Emighanzo 36:1-13
-
Omughambo owalebirye endwa y’abambesa abawite omwandu (1-13)
36 Abakulu b’ekihanda ky’abana ba Gileadi, mughala wa Makiri, mughala wa Manase, ab’omo bihanda by’abaghala ba Yozefu, mubayakania na Musa n’abakulu, ni bugha ambu abakulu b’ebihanda by’Abaisraeli.
2 Mubabugha bati: “Yehova mwabwira omukama wetu ati akendisyakola obukanga akaghabira Abaisraeli b’ekihugho mo mwandu, kandi Yehova mwabwira omukama waghe ati ahe omwandu w’omughala wetu Zelofehadi w’abali biwe.
3 Bamabitahibwa n’abandi balume b’omo kindi kihanda ky’Abaisraeli, omwandu w’Abakali abo iniakendilusibwa oko mwandu w’abobaba wetu n’erihirwa oko mwandu w’ekihanda ekyo balyayamo, neryo aho iniamalusibwa oko mwandu ogho balyatuha.
4 Abaisraeli bakendisyabya babihika oko mughulu we Yubile, omwandu w’abakali abo akendisyahirwa olosi oko mwandu w’ekihanda ekyo bakendisyabya ibabiriyamo, neryo omwandu w’abakali abo akendisyabya isyakiri w’oko mwandu w’abobaba wetu.”
5 Musa mwakwama ebyo Yehova amubwira. Mwabwira Abaisraeli ati: “Ekihanda ky’abaghala ba Yozefu kisingene.
6 Bino byo Yehova alyabugha oko bali ba Zelofehadi: Banganalunga n’omundu oyo banzire, aliwe ritolere ibatahibwa omo kihanda kya baba wabo.
7 Siritolere omwandu w’ekihanda kilebe ky’Abaisraeli akahabwa ekindi kihanda, kundi ritolere Abaisraeli ibamakirira omwandu owalyahabawa ekihanda ky’abobaba wabo.
8 Obuli mumbesa oyuwite omwandu omo kati-kati k’ebihanda by’Abaisraeli akendisyabya akatahibwa omo kihanda kya baba wiwe. Kyo kikendisyaleka Abaisraeli ibataherya omwandu w’abobaba wabo. Siritolere omwandu w’ekihanda kilebe akahabwa ekindi kihanda, kundi ritolere ebihanda by’Abaisraeli ibyamakirira omwandu wabyo.
9 Siritolere omwandu w’ekihanda kilebe akahabwa ekindi kihanda, kundi ritolere ebihanda by’Abaisraeli ibyamakirira omwandu wabyo.
10 Abali ba Zelofehadi mubakola ngoko Yehova anabwira Musa.
11 Neryo abali ba Zelofehadi, ye Mala, Tirza, Hogla, Milka, na Noa, mubalunga n’abana b’abaghala babo baba wabo.
12 Mubalunga n’abalume b’omo bihanda bya Manase, mughala wa Yozefu, kusudi omwandu wabo asighale omo kihanda kya baba wabo.
13 Eyo y’emighambo n’ebyalayiro ebyo Yehova aha Abaisraeli erilabira Musa omo ribanda eriri ng’embwarara rye Moabu, hakuhi ne Yordani, e Yeriko.
