Emighanzo 29:1-40

  • Ebyalayiro ebilebirye amahere mbiriri-mbiriri (1-40)

    • Ekiro ky’eribuha engunga (1-6)

    • Ekiro ky’Erihanula (7-11)

    • Ekiro Kikulu ky’Ebibanda (12-38)

29  “‘Ekiro ky’ekwanza ky’omwisi we 7, mukendisyabya mukakola omuhindano mubuyirire. Simwendisyabya mukakola mubiiri wosi-wosi owakalire. Ekiro ekyo, mukendisyabya mukabuha engunga. 2  Mukendisyabya mukaherera obuhere bw’eryokererya obukaluamo ekikumbo ekyuwene ekikatsemesaya* Yehova. Mukendisyabya mukaherera enume nguma y’ende eyikine nyilere, embangale nguma, ebyana 7 by’esyombuli eby’obulume by’omwaka mughuma-mughuma, ebyosi ebiteko bulema. 3  Mukendisyabya mukahirako obuhere bw’akalyo bw’efarine eyuwene eyitswangenemo amaghuta. Oko nume y’ende, mukendisyabya mukahirako ebisatu by’omw’ikumi bye efa. Oko mbangale, mukendisyabya mukahirako ebibiri by’omw’ikumi, 4  n’oko kyana kighuma ky’embuli ky’obulume ky’oko byana 7 ebyo, mukendisyabya mukahirako ekighuma ky’omw’ikumi ky’efarine. 5  Mukendisyabya mukaherera n’embene mo buhere bw’erilolo mutoke erighanyirwa amalolo wenyu. 6  Mukendisyabya mukaongezya ebyo oko buhere bw’eryokererya bw’obuli mwisi obukahererawa n’obuhere bwabo bw’akalyo, obuhere bw’eryokererya bw’obuli kiro obukahererawa n’obuhere bwabo bw’akalyo, n’ebihembo byabo by’obwabu, ngoko bikanahererawa. Ni buhere obukahererawa omo muliro, obukaluamo ekikumbo ekyuwene ekikatsemesaya* Yehova. 7  “‘Ekiro kye 10 ky’omwisi oyo we 7, mukendisyabya mukakola omuhindano mubuyirire, kandi mukendisyabya mukayaghalya.* Simwendisyabya mukakola omubiiri wosi-wosi. 8  Mukendisyabya mukaherera Yehova y’obuhere bw’eryokererya, obukaluamo ekikumbo ekyuwene ekikatsemesaya.* Mukendisyabya mukaherera enume nguma y’ende, embangale nguma, n’ebyana 7 by’esyombuli eby’obulume eby’omwaka mughuma-mughuma, ebyosi ebiteko obulema. 9  Mukendisyabya mukahirako obuhere bw’akalyo bw’efarine eyuwene eyitswangenemo amaghuta. Oko nume y’ende, mukendisyabya mukahirako ebisatu by’omw’ikumi by’efarine. Oko mbangale, mukendisyabya mukahirako ebibiri by’omw’ikumi by’efarine. 10  Oko kyana kighuma ky’embuli eky’obulume ky’oko byana 7 ebyo, mukendisyabya mukahirako ekighuma ky’omw’ikumi ky’efarine. 11  Mukendisyabya mukaherera n’embene eyikine nyilere mo buhere bw’erilolo. Mukendisyabya mukaongezya ebyo oko buhere bw’erilolo obo mukaherera ekiro ky’erihanula, oko buhere bw’eryokererya bw’obuli kiro obukahererawa n’obuhere bwabo bw’akalyo, n’ebihembo byabo by’obwabu. 12  “‘Ekiro kye 15 ky’omwisi we 7, mukendisyabya mukakola omuhindano mubuyirire. Simwendisyabya mukakola omubiiri wosi-wosi owakalire, kandi mukendisyabya mukakolera Yehova y’efete omo biro 7. 13  Mukendisyabya mukaherera obuhere bw’eryokererya, obuhere obukahererawa omo muliro obukaluamo ekikumbo ekyuwene ekikatsemesaya* Yehova, ni bugha ambu, mukendisyabya mukaherera esyonume sy’esyonde esikine nyilere, esyombangale ibiri, ebyana by’esyombuli eby’obulume 14 eby’omwaka mughuma-mughuma, ebyosi ebiteko bulema. 14  Mukendisyabya mukahirako obuhere bw’akalyo bw’efarine eyuwene eyitswangenemo amaghuta. Oko buli nume y’ende y’oko syonume sy’esyonde 13 esyo, mukendisyabya mukahirako ebisatu by’omw’ikumi by’efarine. Oko buli mbangale y’oko syombangale ibiri esyo, mukendisyabya mukahirako ebibiri by’omw’ikumi by’efarine. 15  Oko buli kyana ky’embuli eky’obulume ky’oko byana 14 ebyo, mukendisyabya mukahirako ekighuma ky’omw’ikumi ky’efarine. 16  Mukendisyabya mukaherera n’embene mo buhere bw’erilolo. Mukendisyabya mukaongezya ebyo oko buhere bw’eryokererya bw’obuli kiro obukahererawa n’obuhere bwabo bw’akalyo, kandi obukahererawa n’ekihembo kyabo ky’obwabu. 17  “‘Omo kiro ky’akabiri, mukendisyabya mukaherera esyonume sy’esyonde 12, esyombangale ibiri, n’ebyana 14 by’esyombuli eby’obulume by’omwaka mughuma-mughuma, ebyosi ebiteko obulema. 18  Mukendisyabya mukahirako obuhere bw’akalyo n’ebihembo by’obwabu by’esyonume sy’esyonde, esyombangale, n’ebyana by’esyombuli eby’obulume erikwamana n’emighanzo yasyo. Mukendisyabya mukahererabyo ngoko mukanakola. 19  Kandi mukendisyabya mukaherera n’embene nguma mo buhere bw’erilolo. Mukendisyabya mukaongezyayo oko buhere bw’eryokererya bw’obuli kiro obukahererawa n’obuhere bwabo bw’akalyo, n’ebihembo byabo by’obwabu. 20  “‘Omo kiro ky’akasatu, mukendisyabya mukaherera esyonume sy’esyonde 11, esyombangale ibiri, n’ebyana 14 by’esyombuli eby’obulume by’omwaka mughuma-mughuma, ebyosi ebiteko obulema. 21  Mukendisyabya mukahirako obuhere bw’akalyo n’ebihembo by’obwabu by’esyonume sy’esyonde, esyombangale, n’ebyana by’esyombuli eby’obulume erikwamana n’emighanzo yasyo. Mukendisyabya mukahererabyo ngoko mukanakola. 22  Kandi mukendisyabya mukaherera n’embene nguma mo buhere bw’erilolo. Mukendisyabya mukaongezyayo oko buhere bw’eryokererya bw’obuli kiro obukahererawa n’obuhere bwabo bw’akalyo, kandi obukahererawa n’ekihembo kyabo ky’obwabu. 23  “‘Omo kiro ky’akani, mukendisyabya mukaherera esyonume sy’esyonde 10, esyombangale ibiri, n’ebyana 14 by’esyombuli eby’obulume by’omwaka mughuma-mughuma, ebyosi ebiteko obulema. 24  Mukendisyabya mukahirako obuhere bw’akalyo n’ebihembo by’obwabu by’esyonume sy’esyonde, esyombangale, n’ebyana by’esyombuli eby’obulume erikwamana n’emighanzo yasyo. Mukendisyabya mukahererabyo ngoko mukanakola. 25  Kandi mukendisyabya mukaherera n’embene nguma mo buhere bw’erilolo. Mukendisyabya mukaongezyayo oko buhere bw’eryokererya bw’obuli kiro obukahererawa n’obuhere bwabo bw’akalyo, kandi obukahererawa n’ekihembo kyabo ky’obwabu. 26  “‘Omo kiro ky’akatano, mukendisyabya mukaherera esyonume sy’esyonde 9, esyombangale ibiri, n’ebyana 14 by’esyombuli eby’obulume by’omwaka mughuma-mughuma, ebyosi ebiteko obulema. 27  Mukendisyabya mukahirako obuhere bw’akalyo n’ebihembo by’obwabu by’esyonume sy’esyonde, esyombangale, n’ebyana by’esyombuli eby’obulume erikwamana n’emighanzo yasyo. Mukendisyabya mukahererabyo ngoko mukanakola. 28  Kandi mukendisyabya mukaherera n’embene nguma mo buhere bw’erilolo. Mukendisyabya mukaongezyayo oko buhere bw’eryokererya bw’obuli kiro obukahererawa n’obuhere bwabo bw’akalyo, kandi obukahererawa n’ekihembo kyabo ky’obwabu. 29  “‘Omo kiro kye 6, mukendisyabya mukaherera esyonume sy’esyonde 8, esyombangale ibiri, n’ebyana 14 by’esyombuli eby’obulume by’omwaka mughuma-mughuma, ebyosi ebiteko obulema. 30  Mukendisyabya mukahirako obuhere bw’akalyo n’ebihembo by’obwabu by’esyonume sy’esyonde, esyombangale, n’ebyana by’esyombuli eby’obulume erikwamana n’emighanzo yasyo. Mukendisyabya mukahererabyo ngoko mukanakola. 31  Kandi mukendisyabya mukaherera n’embene nguma mo buhere bw’erilolo. Mukendisyabya mukaongezyayo oko buhere bw’eryokererya bw’obuli kiro obukahererawa n’obuhere bwabo bw’akalyo, n’ebihembo byabo by’obwabu. 32  “‘Omo kiro kye 7, mukendisyabya mukaherera esyonume sy’esyonde 7, esyombangale ibiri, n’ebyana 14 by’esyombuli eby’obulume by’omwaka mughuma-mughuma, ebyosi ebiteko obulema. 33  Mukendisyabya mukahirako obuhere bw’akalyo n’ebihembo by’obwabu by’esyonume sy’esyonde, esyombangale, n’ebyana by’esyombuli eby’obulume erikwamana n’emighanzo yasyo. Mukendisyabya mukahererabyo ngoko mukanakola. 34  Kandi mukendisyabya mukaherera n’embene nguma mo buhere bw’erilolo. Mukendisyabya mukaongezyayo oko buhere bw’eryokererya bw’obuli kiro obukahererawa n’obuhere bwabo bw’akalyo, kandi obukahererawa n’ekihembo kyabo ky’obwabu. 35  “‘Ekiro kye 8, mukendisyabya mukakola omuhindano munene. Simwendisyabya mukakola omubiiri wosi-wosi owakalire. 36  Mukendisyabya mukaherera obuhere bw’eryokererya, obuhere obukahererawa omo muliro, obukaluamo ekikumbo ekyuwene ekikatsemesaya* Yehova, ni bugha ambu, mukendisyabya mukaherera enume nguma y’ende, embangale nguma, ebyana by’esyombuli eby’obulume 7 eby’omwaka mughuma-mughuma, ebyosi ebiteko obulema. 37  Mukendisyabya mukahirako obuhere bw’akalyo n’ebihembo by’obwabu by’enume y’ende, embangale, n’ebyana by’esyombuli eby’obulume erikwamana n’emighanzo yabyo. Mukendisyabya mukahererabyo ngoko mukanakola. 38  Kandi mukendisyabya mukaherera embene mo buhere bw’erilolo. Mukendisyabya mukaongezya ebyo oko buhere bw’eryokererya bw’obuli kiro obukahererawa n’obuhere bwabo bw’akalyo, kandi obukahererawa n’ekihembo kyabo ky’obwabu. 39  “‘Ayo w’amahere ogho mukendisyabya mukaherera Yehova omo biro byenyu bikulu ebikakolawa oko mighulu eyabirihirwaho. Mukendisyabya mukaongezya amahere ayo oko bihembo byenyu busana n’eriyilagha, n’ebihembo ebyo mukateka omw’anza mo buhere bw’eryokererya, obuhere bw’akalyo, ekihembo ky’obwabu, n’obuhere bw’obuholo.’” 40  Musa mwabwira Abaisraeli ebyosi ebyo Yehova amubwira.

Amaelezo awehikwa

^ Kutse “ekikatuleraya; ekikabonderaya.” Kinywa kwa kinywa, “ekikaluhukaya.”
^ Kutse “ekikatuleraya; ekikabonderaya.” Kinywa kwa kinywa, “ekikaluhukaya.”
^ Kutse “eryaghalya esyonafsi syenyu.” “Eryaghalya” ni bugha ambu eritendiyitsomana, ekyo kihiriremo n’amafungo.
^ Kutse “ekikatuleraya; ekikabonderaya.” Kinywa kwa kinywa, “ekikaluhukaya.”
^ Kutse “ekikatuleraya; ekikabonderaya.” Kinywa kwa kinywa, “ekikaluhukaya.”
^ Kutse “ekikatuleraya; ekikabonderaya.” Kinywa kwa kinywa, “ekikaluhukaya.”
NEW WORLD TRANSLATION OF THE HOLY SCRIPTURES (2013 REVISION)
Emighanzo 29
Kinande
Usomere eBiblia oko Enternete
https://cms-imgp.jw-cdn.org/img/p/1001061103/univ/art/1001061103_univ_sqr_xl.jpg
nwt