Emisyo 30:1-33
30 Bino ni binywa by’omughaso, ebyo Aguri mughala wa Yake abwira Itieli na Ukali.
2 Niri mukiru* kulenga abandu bosi.
Kandi singwite obutoki bw’eryowa emyatsi yo ndeke obo omundu atolere iniabya nabo.
3 Sindi nataminya amenge nga niki,Kandi sinasi emyatsi eyikalua oko Mubuyirire Kutsibu.
4 Nindi yo wabirihetukira elubula, n’enyuma sy’aho inialuayo?
Nindi yo wabirikuma-kumira erihunga ry’omo byala biwe bibiri?
Nindi yo wabirilingira amaghetse w’omo lukimba lwiwe?
Nindi yo wahiraho emipaka yosi y’ekihugho?
Erina riwe nindi n’erina ry’omughala wiwe nindi, wambya ighunasi?
5 Ebinywa byosi by’oMungu byerire.
Iye ni ngabo y’abosi abakatibita eyo ali.
6 Isiwatomeka oko binywa biwe ko kinduAkasyakuhayiraKundi abandu ibakendikulangira mo mubehi.
7 Ngakusaba ebindu bibiri.
Isiwanighanirabyo embere nihole.
8 Unilusayeko obutebya n’amabehi.
Isiwamba obwera, kutse obuteke.
Leka nirye akalyo ako nilaghireko kasa.
9 Ngasyughuta n’erikughana omw’ibugha niti: “Yehova nindi?”
Isiwaleka ngabya mwera, ngasyiba n’erihemula erina* ry’oMungu waghe.
10 Isiwalegha omughombe oko mukama wiwe,Kundi iniakendikutakira kandi ighukendilangirika ngoko uli n’ekosa.
11 Hane abandu* abakatakira abobaba waboKandi abatetsumula abomama wabo.
12 Hane abandu* abakayilangira mo aberireAliwe isibebatalusibwako mutsafu.*
13 Hane abandu* abawite ameso w’emiyihekoKandi abo meso wabo akayiheka kutsibu.
14 Hane abandu* abo ameno wabo ni miyaliN’abo emikese yabo ni mihamba y’erikeramo;Bakamera abandu b’ahisi abali oko kihughoKandi bakamera n’abera abali omo kati-kati k’abandu.
15 Eminyururu* yiwite oko bali babiri abakalaka bati: “Umba! Umba!”
Hali ebindu bisatu ebitughuta,Hali ebindu bini ebitebugha biti: “Namughuta.”
16 Eyisinda,* enda y’omughumba,Ekitaka ekitemo maghetse,N’omuliro owatebugha ati: “Namughuta.”
17 Eriso erikasekereraya baba n’eritatsomene erisikya mama,Ebikororo by’omo musya* bikendisyakularyo,N’ehyana hy’erisamba hikendisyalyaryo.
18 Hali emyatsi isatu eyo nitenatatoka eryowa,*Emyatsi ini eyo nitetoka eryowa:
19 Enzira y’erisamba omo kyanya,Enzira y’enzoka oko lukuka,*Enzira y’obwato omo kati-kati k’engetse,Kandi ngoko omulume akayiwata omughulu ali n’omumbesa.
20 Omubere w’omukali musingiri w’ono:
Akalya, akasangula obuno bwiwe;Neryo iniabugha ati: “Sinditakola kibi.”
21 Hali ebindu bisatu ebikaleka ekihugho ikyatitimanaHali ebindu bini ebyo kihugho kitekyangatoka erivumilia:
22 Omughulu omukobe amabya mwami,Omughulu omukiru amughuta,
23 Omughulu omukali oyuponirwe* amatahibwa,N’omughulu omughombe mukali amimya omwanya w’omukali w’omukama wiwe.
24 Hali ebindu bini ebike-bike kutsibu omo kihugho,Aliwe biwite amenge manene:
25 Esyombali, ni bihangyikwa ebitawite amaka,*Aliwe bikateghekanaya akalyo kabyo omughulu w’ekipwa.*
26 Esyowibari, ni bihangyikwa ebitawite amaka,*Aliwe bikahira amanyumba wabyo omo mabwe.
27 Esyongyike sisiwite omwami,Aliwe esyosi sikaghenda isyabiriyipanga ng’abasuda abakayalwa.*
28 Akakutu kakamakirira oko bindu omo bisando byako.
Kandi kakingira omo nyumba y’omwami.
29 Hali ebindu bisatu ebyo mundu akanza akalangira ngoko bikaghenda,Ebindu bini ebyo mundu akanza akalangira ngoko bikaghenda:
30 Esimba, enyama y’amaka kulenga esyonyama syosi,Eyitesagha omundu wosi-wosi;
31 Embwa, embaya;N’omwami oyukaghenda n’abasuda biwe.
32 Wamabya iwabiriyiheka lukiru-kiruKutse iwabiripanga erikola ghutya,Uhire ebyala byaghu by’oko buno.
33 Kundi ngoko amaziwa akaluamo amateka abikolokwaKandi ngoko omusasi akalua omo nindo wabihimatayo,Kutya eribukya ekinigha rikaleta obuhaka.
Amaelezo awehikwa
^ Kutse “Singwite ehakili.”
^ Kutse “n’erilwa n’erina.”
^ Kinywa kwa kinywa, “olulengo; ekizazi.”
^ Kinywa kwa kinywa, “olulengo; ekizazi.”
^ Kinywa kwa kinywa, “amabi.”
^ Kinywa kwa kinywa, “olulengo; ekizazi.”
^ Kinywa kwa kinywa, “olulengo; ekizazi.”
^ Kutse “Eminyoro.”
^ Kutse “Sheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kutse “musya owakumamo amaghetse.”
^ Kutse “eyikaniswekaya kutsibu.”
^ Kutse “lubwe.”
^ Kutse “oyutanzirwe.”
^ Kinywa kwa kinywa, “ni bandu abatawite amaka.”
^ Kutse “w’omwisi.”
^ Kinywa kwa kinywa, “ni bandu abatawite amaka.”
^ Kutse “isyabiriyighaba mo bikuto-bikuto.”
