Emisyo 22:1-29
22 Erina eryuwene* rilengire obuteke bunene;Erisikibwa* rilengire efeza* n’ehoro.
2 Ekyo omuteke n’omwera bawiteko kya kino:*
Yehova yo wabumbabo ababiri bosi.
3 Omundu w’amenge akalangira ehatari neryo iniayibisa,Aliwe oyutewatalola oko binene akalola embere, neryo iniahutala.
4 Ekyo mundu akabana busana n’eriyikehya n’eryubaha Yehova,B’obuteke, olukengerwa, n’engebe.
5 Amahwa n’ebitegho biri omo nzira y’omundu oyuhengemire,Aliwe oyukalangira engebe* mo y’omughaso akayihighula kubyo.
6 Ukangiriraye omulwana* enzira eyo atolere inialabamo;Nibya n’omughulu akendisyabya musyakulu, syendisyalua muyo.
7 Omuteke akatabala abera,N’oyukayibweka ni mukobe w’oyulyamubweka.
8 Oyukahera eritatunganene akendisyasoloma obuhanya,N’efimbo y’ekinigha kiwe kinene ikendisyahwa.
9 Omundu oyukahitaya* akendisyatsumulwa,Kundi akaha abera b’oko kalyo kiwe.
10 Higha omundu oyukasekereraya,Neryo obuhaka ibukendihwa;Erikura-kurana* n’eritsambana ibikendihwa.
11 Oyuwite omutima owerire kandi oyukabugha ebinywa ebyuweneAkendisyabya mwira w’omwami.
12 Ameso wa Yehova akateghaya emyatsi y’ekwenene,Aliwe akakunungukaya ebinywa by’omutebya.
13 Omughata akabugha ati: “Ehihya yiri esimba!”
Ikendinitira omo kati-kati k’omwanya w’abandu bosi!”
14 Obuno bw’omukali mutswatswa* ni kyuna kiri.
Omundu oyo Yehova akaghana akendisyatoghera mukyo.
15 Obukiru bubohere oko mutima w’omulwana,*Aliwe efimbo y’erimukunga ikendisyamulusya b’omo.
16 Oyukiba ebindu by’omwera atoke erikanyia obuteke bwiweN’oyukaha omuteke y’ebihemboBakendisyabya bera.
17 Uteghe okutu kwaghu n’erihulikirira ebinywa by’abandu b’amenge,Omutima waghu atoke eriminya emyatsi yaghe,
18 Kundi ighukenditsemera eribika emyatsi yosi eyo omo mutima waghu,Kusudi emyatsi yosi eyo ibye ikabya iyine oko minywa yaghu.
19 Kusudi uyiketere Yehova,Ngakukangiriraya emyatsi eyo munabwire.
20 Siwasi ngoko nabirikuhandikirayo,N’erikuha amahano n’erikuminyisya emyatsi,
21 Nitoke erikukangirirya ebinywa by’ekwenene kandi eby’eriyiketera,Kusudi utoke eribwira oyulyakutuma y’emyatsi y’ekwenene?
22 Isiwiba ebindu by’omwera kundi tu ni mwera,Kandi isiwalyatangira omundu w’ahisi oko mulango w’omuyi,
23 Kundi Yehova iyuwene-wene yukabalwirakoKandi akendisyita abakibabo.
24 Isiwabya ukasiba n’omundu oyukahitana-hitanaKandi isiwakola omwatsi wosi-wosi n’omundu oyukahitana kutsibu.
25 Ukasyabya nga yeN’eriyingirya* omo kitegho.
26 Isiwabya omo kati-kati k’abandu abakahana ebyala,Bakayisinga erilihira abandi b’amadeni.
27 Wamabya isighuwite eky’eriliha,Ibakendimya engyingo yaghu ighuneko!
28 Isiwasegheraya omuhati* wa keraOgho abotata-kulu waghu bahanda.
29 Unewatalola oko mundu oyo wasi erikola omubiiri wiwe wo ndeke?
Akendisyimana embere sy’abami;Syendisyimana embere sy’abandu ba kawaida.
Amaelezo awehikwa
^ Kutse “Eriminywa ndeke.” Kinywa kwa kinywa, “Erina.”
^ Kinywa kwa kinywa, “Olukogho.”
^ Ni kindu ky’obughuli ekikalua omo kitaka.
^ Kinywa kwa kinywa, “bakahindana.”
^ Kutse “enafsi.”
^ Kutse “omwana.”
^ Kinywa kwa kinywa, “Oyuwite eriso eryuwene.”
^ Kutse “N’eritonda.”
^ Kutse “w’omwana.”
^ Kinywa kwa kinywa, “N’eringirya enafsi yaghu.”
^ Kutse “eborne.”
