Emighanzo 33:1-56
33 Bino by’ebiharo ebyo Baisraeli babya bakapangamo omughulu babya bakalua e Misri mo bikuto-bikuto* bakasondolwa na Musa na Haruni.
2 Musa mwabya akahandika ebiharo ebyo babya bakapangamo omughulu babya omo lughendo, ngoko Yehova anamubwira. Bino by’ebiharo ebyo babya bakapangamo omughulu babya bakalua omo kiharo kilebe bakaya omo kindi:
3 Omo kiro kye 15 ky’omwisi w’ekwanza, mubalua e Ramsesi. Ekiro ky’Epasaka kyabere kyabilaba, Abaisraeli mubalua e Misri omo kiro ekikwamire. Mubaluayo butsira buba, Abamisri bosi ibanalangire.
4 Mubaluayo Abamisri ibanemuta ehimbere hyabo ehyo Yehova ita omo kati-kati kabo, kundi Yehova mwaha emiungu yabo y’amalipizi.
5 Neryo Abaisraeli mubalua e Ramsesi, bamayapanga e Sukoti.
6 Mubalua e Sukoti, bamayapanga e Etamu, eyiri oko musike w’embwarara.
7 Enyuma sy’aho, mubalua e Etamu, bamayatimba e Pihahiroti, eyo omundu akalangira iniane e Baali-zefoni. Mubapanga omo kiharo ekiri e Migdoli.
8 Enyuma sy’aho, mubalua e Pihahiroti, bamalaba omo kati-kati k’engetse bakaya omo mbwarara. Mubaghenda olughendo lw’ebiro bisatu omo mbwarara ye Etamu, neryo bamapanga e Mara.
9 Enyuma sy’aho, mubalua e Mara, bamahika e Elimu. Mubapanga e Elimu kundi yabya esyongununuko 12 n’emiti y’etende* 70.
10 Kandi mubalua e Elimu bamayapanga hakuhi n’Engetse y’Engula.
11 Enyuma sy’aho, mubalua ahali Engetse y’Engula bamayapanga omo mbwarara ye Sini.
12 Kandi mubalua omo mbwarara ye Sini, bamayapanga e Dofka.
13 Habere habilaba biro bilebe, mubalua e Dofka, mubayapanga e Alushi.
14 Enyuma sy’aho, mubalua e Alushi, bamayapanga e Refidimu, ahatabya amaghetse agho abandu banganywa.
15 Kandi mubalua e Refidimu, bamayapanga omo mbwarara ye Sinai.
16 Mubalua omo mbwarara ye Sinai, bamayapanga e Kibrote-hatava.
17 Enyuma sy’aho, mubalua e Kibrote-hatava, bamayapanga e Hazeroti.
18 Kandi mubalua e Hazeroti bamayapanga e Ritma.
19 Enyuma sy’aho, mubalua e Ritma, bamayapanga e Rimoni-peresi.
20 Kandi mubalua e Rimoni-peresi, bamayapanga e Libna.
21 Mubalua e Libna, bamayapanga e Risa.
22 Enyuma sy’aho, mubalua e Risa, bamayapanga e Kehelata.
23 Kandi mubalua e Kehelata, bamayapanga oko Kitwa kye Sheferi.
24 Enyuma sy’aho, mubalua oko Kitwa kye Sheferi, bamayapanga e Harada.
25 Kandi mubalua e Harada, bamayapanga e Makeloti.
26 Enyuma sy’aho, mubalua e Makeloti, bamayapanga e Tahati.
27 Kandi mubalua e Tahati, bamayapanga e Tera.
28 Enyuma sy’aho, mubalua e Tera, bamayapanga e Mitka.
29 Habere habilaba biro bilebe, mubalua e Mitka, bamayapanga e Hashmona.
30 Kandi mubalua e Hashmona, bamayapanga e Moseroti.
31 Enyuma sy’aho, mubalua e Moseroti, bamayapanga e Bene-yakani.
32 Kandi, mubalua e Bene-yakani, bamayapanga e Hori-hagidgadi.
33 Enyuma sy’aho, mubalua e Hori-hagidgadi, bamayapanga e Yotbata.
34 Habere habilaba biro bilebe, mubalua e Yotbata, bamayapanga e Abrona.
35 Kandi mubalua e Abrona, bamayapanga e Ezioni-Geberi.
36 Enyuma sy’aho, mubalua e Ezioni-geberi, bamayapanga omo mbwarara ye Zini, ni bugha ambu, e Kadeshi.
37 Habere habilaba biro bilebe, mubalua e Kadeshi bamayapanga oko Kitwa kye Hori, oko mupaka w’ekihugho kye Edomu.
38 Ekiro ky’ekwanza ky’omwisi w’akatano oko mwaka we 40, Abaisraeli babilua e Misri, omuhereri Haruni mwahetukira oko Kitwa kye Hori, ngoko Yehova anamubwira n’eriholerayo.
39 Haruni mwaholera oko Kitwa kye Hori iniawite emyaka 123.
40 Neryo omwami Aradi, Omukanana oyo wabya ikere e Negebu omo kihugho kye Kanana, mwowa ngoko Abaisraeli banemwasa.
41 Enyuma sy’aho, mubalua oko Kitwa kye Hori, bamayapanga e Zalmona.
42 Kandi, mubalua e Zalmona, bamayapanga e Punoni.
43 Enyuma sy’aho, mubalua e Punoni, bamayapanga e Oboti.
44 Kandi, mubalua e Oboti, bamayapanga e Iye-abarimu, oko mupaka we Moabu.
45 Habere habilaba biro bilebe, mubalua e Iyimu, bamayapanga e Diboni-gadi.
46 Enyuma sy’aho, mubalua e Diboni-gadi, bamayapanga e Almoni-diblataimu.
47 Kandi mubalua e Almoni-diblataimu, bamayapanga oko bitwa bye Abarimu, omo kiharo ekiri embere sye Nebo.
48 Oko mwiso, mubalua oko bitwa bye Abarimu, bamayapanga omo ribanda eriri ng’embwarara rye Moabu, hakuhi ne Yordani, e Yeriko.
49 Mubapanga omo ribanda eriri ng’embwarara rye Moabu, omo kiharo ekiri oko musike-sike we Yordani. Mubapanga eritsuka e Bete-yeshimoti eriyahika e Abel-shitimu.
50 Ibane omo ribanda eriri ng’embwarara erye Moabu, hakuhi ne Yordani, e Yeriko, Yehova mwabwira Musa ati:
51 “Ubwire Abaisraeli uti, ‘Mukasonda erisoka e Yordani n’eringira omo kihugho kye Kanana.
52 Mutibite oko bandu bosi abali omo kihugho ekyo, kandi mutsandaye ebindu byabo byosi by’amabwe awabatsire n’esyosanamu syabo syosi sy’emetale eyo balyayeyukaya, kandi muhimbule emyanya yabo yosi eyibuyirire.
53 Mukendimya ekihugho n’erikala mukyo, kundi ngendibahakyo mo kyenyu.
54 Mukendisyakola obukanga mukaghabira ebihanda by’ekihugho. Ekihanda kyamabya kinene, imwahakyo omwandu munene. Aliwe ekihanda kyamabya kike, imwahakyo omwandu muke. Omundu akendisyabya akahabwa omwandu aho bukanga bwamakangania. Mukendisyahabwa omwandu erikwamana n’ebihanda by’abobaba wenyu.
55 “‘Aliwe mwamatenditibita oko bandu abikere omo kihugho ekyo, abo mukendisyasighamo bakendisyabya ng’ehindu ehikabatobola omo meso, n’amahwa awakabatobola oko syonganga. Bakendisyabatesa omo kihugho ekyo mukendisyikalamo.
56 Neryo in’inywe ngendikolera ebyo nabya inabiripanga erikolera abandu abo.’”
Amaelezo awehikwa
^ Kinywa kwa kinywa, “erikwamana n’emilondo yabo y’abasuda.”
^ Yisosire emiti y’obukindo.
