Emisyo 23:1-35
23 Omughulu ukikala utoke erirya n’omwami,Iwalebya ndeke ebiri embere syaghu.
2 Uhire omuhamba w’oko mumero waghu*Wamabya iwanzire erirya binene.*
3 Isiwayitsutsa ebisi-bisi biwe,Kundi ni byalya by’amabehi.
4 Isiwayiluhaya omw’iyironderya obuteke.
Aliwe uleke, ukanganaye ngoko uli n’amenge.*
5 Omughulu ukasamalirabo, bukabya isibukiriho,Kundi bukasako kw’ebipupa ng’erisamba n’erighulukira omo kyanya.
6 Isiwalya akalyo k’omuhemu;*Isiwayitsutsa ebisi-bisi biwe.
7 Kundi ali ng’omundu oyukahandika emyatsi y’omo ribuku,*Akakubwira ati, “Ulya n’erinywa,” kwesi ibyo bite omo mutima wiwe.*
8 Ukendisala ebyo ulyalya,Neryo ighukendibya ighulyamusima bule.
9 Isiwabughira oko kutu k’omukiru,Kundi iniakendipokya amenge awali omo binywa byaghu.
10 Isiwasegheraya omuhati* wa keraKutse eriba oko ririma ry’engubi.
11 Kundi Oyukabalwirako* awite akaghala;Iye yukendisyalwa naghu omo mwanya wabo.
12 Kingula omutima waghu atoke eryangirira ebinywa by’erikunga,Uteghe n’okutu kwaghu kutoke erihulikirira ebinywa ebikaleka iwaminya emyatsi mingyi.
13 Isiwayikakiraya erikunga omulwana.*
Wamabimuha olufimbo, isyendihola.
14 Umuhunze omo lufimbo,Utoke erimulusya* omo Yisinda.*
15 Mughala waghe, omutima waghu amabibya n’amenge,Omutima waghe iniakenditsema.
16 Ngenditsema emwisi syaghe*Omughulu eminywa yaghu ikendibugha ebyuwene.
17 Omutima waghu isyanza eribya ng’abakoli b’amalolo,Aliwe usaghe Yehova omo musibo wosi,
18 Neryo ighukendisyabya n’amaisa aghuwene omo biro ebikasa,N’amaha waghu isyendisyahwa.
19 Mughala waghe, hulikirira, kandi ubye n’amenge,Kandi uloleraye omutima waghu eyiri enzira eyuwene.
20 Isiwabya omo kati-kati k’abandu abakanywa edivai nene,Kutse omo kati-kati k’abakalw’ibalya enyama yo luhanya-hanya,
21 Kundi omutamiri n’oyukalya binene bakendisyabya bera,N’eriyitsingirako rikambalaya omundu y’ebisangyi.*
22 Uhulikirire baba waghu oyo wakubuta.
Kandi isiwaghonera mama waghu uti kundi abirikekeluha.
23 Ughule* ekwenene, isiwasyasyaghulayayo,Ughule n’amenge, ebinywa by’erikunga, n’obutoki bw’eryowa emyatsi yo ndeke.
24 Oko kwenene, baba w’omutunganene akendisyatsema;Oyukabuta omwana w’amenge akendisyatsema busana n’omwana oyo.
25 Baba waghu na mama waghu bakendisyatsema,Na mama waghu oyo wakubuta akendisyatsema.
26 Mughala waghe, umbe omutima waghu,N’ameso waghu atsemere esyonzira syaghe.
27 Kundi omumbalaka ni kyuna kiri,N’omukali mutswatswa* ni ribulu erihatatene.
28 Akalimbaya ng’omubandi;Akaleka abalume abakaleghula ibakanya.
29 Omuhanya nindi? Oyukayowa muhanda nindi?
Oyukakuba obuhaka nindi? Oyukayilungumula nindi?
Oyukakwa ebironda byo bule nindi? Oyuliko ameso awabimba-bimbire nindi?*
30 B’abakasibira edivai;Abakarondaya* edivai eyitswangene.
31 Isiwasamalira edivai y’erangyi y’erujeIkakangabasania omo kikombe, n’erindaghala omo mumero mo lyolo-lyolo,
32 Kundi oko mwiso ikaluma ng’enzoka,Kandi ikaluamo esumu eyiri ng’ey’emboma.
33 Ameso waghu akendilangira ebitebyatalolwako,N’omutima waghu akendibugha emyatsi mitya-mitya.
34 Ukendibya ng’omundu oyughotsere omo kati-kati k’engetse,Ng’omundu oyughotsere oko mutwe-mutwe w’omulingoti.*
35 Ukendisyabugha uti: “Mubakanihunza, aliwe munditowa kindu.*
Mubakanihunza, aliwe sinditaminya?
Ngendibuka saha yahi?
Mutasyamba obundi?”*
Amaelezo awehikwa
^ Kutse “Uyikakiraye.”
^ Kutse “n’enafsi eyiri n’engumbu nene.”
^ Kutse alinga, “uleke amenge waghu.”
^ Kutse “omundu oyukalebaya omo meso mabi.”
^ Kutse “oyukahandako; oyukatutayako.”
^ Kinywa kwa kinywa, “omutima wiwe isyali haghuma naghu.”
^ Kutse “eborne.”
^ Kinywa kwa kinywa, “Omusabuli.”
^ Kutse “omwana.”
^ Kutse “erilusya enafsi yiwe.”
^ Kutse “Sheoli.” Ni bugha ambu eyisinda y’abandu bosi. Ulebaye Amaana w’ebinywa.
^ Kinywa kwa kinywa, “Esyombiko syaghe isikenditsema.”
^ Kutse “b’ebisaranguti.”
^ Kutse “Ubane.”
^ Kutse “awalimo mwirimya.”
^ Kutse “Abakahindana batoke erighonza.”
^ Ni muti muli ogho bakaboherako ebitambara eby’oko bwato.
^ Kutse “munditowa obulumi bosi-bosi.”
^ Kutse “Ngenditasyarondyabo.”
