana n’omukali oyulyabuta omwana w’obulume kutse w’obukali.
8 Aliwe amabya isyangatoka eribana embuli, litolere inialeta ehitungula hibiri kutse ehipijo hibiri ehikine hilere-hilere; akaghuma mo buhere bw’eryokererya n’akandi mo buhere bw’erilolo. N’omuhereri akendisyamulihira embanulo, neryo iniabya oyo werire.’”
