Emisyo 10:1-32
10 Emisyo ya Solomona:
Omwana w’amenge akatsemesaya baba wiwe,Aliwe omwana mukiru akaleka mama wiwe iniabya omo bulighe.
2 Obuteke obo mundu akasunga omo bwibi sibwendisyabya na mughaso,Aliwe eritunganene ryo rikabalaya omundu y’oko luholo.
3 Yehova syendisyaleka omundu oyutunganene* akaghalwa omo nzala,Aliwe akendisyaghanira ababi b’ebyo bakayitsutsa kutsibu.
4 Ebyala bighata bikaleka omundu iniabya mwera,Aliwe ebyala ebikakola kutsibu bikaleka omundu iniabya muteke.
5 Omwana w’amenge akaghesa omughulu w’ekipwa,*Aliwe omwana oyukakola emyatsi eyikita esisoni akayato kutsibu omughulu w’erighesa.
6 Emiyisa yiri oko mutwe w’omundu oyutunganene;Aliwe omo buno bw’omubi mukabya imunabiseme obutsururu.
7 Omundu oyutunganene akendisyibukwa n’eritsumulwa,Aliwe erina ry’omubi rikendisyahonda.
8 Omundu oyuli n’omutima w’amenge akakwama obusondoli,*Aliwe oyukabugha kitya-kitya akendisyalyatangwa.
9 Omundu oyuluyirirene akendisyikala buholo,Aliwe oyukakola emyatsi eyihengemire akendisyafumbulwa.
10 Oyukakoheraya abandi omo butebya akaleka ihabya obulighe,N’oyukabugha kitya-kitya akendisyalyatangwa.
11 Obuno bw’omundu oyutunganene ni ngununuko y’engebe,Aliwe omo buno bw’omubi mukabya imunabiseme obutsururu.
12 Eripona abandi rikaleka ihabya obuhaka,Aliwe olwanzo lukaswika amakosa wosi.
13 Amenge akabya oko minywa y’omundu oyuli n’obutoki bw’eriyiteghererya,Aliwe efimbo ni y’erihunza mo mughongo w’omundu oyutawite obwenge.*
14 Abandu b’amenge bakabya ibanemwigha emyatsi;Aliwe obuno bw’abakiru bukabaletera amaligho.
15 Obuteke bw’omuteke ni muyi wiwe ogho mundu ateangahikamo bweghu-bweghu.
Obuhanya bw’abera, b’obwera bwabo.
16 Ebyo omundu oyutunganene akakola bikendisyaleka iniabana engebe;Aliwe ebyo mubi akakola bikaleka iniakola erilolo.
17 Oyukakwama ebinywa by’erikunga ni nzira eyikatwala abandi b’oko ngebe,*Aliwe oyukapokaya ebinywa by’erikunga akaheraya abandi.
18 Oyukabisa ngoko aponire abandi akabugha amabehi,N’oyukalalanaya ebinywa by’erilegha abandi* ni mukiru.
19 Omughulu omundu akabugha binene, syalibula erihaba,Aliwe oyukalengekanaya oko ebyo akendibugha akakanganaya ngoko ali n’amenge.
20 Olulimi lw’omundu oyutunganene luli ng’efeza* eyuwene kutsibu,Aliwe omutima w’omubi syawite mughaso.
21 Eminywa y’omundu oyutunganene ikalisaya* abandu bangyi;Aliwe abakiru bakahola busana n’eribula obwenge.
22 Omuyisa wa Yehova w’akayira omundu mo muteke,Kandi syalyaghalaya omundu oyo akatsumula.
23 Omukiru akalangira erikola ebikita esisoni nga bitsange,Aliwe amenge ni w’omundu oyuli n’obutoki bw’eriyiteghererya.
24 Ekyo mundu mubi akasagha kyo kinemwendisyamuhikira,Aliwe omundu oyutunganene akendisyahabwa ekyo anzire.
25 Omughulu ekihunga kinene kikendisyalaba, omubi syendisyasyabyaho,Aliwe omundu oyutunganene ni fondasyo ya kera na kera.
26 Ngoko evinegre ikaghegheraya ameno kandi ngoko omuki akaluma omo meso,N’omughata kw’ali atya oko mundu oyukamuha omubiiri.
27 Eryubaha Yehova rikaleka omundu iniabughaho ebiro binene,Aliwe emyaka y’ababi ikendisyakehibwa.
28 Ebyo omundu oyutunganene akalindirira* bikaleka iniatsema,Aliwe amaha w’ababi akendisyahwa.
29 Ebyo Yehova akakola ni mwanya ogho mundu ateangahikamo bweghu-bweghu w’omundu oyuluyirirene,Aliwe ni buhanya oko bandu abakakola ebibi.
30 Omundu oyutunganene syendisyateribwa;Aliwe ababi sibendisyasyabya oko kihugho.
31 Obuno bw’omundu oyutunganene bukaluamo amenge,Aliwe olulimi olukabugha emitububu lukendisyaheribwa.
32 Eminywa y’omundu oyutunganene yasi ekikatsemesaya,Aliwe obuno bw’omubi bukaluamo emitububu misa-misa.
Amaelezo awehikwa
^ Kutse “enafsi y’omundu oyutunganene.”
^ Kutse “w’omwisi.”
^ Kinywa kwa kinywa, “emighambo.”
^ Kinywa kwa kinywa, “oyubulire omutima.”
^ Kutse alinga, “ali omo nzira y’engebe.”
^ Kutse “olutongo.”
^ Ni kindu ky’obughuli ekikalua omo kitaka.
^ Kutse “ikasondola.”
^ Kutse “Amaha w’omundu oyutunganene.”
