Emisyo 21:1-31
21 Omutima w’omwami ali ng’ehyusi omo byala bya Yehova.
Akatwalagho eyo anzire.
2 Omundu akalangira ebyosi ebyo akakola nga byuwene,Aliwe Yehova akalebaya ebiri omo mitima.*
3 Erikola ebyuwene n’ebitunganeneRikatsemesaya Yehova yo kutsibu kulenga obuhere.
4 Ameso w’emiyiheko n’omutima owakayihekaBiri ng’etala eyikasondola omubi, aliwe ni rilolo.
5 Eribugha ekwenene, emipango y’omundu w’omuhwa yikamuletera endundi,Aliwe abosi abakahumayira bakayabya bera.
6 Eribana ebindu by’obughuli omw’ibugha amabehiRiri ng’ekihohe ekikabulirana, ng’ekitegho ekikaholaya.*
7 Obutsururu bw’ababi bukendisyababughaho,Kundi bakaghana erikola omo ritunganene.
8 Enzira eyo mundu oyuli n’ekosa akakwama yihengemire,Aliwe ebyo mundu oyo werire akakola bilungukere.
9 Kyanya iwikala omo ngonde* y’olutweKulenga kw’erikala omo nyumba ngumerera n’omukali w’omupepe.*
10 Omundu mubi* akayitsutsa ekibi;Syalikanganaya omulikyabo y’olukogho.
11 Omughulu omundu oyukasekereraya abandu akahabawa amalipizi, abatebatalola oko binene bakabya b’amenge kutsibu,N’omughulu omundu w’amenge akabana amenge, akaminya emyatsi mingyi.*
12 Oyutunganene* akalebaya enyumba y’omubi;Akalw’iniaghusa ababi b’omo buhanya.
13 Oyukahoma okutu omughulu omundu w’ahisi akamulakira,Naye akendisyabirikira ihatabya oyukamusubiraya.
14 Ekihembo ekyo mundu akateka omo bubiso-biso kikabonderaya ekinigha,N’ekyutuliro ekyo mundu akateka omo bubiso-biso* kikatulerarya ekinigha ekikalire.
15 Omundu oyutunganene akatsema akakola omo ritunganene,Aliwe omwatsi owakalire akendisyahikira abakakola ebibi
16 Omundu oyukahera oko nzira y’amengeAkendisyaluhuka haghuma n’abatawite akaghala abali omo yisinda.
17 Oyo wanzire eriyitsemesya akendisyabya mwera.
Oyo wanzire edivai n’amaghuta syendisyabya muteke.
18 Omubi ni mbanulo y’omundu oyutunganene,N’omutebya akendisyahekwa omo mwanya w’omundu oyutunganene.
19 Kyanya iwikala omo mbwararaKulenga kw’erikala n’omukali w’omupepe* kandi oyukahitana-hitana.
20 Omo nyumba y’omundu w’amenge muli ekindu ky’obughuli n’amaghuta,Aliwe omukiru akatsanga* omo ebyo awiteko.
21 Oyukakwamirira eritunganene n’olwanzo oluteleghulaAkendisyabana engebe, eritunganene, n’olukengerwa.
22 Omundu w’amenge anganatoka erisamba oko luhimbo l’omuyi w’abandu b’amakaN’erikehya akaghala ako bayiketere.
23 Oyukateghaya obuno bwiwe n’olulimi lwiweAkayihighula oko buhanya.
24 Omundu oyukayiheka kandi oyukayilabiriraya n’eriyihalamba-halamba akahulawa moMundu oyukayilabiriraya butsir’itsoma ebikendiluiramo.
25 Ebyo mughata akayitsutsa bikendisyamukolya oko luholo,Kundi ebyala biwe bikaghana erikola omubiiri.
26 Omo musibo wosi, omughata akayitsutsa n’omururu,Aliwe omundu oyutunganene akahitaya, syalibika oko ebyo akahitaya.
27 Obuhere bw’omubi bukita esyonye.
Ibwa akabya abihererabo n’omutima mubi!
28 Omwimiri* w’amabehi akendisyahola,Aliwe omundu oyukabugha ebyo alyowa akenditoka erilighisya abandu b’omwatsi.*
29 Omubi ayilighire,Aliwe omundu oyutunganene yukalaba omo nzira eyitemo buhanya.*
30 Sihali amenge, obutoki bw’eriyiteghererya, n’erihano omw’ipinga Yehova.
31 Esabayiri* ikateghekanibawa busana n’ekiro ky’amalwa,Aliwe Yehova yukasabula.
Amaelezo awehikwa
^ Kutse “ebikakuna omundu.”
^ Kutse alinga, “oko abakaronda oluholo.”
^ Kutse “sonda, coin.”
^ Kutse “w’obuno.”
^ Kutse “Enafsi y’omubi.”
^ Kutse “akaminya ekyo atolere iniakola.”
^ Oyutunganene oyo ni Yehova.
^ Kinywa kwa kinywa, “akimiraya oko kikuba.”
^ Kutse “w’obuno.”
^ Kutse “akatsatsanga.” Kinywa kwa kinywa, “akatomera.”
^ Kutse “Omutemwe.”
^ Kinywa kwa kinywa, “akabugha kera na kera.”
^ Kutse “yukalusaya obuhanya omo nzira yiwe.”
^ Kutse “Efarasi; Eshevale.”
