Emighanzo 7:1-89
-
Ebihembo ebyatekawa busana n’eriherera oMungu y’ehema (1-89)
7 Omo kiro ekyo Musa abugha erihimba ehema, mwahira kuyo kw’amaghuta n’eriyirayo mo nyibuyire, ni bugha ambu ehema n’ebindu byayo byosi, ekiherero n’ebindu byosi ebikakolesibawa oko hema. Mwabya abihira oko bindu ebyo kw’amaghuta n’eriyirabyo mo bibuyirire,
2 abakulu be Israeli, abakulu b’ebitunga byabo, mubaleta ebindu ebyo bakendiherera. Abakulu b’ebihanda abimanira omubiiri w’erihandika abandu
3 mubaleta obuhere bwabo embere sya Yehova. Mubaleta esyongurubani* 6 esiswikire, esyonde 12, n’abakulu babiri mubaleta engurubani nguma, n’obuli mukulu ende nguma; mubaletabyo embere sy’ehema.
4 Yehova mwabwira Musa ati:
5 “Ulighe ebindu ebyo balyaleta, kundi bikendikolesibwa omo mubiiri w’ehema y’erihindanamo. Ukendihabyo Abalawi, obuli mundu erikwamana n’ebyo alaghireko omo mubiiri wiwe.”
6 Neryo Musa mwimya esyongurubani* esyo n’esyonde esyo sy’obulume, amahabyo Abalawi.
7 Mwimya esyongurubani* ibiri n’esyonde ini sy’obulume, amahabyo abaghala ba Gershoni erikwamana n’ebyo babya balaghireko omo mubiiri wabo;
8 kandi mwaha abaghala ba Merari esyongurubani* ini n’esyonde 8 sy’obulume, erikwamana n’ebyo omubiiri wabo abya alaghireko. Itamari, mughala w’omuhereri Haruni, yo wabya imanirebo.
9 Aliwe mwataha abaghala ba Kohati bo kindu, kundi ibakaheka ebindu ebikakolesibawa ahabuyirire, kandi ibakahekabyo oko bitigho.
10 Abakulu mubaleta obuhere ekiro ky’eriherera oMungu y’ekiherero, ekiro kyahirawako amaghuta. Omughulu abakulu baleta obuhere bwabo embere sy’ekiherero,
11 Yehova mwabwira Musa ati: “Obuli kiro, omukulu mughuma akendibya akaleta obuhere bwiwe busana n’eriherera oMungu y’ekiherero.”
12 Oyo waleta obuhere bwiwe ekiro ky’erimbere abya Nashoni, mughala wa Aminadabu, w’omo kihanda kya Yuda.
13 Obuhere obo aleta bwabya epla nguma y’efeza* eyikaluamo esyoshekeli* 130, ekibakuli* kighuma ky’efeza ekikaluamo esyoshekeli 70 erikwamana n’eshekeli y’ahabuyirire,* ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
14 ekikombe kighuma ky’ehoro ekikaluamo esyoshekeli 10 ekiswiremo obukwa;
15 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
16 embene nguma eyikine nyilere eyikendibya buhere bw’erilolo;
17 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Nashoni, mughala wa Aminadabu.
18 Ekiro ky’akabiri, Netaneli mughala wa Zuari, omukulu w’ekihanda kya Isakari, mwaleta obuhere bwiwe.
19 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
20 ekikombe kighuma ky’ehoro ekikaluamo esyoshekeli 10 ekiswiremo obukwa;
21 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
22 embene nguma eyikine nyilere eyikendibya buhere bw’erilolo,
23 esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Netaneli, mughala wa Zuari.
24 Ekiro ky’akasatu, Eliabu mughala wa Heloni, omukulu w’ekihanda kya Zabuloni, mwaleta obuhere bwiwe.
25 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
26 ekikombe kighuma ky’ehoro ekikaluamo esyoshekeli 10 ekiswiremo obukwa;
27 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
28 embene nguma eyikine nyilere eyikendibya buhere bw’erilolo;
29 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Eliabu, mughala wa Heloni.
30 Ekiro ky’akani, Elizuri, mughala wa Shedeuri, omukulu w’ekihanda kya Rubeni, mwaleta obuhere bwiwe.
31 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
32 ekikombe kighuma ky’ehoro ekikaluamo esyoshekeli 10 ekiswiremo obukwa;
33 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
34 embene nguma eyikine nyilere eyikendibya buhere bw’erilolo;
35 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Elizuri, mughala wa Shedeuri.
36 Ekiro ky’akatano, Shelumieli, mughala wa Zurishadai, omukulu w’ekihanda kya Simeoni, mwaleta obuhere bwiwe.
37 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
38 ekikombe kighuma ky’ehoro ekikaluamo esyoshekeli 10 ekiswiremo obukwa;
39 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
40 embene nguma eyikine nyilere eyikendiya buhere bw’erilolo;
41 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Shelumieli, mughala wa Zurishadai.
42 Ekiro kye 6, Eliasafu, mughala wa Deueli, omukulu w’ekihanda kya Gadi, mwaleta obuhere bwiwe.
43 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
44 ekikombe kighuma ky’ehoro ekikaluamo esyoshekeli 10 ekiswiremo obukwa,
45 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
46 embene nguma eyikine nyilere eyikendibya buhere bw’erilolo;
47 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Eliasafu, mughala wa Deueli.
48 Ekiro kye 7, Elishama, mughala wa Amihudi, omukulu w’ekihanda kya Efraimu, mwaleta obuhere bwiwe.
49 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
50 ekikombe kighuma ky’ehoro ekikaluamo esyoshekeli 10 ekiswiremo obukwa;
51 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
52 embene nguma eyikine nyilere eyikendibya buhere bw’erilolo;
53 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Elishama, mughala wa Amihudi.
54 Ekiro kye 8, Gamalieli, mughala wa Pedazuri, omukulu w’ekihanda kya Manase, mwaleta obuhere bwiwe.
55 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
56 ekikombe kighuma ky’ehoro ekikaluamo esyoshekeli 10 ekiswiremo obukwa;
57 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
58 embene nguma eyikine nyilere eyikendibya buhere bw’erilolo;
59 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Gamalieli, mughala wa Pedazuri.
60 Ekiro kye 9, Abidani, mughala wa Gideoni, omukulu w’ekihanda kya Benyamini, mwaleta obuhere bwiwe.
61 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
62 ekikombe kighuma ky’ehoro ekikaluamo esyoshekeli 10 ekiswiremo obukwa;
63 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
64 embene nguma eyikine nyilere eyikendibya buhere bw’erilolo;
65 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Abidani, mughala wa Gideoni.
66 Ekiro kye 10, Ahiezeri, mughala wa Amishadai, omukulu w’ekihanda kya Dani, mwaleta obuhere bwiwe.
67 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
68 ekikombe kighuma ky’ehoro ekikaluamo esyohekeli 10 ekiswiremo obukwa;
69 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
70 embene nguma eyikine nyilere eyikendibya buhere bw’erilolo;
71 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Ahiezeri, mughala wa Amishadai.
72 Ekiro kye 11, Pagieli, mughala wa Okrani, omukulu w’ekihanda kya Asheri, mwaleta obuhere bwiwe.
73 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
74 ekikombe kighuma ky’ehoro ekikaluamo esyoshekeli 10 ekiswiremo obukwa;
75 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
76 embene nguma eyikine nyilere eyikendibya buhere bw’erilolo;
77 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Pagieli, mughala wa Okrani.
78 Ekiro kye 12, Ahira, mughala wa Enani, omukulu w’ekihanda kya Naftali, mwaleta obuhere bwiwe.
79 Obuhere obo aleta bwabya epla nguma y’efeza eyikaluamo esyoshekeli 130, ekibakuli kighuma ky’efeza ekikaluamo esyoshekeli 70 erikwamana n’eshekeli y’ahabuyirire, ebyosi bibiri byabya biswiremo efarine eyuwene eyitswangenemo amaghuta eyikendibya buhere bw’akalyo;
80 ekikombe kighuma ky’ehoro ekikaluamo esyoshekeli 10 ekiswiremo obukwa;
81 enume y’ende eyikine nyilere, embangale nguma, ekyana ky’embuli ky’obulume ky’omwaka mughuma kutse biro bike okw’aho ebikendibya buhere bw’eryokererya;
82 embene nguma eyikine nyilere eyikendibya buhere bw’erilolo;
83 n’esyonde ibiri, esyombangale itano, esyombaya itano, n’ebyana by’esyombuli bitano by’obulume by’omwaka mughuma-mughuma ebikendibya buhere bw’obuholo. Obo bo bwabya buhere bwa Ahira, mughala wa Enani.
84 Ebindu ebyo bakulu b’Abaisraeli baleta omughulu w’eriherera ekiherero ky’oMungu, omughulu kyahirawako amaghuta bya bino: esyopla 12 sy’efeza, ebibakuli 12 by’efeza, ebikombe 12 by’ehoro;
85 obuli pla y’efeza yabya ikaluamo esyoshekeli 130 n’obuli kibakuli kyabya kikaluamo esyoshekeli 70; efeza yosi y’ebindu ebyo yabya esyoshekeli 2 400, erikwamana n’eshekeli y’ahabuyirire;
86 ebikombe 12 by’ehoro ebyuswiremo obukwa, obuli kikombe mukyaluamo esyoshekeli 10 erikwamana n’eshekeli y’ahabuyirirre, ehoro yosi y’ebikombe ebyo yabya esyoshekeli 120.
87 Esyonyama syosi sy’obuhere bw’eryokererya musyabya esyonume sy’esyonde 12, esyombangale 12, ebyana by’esyombuli by’obulume by’omwaka mughuma-mughuma mubyabya 12, n’obuhere bwabyo bw’akalyo; esyombene esikine silere sy’obuhere bw’erilolo musyabya 12;
88 n’esyonyama syosi sy’obuhere bw’obuholo musyabya esyonume sy’esyonde 24, esyombangale 60, esyombaya 60, n’ebyana by’esyombuli by’obulume by’omwaka mughuma-mughuma 60. Ebyo byo bindu ebyahererawa omughulu baherera oMungu y’ekiherero, omughulu kyahirawako amaghuta.
89 Omughulu Musa abya akingira omo hema y’erihandanamo eriyakania n’oMungu, iniakowa omulenge akakania naye. Omulenge oyo iniakaluira endata oko kikuningo ky’erisanduku ry’endaghane, omo kati-kati k’abamakerubi babiri; aho h’omulenge w’oMungu abya akaluira omughulu oMungu abya akakania naye.
Amaelezo awehikwa
^ Kutse “emitoka y’erikura; esyosharyo.”
^ Kutse “emitoka y’erikura; esyosharyo.”
^ Kutse “emitoka y’erikura; esyosharyo.”
^ Kutse “emitoka y’erikura; esyosharyo.”
^ Ni kindu ky’obughuli ekikalua omo kitaka.
^ Eshekeli nguma ini syograme 11,4. Ulebaye Endomeko B14.
^ Kutse “ekibindi.”
^ Kutse “erikwamana n’eshekeli eyibuyirire.”
