Emisyo 28:1-28
28 Ababi bakatibita isihali n’oyukatibita kubo,Aliwe abatunganene sibesagha ng’esimba.*
2 Omughulu abandu b’omo kihugho bakaghana erikwama emighambo,*Abakulu bakabya bakasubukana.
Aliwe omukulu amabya n’omuhani oyuli n’obutoki bw’eriyiteghererya, kandi oyo wasi emyatsi mingyi,Iniakendisighala oko kitumbi k’omughulu muli.
3 Omwera oyukiba ebindu by’abandu b’ahisiAli ng’embula eyikasendaya akalyo kosi.
4 Abakaleka erikwama omughambo bakapipa omubi,Aliwe abakasikaya omughambo bakabahitanako
5 Ababi sibalyowa eritunganene nga niki,Aliwe abakasonda-sonda Yehova bakowa emyatsi yosi.
6 Omwera oyukakola emyatsi eyiluyirireneAlengire omuteke oyukayighendaya kitya-kitya.
7 Omwana oyuli n’obutoki bw’eryowa emyatsi yo ndeke akasikaya emighambo.
Aliwe oyukasiba n’abandu abakalya binene akahemula baba wiwe.
8 Oyukakanyaya obuteke bwiwe omw’ibweka abandu batoke eribya bakamuha endundi,Kutse omw’ibya akabasaba endundi nene,Akakuma-kumira obuteke bw’omundu oyukakanganaya abera b’olukogho.
9 Oyukaghana erihulikirira omughambo,Nibya n’omusabe wiwe akita esyonye.
10 Oyukatwala abatunganene b’omo kibi,Akendisyatoghera omo kyuna ekyo alyatakula.
Aliwe abaluyirirene bakendisyahabwa ebyuwene mo mwando.
11 Omuteke akayilangira mo w’amenge,Aliwe omwera oyuli n’obutoki bw’eriyiteghererya anganaminya omuteke oyo ng’ali ati.
12 Abandu abatunganene bakabya babisinga, hakabya olukengerwa lunene,Aliwe ababi bakabya babikala oko kitumbi, abandu bakayibisa.
13 Oyukabisa amakosa wiwe, syendisyatoka mwatsi.
Aliwe oyukaghungama amakosa wiwe n’erilekagho akendisyaghanyirwa.
14 Omundu oyukabya inianemuyilandako atsemire,*Aliwe oyukakala-kalaya omutima wiwe akendisyahikirwa n’obuhanya.
15 Omusondoli mubi oyukatabala abandu abatawite oyo wangabalwirakoAli ng’esimba eyikaruruma, kandi ali ng’edubu eyitsurumire.
16 Omusondoli oyutawite obutoki bw’eriyiteghererya,Akatabala abandu bo muhanda.
Aliwe oyuponire endundi y’obwibi,Akendisyakanyia ebiro bwiwe.
17 Omundu oyuliko lubanza lw’eryuta omusasiAkendisyabya musayi erihika oko luholo lwiwe.
Isihabya n’omundu n’omughuma oyukamuwatikaya.
18 Omundu oyuteko hinywa-hinywa akendisyasabulwa.
Aliwe oyukakola emyatsi mitya-mitya akendisyalw’iniatera.
19 Oyukalima eririma riwe akendisyabya n’akalyo kangyi.*
Aliwe oyukakwamirira emyatsi mitya-mitya akendisyughuta obwera.
20 Omundu mutaleghula akendisyabana miyisa mingyi.
Aliwe oyo wanzire eribana obuteke bo luba luba syendisyabulako lubanza.
21 Sikyuwene eribya n’akasololo;Aliwe omundu anganahika oko kika ky’erikola ekitatolere busana n’ekihande ky’omukati.
22 Omundu w’omururu akanza eribana obuteke bo luba-luba,Aliwe isyasi ngoko akendisyabya mwera.
23 Oko nduli, abandu bakendisyatsemera omundu oyukakunga oghundiKulenga omundu oyukapipa-pipa oghundi.
24 Oyukiba ebindu bya baba wiwe n’ebya mama wiwe, n’eribugha ati: “Ekyo si kibi,”Alingene* n’omundu oyukaleta obuhanya.
25 Omundu w’omururu akahiraho eritendihulikirirana,Aliwe oyukayiketera Yehova, emyatsi yikendisyamughendera ndeke.*
26 Oyukayiketera omutima wiwe ni mukiru,Aliwe oyukakola n’amenge akendisyayilusya omo buhanya.
27 Oyukaha abera syendisyabula kindu,Aliwe oyukabya nga syabalangire, akendisyatakirwa kutsibu.
28 Ababi bakabya babikala oko kitumbi, omundu akayibisa.
Aliwe bakabyababihwaho, abatunganene ibakanya.
Amaelezo awehikwa
^ Kutse “ng’esimba nyilere eyiswireko obweya omo bikya.”
^ Kutse “bakatsukisaya omulele.”
^ Kutse “oyutesagha n’ahake.”
^ Kinywa kwa kinywa, “n’emikati mingyi.”
^ Kinywa kwa kinywa, “ni mwira.”
^ Kinywa kwa kinywa, “akendisyanenehibwa.”
