Emighanzo 2:1-34
-
Ekambi y’Abaisraeli yamatondekwa mo bikuto by’ebihanda bisatu-bisatu (1-34)
-
Ekikuto ky’ebihanda bisatu kya Yuda kyabya kikapanga oko luhande lw’eyo ryuba rikasira (3-9)
-
Ekikuto ky’ebihanda bisatu kya Rubeni kyabya kikapanga oko luhande lw’eyikwa (10-16)
-
Ekambi y’Abalawi yo yabya omo kati-kati k’esindi kambi (17)
-
Ekikuto ky’ebihanda bisatu kya Efraimu kyabya kikapanga oko luhande lw’eyo ryuba rikalengera (18-24)
-
Ekikuto ky’ebihanda bisatu kya Dani kyabya kikapanga oko luhande lw’endata (25-31)
-
Emighanzo y’abalume bosi abahandikawa mo basuda (32-34)
-
2 Yehova mwabwira Musa na Haruni ati:
2 “Abaisraeli bakendisyabya bakapanga aho ekikuto kyabo ky’ebihanda bisatu kiryahabawa, obuli mundu hakuhi n’ebendera* y’ekitunga kiwe. Bakendisyabya bakatimbya amahema wabo oko hema y’erihindanamo, ibanahererenie nayo.
3 “Ekikuto ky’ebihanda bisatu kya Yuda kyo kikendisyabya kikapanga oko luhande lw’eyo ryuba rikasira. Bakendisyabya bakapanga mo bikuto-bikuto.* Omukulu w’abaghala ba Yuda ni Nashoni, mughala wa Aminadabu.
4 Abahandikawa mo basuda omo kihanda kiwe ni bandu 74 600.
5 Ekihanda kya Isakari kyo kikendisyabya kikapanga hakuhi n’ekihanda kya Yuda. Omukulu w’abaghala ba Isakari ni Netaneli, mughala wa Zuari.
6 Abahandikawa mo basuda omo kihanda kiwe ni bandu 54 400.
7 Ekihanda kya Zabuloni kyo kikendisyabya kikapanga oko lundi luhande lw’ekihanda kya Yuda. Omukulu w’abaghala ba Zabuloni ni Eliabu, mughala wa Heloni.
8 Abahandikawa mo basuda omo kihanda kiwe ni bandu 57 400.
9 “Abosi abahandikawa mo basuda omo kikuto kya Yuda ni bandu 186 400. Bo bakendisyabya bakatsuka erihongoka.
10 “Ekikuto ky’ebihanda bisatu kya Rubeni kyo kikendisyabya kikapanga oko luhande lw’endina. Bakendisyabya bakapanga mo bikuto-bikuto. Omukulu w’abaghala ba Rubeni ni Elizuri, mughala wa Shedeuri.
11 Abahandikawa mo basuda omo kihanda kiwe ni bandu 46 500.
12 Ekihanda kya Simeoni kyo kikendisyabya kikapanga hakuhi n’ekihanda kya Rubeni. Omukulu w’abaghala ba Simeoni ni Shelumieli, mughala wa Zurishadai.
13 Abahandikawa mo basuda omo kihanda kiwe ni bandu 59 300.
14 Ekihanda kya Gadi kyo kikendisyabya kikapanga oko lundi luhande lw’ekihanda kya Rubeni. Omukulu w’abaghala ba Gadi ni Eliasafu, mughala wa Reueli.
15 Abahandikawa mo basuda omo kihanda kiwe ni bandu 45 650.
16 “Abosi abahandikawa mo basuda omo kikuto kya Rubeni ni bandu 151 450. Bo bakendisyabya b’akabiri erihongoka.
17 “Omughulu bakendisyabya bakahumisya ehema y’erihindanamo, ekambi y’Abalawi yo yikendisyabya ikabya omo kati-kati k’esindi kambi.
“Ebihanda bikendisyabya bikaghenda ngoko esyohema syabo sipangire, obuli mundu omo mwanya wiwe, erikwamana n’ebikuto byabo by’ebihanda bisatu.
18 “Ekikuto ky’ebihanda bisatu kya Efraimu kyo kikendisyabya kikapanga oko luhande lw’eyo ryuba rikalengera. Bakendisyabya bakapanga mo bikuto-bikuto. Omukulu w’abaghala ba Efraimu ni Elishama, mughala wa Amihudi.
19 Abahandikawa mo basuda omo kihanda kiwe ni bandu 40 500.
20 Ekihanda kya Manase kyo kikendisyabya kikapanga hakuhi n’ekihanda kya Efraimu. Omukulu w’abaghala ba Manase ni Gamalieli, mughala wa Pedazuri.
21 Abahandikawa mo basuda omo kihanda kiwe ni bandu 32 200.
22 Ekihanda kya Benyamini kyo kikendisyabya kikapanga oko lundi luhande lw’ekihanda kya Efraimu. Omukulu w’abaghala ba Benyamini ni Abidani, mughala wa Gideoni.
23 Abahandikawa mo basuda omo kihanda kiwe ni bandu 35 400.
24 “Abosi abahandikawamo basuda omo kikuto kya Efraimu ni bandu 108 100. Bo bakendisyabya b’akasatu erihongoka.
25 “Ekikuto ky’ebihanda bisatu kya Dani kyo kikendisyabya kikapanga oko luhande lw’endata. Bakendisyabya bakapanga mo bikuto-bikuto. Omukulu w’abaghala ba Dani ni Ahiezeri, mughala wa Amishadai.
26 Abahandikawa mo basuda omo kihanda kiwe ni bandu 62 700.
27 Ekihanda kya Asheri kyo kikendisyabya kikapanga hakuhi n’ekihanda kya Dani. Omukulu w’abaghala ba Asheri ni Pagieli, mughala wa Okrani.
28 Abahandikawa mo basuda omo kihanda kiwe ni bandu 41 500.
29 Ekihanda kya Naftali kyo kikendisyabya kikapanga oko lundi luhande lw’ekihanda kya Dani. Omukulu w’abaghala ba Naftali ni Ahira, mughala wa Enani.
30 Abahandikawa mo basuda omo kihanda kiwe ni bandu 53 400.
31 “Abosi abahandikawa mo basuda omo kikuto kya Dani ni bandu 157 600. Bo bakendisyabya bakahongoka oko mwiso. Bakendisyabya bakahongoka erikwamana n’ekikuto kyabo ky’ebihanda bisatu.”
32 Abo b’Abaisraeli abahandikawa erikwamana n’ebitunga byabo. Abalume bosi b’omo syokambi abahandikawa mo basuda babya 603 550.
33 Aliwe Abalawi mubatahandikwa haghuma n’abandi Baisraeli, ngoko Yehova abwira Musa.
34 Abaisraeli mubakola ebyosi ebyo Yehova abwira Musa. Ko babya bakapanga batya mo bikuto by’ebihanda bisatu-bisatu, kandi ko babya bakahongoka batya, obuli mundu erikwamana n’ekihanda kiwe n’ekitunga kiwe.
Amaelezo awehikwa
^ Kutse “n’ekiminyisyo.”
^ Kinywa kwa kinywa, “erikwamana n’emilondo yabo y’abasuda.”
