Emisyo 5:1-23
5 Mughala waghe, hulikirira amenge waghe.
Hulikirira ndeke-ndeke* amakangirirya waghe awalebirye eriyiteghererya,
2 Utoke eribya n’obutoki bw’erilengekania ndekeKandi utoke eribya ukabugha emyatsi y’ekwenene.
3 Kundi eminywa y’omukali mutswatswa* yikatoghongaya obuki ng’ekisese ky’obuki,N’obuno bwiwe butendere kulenga amaghuta.
4 Aliwe oko mwiso akalihire ng’engalihiraKandi atwire ng’omuyali owakatwira oko syombande ibiri.
5 Ebisando biwe bikandaghaliraya oko luholo.
N’ebika biwe bikalolaya omundu y’omo Yisinda.*
6 Syatsomene enzira y’engebe.
Akaghanga-ghanga, aliwe syasi ebyo akakola nga byangamukolya hayi.
7 Neryo mughala waghe,* unihulikirireIsiwaghana erikwama ebyo ngabugha.
8 Ubye hali okw’iye,Isiwahika hakuhi n’omulango w’enyumba yiwe,
9 Ukasyaha abandi b’obusike bwaghuN’erisoloma emyaka y’amaligho;
10 Abandu abo utasi bakasyabughaho ebindu* byaghuN’ebyo waluhira bikasyaya omo nyumba y’omundu oyo utasi.
11 Byamabya bitya, ighukendisyasimba oko mwiso w’amaisa waghu,Omughulu eminyoku yaghu n’omubiri waghu bikendisyatsanda
12 Neryo iwabugha uti: “Batahi! Munapona erikungwa!
Batahi! Omutima waghe mwapokya erihano!
13 Munatahulikirira omulenge w’abakangirirya bagheKandi munatatsomana ebyo bakangirirya baghe babya bakanibwira.
14 Lebaya ibwa namabihika hakuhi n’obuhanyaAbandu bosi abahindene ibananilangire.”
15 Unywe amaghetse w’ekyuna kyaghu-kyaghu ky’amaghetseN’amaghetse awasihire awakalua omo ribulu ryaghu-ryaghu.
16 Wangananza esyongununuko syaghu isyapanza-panzira amaghetse w’ehihya?
N’ehyusi hyaghu ihyapanza-panzira amaghetse omo myanya y’abandu bosi?
17 Sibye syaghu ighuwene,Abandi bandu isibabya bakanywa kusyo.
18 Engununuko yaghu itsumulawe,Kandi utseme haghuma n’omukali w’obulwana bwaghu,
19 Engabi y’olwanzo, embene y’omo bitwa eyuwene.
Amabere wiwe akughutaye* mughulu wosi.
Olwanzo lwiwe lukutsemesaye mughulu wosi.
20 Mughala waghe, neryo busanaki ukatsemera omukali mutswatswa*N’erikumbatira ekikuba ky’omukali mutya-mutya?
21 Kundi Yehova akabya inianemulangira esyonzira sy’omundu;Kandi akabya inianemuyiteghererya esyonzira siwe syosi.
22 Amakosa w’omubi w’akanamutegha,Kandi akendisyahambwa omo bikoba by’amalolo wiwe.
23 Akendisyahola busana n’eritendikwama ebinywa by’erimukungaKandi akendisyahera busana n’obukiru bwiwe obulabirye kateho.
Amaelezo awehikwa
^ Kinywa kwa kinywa, “Uteghe okutu oko.”
^ Kutse “Sheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kinywa kwa kinywa, “baghala baghe.”
^ Kutse “akaghala.”
^ Kutse “akutamiraye.”
