Emisyo 16:1-33
16 Omundu akateghekanaya amalengekania omo mutima wiwe,*Aliwe ekisubiryo* ekyo akateka kikalua oko Yehova.
2 Omundu akalangira ebyosi ebyo akakola nga byuwene,*Aliwe Yehova akalebaya ekikamukuna erikolabyo nga niki.*
3 Uhire ebyosi ebyo ukakola omo byala bya Yehova,*Neryo emipango yaghu iyikenditokekana.
4 Yehova mwakola ebindu byosi bitoke eriberererya ebyo anzire,*Nibya akasondola emyatsi omubi atoke erisyatoghotibwa ekiro ky’obuhanya.
5 Yehova aponire obuli mundu oyuli n’omutima w’emiyiheko.
Uminye* ngoko syendisyabula erihabwa amalipizi.
6 Ekosa ikahanulirawa omo lukogho* n’omo butaleghula,N’eryubaha Yehova rikawatikaya omundu erileka ekibi.
7 Yehova akabya abitsemera emikolere y’omundu,Akaleka n’esyonzighu siwe isikala buholo naye.
8 Kyuwene omundu eribya n’ebindu bike inianemukola ebitunganeneKulenga kw’eribya n’ebindu binene inianemukola ebitatunganene.
9 Omundu anganapanga ebyo anzire erikola omo ngebe yiwe,Aliwe Yehova yukasondola ebika biwe.
10 Omughulu omwami akasoha emyatsi, litolere iniabugha ebihambene n’obusondoli bw’oMungu.
Syatolere akatswera omwatsi omo ritatunganene.
11 Ekilengero n’ekilo ky’ekwenene bikalua oko Yehova;Ebilengero byosi ebiri omo mufuko, iye yo wakokotayabyo.
12 Abami baponire ebibi,Kundi eritunganene ryo rikaleka ekitumbi ky’obwami ikyasika.
13 Abami bakatsemera ebinywa ebitunganene.
Banzire omundu oyukabugha ekwenene.
14 Erihitana ry’omwami riri ng’omundu oyukatumawa eriyita,Aliwe omundu w’amenge akatulerayaryo.*
15 Engebe yiri omo kyakakala ekikalua oko busu b’omwami;Olukogho lwiwe luli ng’ekitu ky’embula y’omwiso-mwiso.
16 Eribya n’amenge rilengire eribya n’ehoro!
Eribya n’obutoki bw’eryowa emyatsi yo ndeke ryuwene kulenga kw’eribya n’efeza!*
17 Enzira nene y’abandu abatunganene siyiritwala oko bubi.
Oyukateghaya enzira yiwe akateghaya engebe* yiwe.
18 Embere sy’eritera, hakatsuka habya emiyiheko,N’embere sy’eritwikala, hakatsuka habya eriyikokolomya.
19 Kyuwene eriyikehya omo kati-kati k’aboloKulenga kw’erighaba ebindu ebiryanyeghawa haghuma n’abandu abakayiheka.
20 Omundu oyukakola omwatsi mulebe n’amenge akenditokagho,*N’oyukayiketera Yehova atsemire.
21 Omundu oyuli n’omutima w’amenge akendisyahulwa mo mundu oyuli n’obutoki bw’eryowa emyatsi yo ndeke,N’omundu oyukabugha ebinywa ebyuwene* awite obutoki bw’erilighisya omundu y’omwatsi.
22 Amenge ni ngununuko y’engebe oko abali nagho,Aliwe abakiru bakahabawa amalipizi busana n’obukiru bwabo.
23 Omutima w’omundu w’amenge akamuwatikaya eribugha ebinywa by’amengeKandi akaleka ebinywa biwe ibyabya n’obutoki bw’erilighisya omundu y’omwatsi.
24 Ebinywa ebyuwene biri ng’ekisese ky’obuki,Enafsi* ikasihirawabyo kandi bikalamaya amakuha.
25 Hali enzira eyo mundu akalangira nga yuwene,Aliwe omwiso wayo ini luholo.
26 Omundu akakola kutsibu kundi inianzire eribana eky’eriya,Kusangwa enzala yiwe yikamukuna erikola omubiiri.
27 Omundu mutya-mutya akatabula ebituwene;Ebinywa biwe biri ng’omuliro owakahisaya.
28 Omundu w’efuyo* akaleka ihabya eritendihulikirirana,N’oyukalegha abandi akaleka abira ibaghabana.
29 Omutsururu akateba mulikyaboN’erimulabya omo nzira eyituwene.
30 Akakohaya akapanga erikola ekibi.
Akamuma eminywa omughulu akakola ekituwene.
31 Esyombwi ni mbita eyuwene nga*Omughulu siri omo nzira y’eritunganene.
32 Oyutehitana-hitana alengire omulume w’amaka,N’oyukakakiraya ekinigha* kiwe alengire oyukahamba omuyi.
33 Obukanga bukakolerawa omo mukunyo w’olukimba,Aliwe ebyosi ebikasohawa erilabira obukanga obo bikalua oko Yehova.
Amaelezo awehikwa
^ Kinywa kwa kinywa, “Emipango y’omutima ni y’omundu.”
^ Kutse “ekisubiryo ekyuwene.” Kinywa kwa kinywa, “ekisubiryo ky’olulimi.”
^ Kinywa kwa kinywa, “byerire.”
^ Kinywa kwa kinywa, “ebirimu.”
^ Kutse “Ukumbaghaliraye emibiiri yaghu oko Yehova.”
^ Kutse “erisonda riwe.”
^ Kinywa kwa kinywa, “Ebyala oko byala.”
^ Kutse “lwanzo oluteleghula.”
^ Kutse “akayihighula kuryo.”
^ Ni kindu ky’obughuli ekikalua omo kitaka.
^ Kutse “enafsi.”
^ Kinywa kwa kinywa, “akendibana ebibuya.”
^ Kutse “ebikatsemesaya.” Kinywa kwa kinywa, “N’eminywa eyisihire.”
^ Ulebaye Amaana w’ebinywa.
^ Kutse “Oyukasohera abandi.”
^ Kutse “y’olukengerwa.”
^ Kinywa kwa kinywa, “N’oyukatabala ekirimu.”
