Emighanzo 26:1-65
-
Erighanza Abaisraeli engendo y’akabiri (1-65)
26 Ekihunzo mukyabya kyabihwa, Yehova mwabwira Musa na Eleazari, mughala w’omuhereri Haruni ati:
2 “Muhandike Abaisraeli bosi b’emyaka eritsuka oko 20 erikwamana n’ebitunga byabo, mughanze abosi abangabya basuda omo Israeli.”
3 Neryo Musa n’omuhereri Eleazari mubakania n’abandu omo ribanda eriri ng’embwarara erye Moabu, hakuhi ne Yordani, e Yeriko. Mubababwira bati:
4 “Muhandike abalume eritsuka oko myaka 20, ngoko Yehova abwira Musa.”
Abaisraeli abalua e Misri b’abano:
5 Rubeni, akambere ka Israeli; abaghala ba Rubeni babya: Hanoki mwabuta ekihanda ky’Abahanoki, Palu mwabuta ekihanda ky’Abapalu;
6 Hezroni mwabuta ekihanda ky’Abahezroni, Karmi mwabuta ekihanda ky’Abakarmi.
7 Ebyo byo byabya bihanda by’Abarubeni. Abahandikawa omo bihanda ebyo mubabya 43 730.
8 Mughala wa Palu abya Eliabu.
9 Abaghala ba Eliabu babya Nemueli, Datani, na Abiramu. Oyo yo Datani na Abiramu ababya bakulu abapinga Musa na Haruni haghuma n’abandu ba Kora omughulu bapinga Yehova.
10 Ekitaka mukyatulika n’erimerabo. Kora iye mwahola haghuma n’abayighunga okw’iye omughulu omuliro atimaya abandu 250. Ekyabahikira mukyabya somo oko bandi.
11 Aliwe abaghala ba Kora mubatahola.
12 Abaghala ba Simeoni erikwamana n’ebihanda byabo babya: Nemueli mwabuta ekihanda ky’Abanemueli; Yamini mwabuta ekihanda ky’Abayamini; Yakini mwabuta ekihanda ky’Abayakini.
13 Zera mwabuta ekihanda ky’Abazera; Shauli mwabuta ekihanda ky’Abashauli.
14 Ebyo byo byabya bihanda by’Abasimeoni. Abosi babya 22 200.
15 Abaghala ba Gadi erikwamana n’ebihanda byabo babya: Zefoni mwabuta ekihanda ky’Abazefoni; Hagi mwabuta ekihanda ky’Abahagi; Shuni mwabuta ekihanda ky’Abashuni.
16 Ozni mwabuta ekihanda ky’Abaozni, Eri mwabuta ekihanda ky’Abaeri.
17 Arodi mwabuta ekihanda ky’Abaarodi, Areli mwabuta ekihanda ky’Abaareli.
18 Ebyo byo byabya bihanda by’abaghala ba Gadi. N’abahandikawa omo bihanda ebyo babya 40 500.
19 Abaghala ba Yuda babya Eri na Onani. Aliwe Eri na Onani mubaholera omo kihugho kye Kanana.
20 Abaghala ba Yuda erikwamana n’ebihanda byabo babya: Shela mwabuta ekihanda ky’Abashela, Perezi mwabuta ekihanda ky’Abaperezi, Zera mwabuta ekihanda ky’Abazera.
21 Abaghala ba Perezi babya: Hezroni mwabuta ekihanda ky’Abahezroni; Hamuli mwabuta ekihanda ky’Abahamuli.
22 Ebyo byo byabya bihanda bya Yuda. Abahandikawa omo bihanda ebyo babya 76 500.
23 Abaghala ba Isakari erikwamana n’ebihanda byabo babya: Tola mwabuta ekihanda ky’Abatola; Puva mwabuta ekihanda ky’Abapuva.
24 Yashubu mwabuta ekihanda ky’Abayashubu; Shimroni mwabuta ekihanda ky’Abashimroni.
25 Ebyo byo byabya bihanda bya Isakari. Abahandikawa omo bihanda ebyo babya 64 300.
26 Abaghala ba Zabuloni erikwamana n’ebihanda byabo babya: Seredi mwabuta ekihanda ky’Abaseredi; Eloni mwabuta ekihanda ky’Abaeloni; Yahalieli mwabuta ekihanda Ky’Abayahalieli.
27 Ebyo byo byabya bihanda by’Abazebuloni. Abahandikawa omo bihanda ebyo babya 60 500.
28 Abaghala ba Yozefu erikwamna n’ebihanda byabo babya Manase na Efraimu.
29 Abaghala ba Manase babya: Makiri mwabuta ekihanda ky’Abamakiri; kandi Makiri mwabuta Gileadi; Gileadi mwabuta ekihanda ky’Abagileadi.
30 Aba bo babya baghala ba Gileadi. Yezeri mwabuta ekihanda ky’Abayezeri; Heleki mwabuta ekihanda ky’Abaheleki;
31 Asrieli mwabuta ekihanda ky’Abaasrieli; Shekemu mwabuta ekihanda ky’Abashekemu;
32 Shemida mwabuta ekihanda ky’Abashemida; Heferi mwabuta ekihanda ky’Abaheferi.
33 Aliwe Zelofehadi, omughala wa Heferi, mwatabuta abana b’obulume, mwabuta abambesa basa-basa. Abali ba Zelofehadi babya Mala, Noa, Hogla, Milka, na Tirza.
34 Ebyo byo byabya bihanda bya Manase. Abahandikawa omo bihanda ebyo babya 52 700.
35 Aba b’abaghala ba Efraimu erikwamana n’ebihanda byabo: Shutela mwabuta ekihanda ky’Abashutela; Bekeri mwabuta ekihanda ky’Ababekeri; Tahani mwabuta ekihanda ky’Abatahani.
36 Aba b’abaghala ba Shutela: Erani mwabuta ekihanda ky’Abaerani.
37 Ebyo byo byabya bihanda by’abaghala ba Efraimu. Abahandikawa omo bihanda ebyo babya 32 500. Abo b’abaghala ba Yozefu erikwamana n’ebihanda byabo.
38 Abaghala ba Benyamini erikwamana n’ebihanda byabo babya: Bela mwabuta ekihanda ky’Ababela; Ashbeli mwabuta ekihanda ky’Abaashbeli; Ahiramu mwabuta ekihanda ky’Abaahiramu;
39 Shefufamu mwabuta ekihanda ky’Abashefufamu; Hufamu mwabuta ekihanda ky’Abahufamu.
40 Abaghala ba Bela babya: Ardi na Naamani. Ardi mwabuta ekihanda ky’Abaardi; Naamani mwabuta ekihanda ky’Abanaamani.
41 Abo bo babya baghala ba Benyamini erikwamana n’ebihanda byabo. Abahandikawa omo bihanda ebyo babya 45 600.
42 Aba b’abaghala ba Dani erikwamana n’ebihanda byabo: Shuhamu mwabuta ekihanda ky’Abashuhamu. Ebyo byo byabya bihanda bya Dani.
43 Abahandikawa omo bihanda byosi by’Abashuhami babya 64 400.
44 Abaghala ba Asheri erikwamana n’ebihanda byabo babya: Imna mwabuta ekihanda ky’Abaimna; Ishvi mwabuta ekihanda ky’Abaishvi; Beria mwabuta ekihanda ky’Ababeria;
45 abaghala ba Beria: Heberi mwabuta ekihanda ky’Abaheberi, na Malkieli mwabuta ekihanda ky’Abamalkieli.
46 Mwali wa Asheri abya Sera.
47 Ebyo byo byabya bihanda by’abaghala ba Asheri. Abahandikawa omo bihanda ebyo babya 53 400.
48 Abaghala ba Naftali erikwamana n’ebihanda byabo babya: Yazeeli mwabuta ekihanda ky’Abayazeeli; Guni mwabuta ekihanda ky’Abaguni;
49 Yezeri mwabuta ekihanda ky’Abayezeri; Shilemu mwabuta ekihanda ky’Abashilemu.
50 Ebyo byo byabya bihanda bya Naftali. Abahandikawa omo bihanda ebyo babya 45 400.
51 Abaisraeli bosi abahandikawa babya 601 730.
52 Enyuma sy’aho, Yehova mwabwira Musa ati:
53 “Ekihugho kikendisyaghabwa m’omwandu erikwamana n’emighanzo y’amena ayo omo buli kihanda.
54 Ebihanda ebirimo abandu banene, uhebyo omwandu munene. Ebihanda ebirimo abandu bake, uhebyo omwandu muke. Obuli kihanda kikendibya kikahabwa omwandu erikwamana n’emighanzo y’abalyahandikawa mukyo.
55 Aliwe ekihugho kikendisyaghabwa m’omwandu omw’ikola obukanga. Abandu bakendisyahabwa omwandu erikwamana n’amena w’ebihanda by’abobaba wabo.
56 Obuli mwandu akendisyaghabwa omw’ikola obukanga. Kandi akendisyabya akaghabwa erikwamana n’obunene bw’ekihanda.”
57 Abalawi abahandikawa erikwamana n’ebihanda byabo b’abano: Ekihanda ky’Abagershoni ekyabutawa na Gershoni, ekihanda ky’Abakohati ekyabutawa na Kohati, ekihanda ky’Abamerari ekyabutawa na Merari.
58 Bino by’ebihanda by’Abalawi: ekihanda ky’Abalibni, ekihanda ky’Abahebroni, ekihanda ky’Abamali, ekihanda ky’Abamushi, ekihanda ky’Abakora.
Kohati mwabuta Amramu.
59 Omukali wa Amramu abya Yokebedi. Yokebedi abya mwali wa Lawi, oyo muka Lawi amubutira e Misri. Na Yokebedi mwabutira Amramu ye Haruni, Musa, na Miriamu, mwali wabo.
60 Na muka Haruni mwamubutira Nadabu, Abihu, Eleazari, na Itamari.
61 Aliwe Nadabu na Abihu mubahola busana n’eriherera omuliro owatahamulirwe embere sya Yehova.
62 Abalume bosi abahandikawa eritsuka oko mwisi mughuma babya 23 000. Mubatahandikwa haghuma n’abandi Baisraeli, kundi babya isibangahabwa omwandu wosi-wosi omo kati-kati k’Abaisraeli.
63 Abo bo Musa n’omuhereri Eleazari bahandika omughulu bahandika Abaisraeli omo ribanda eriri ng’embwarara erye Moabu, hakuhi ne Yordani, e Yeriko.
64 Aliwe, omw’ibo simwabya n’omundu n’omughuma oyo Musa n’omuhereri Haruni bahandika omughulu bahandika Baisraeli omo mbwarara ye Sinai.
65 Kundi Yehova mwabugha ati: “Ibo bakendiholera omo mbwarara.” Neryo muhatasaka n’omughuma wa kubo erilusyako Kalebu, mughala wa Yefune, na Yosua, mughala wa Nuni.
