Emisyo 7:1-27
7 Mughala waghe, ukwame ebyo ngakubwira,Kandi ubike emighambo yaghe yo ndeke-ndeke.
2 Ukwame emighambo yaghe utoke eribyaho;Uteghaye amakangirirya* waghe ng’akalangira k’eriso ryaghu.
3 Uboherebyo oko minwe yaghu,Uhandikebyo oko kibambali ky’omutima waghu.
4 Ubwire amenge uti: “Uli mwali wetu,”N’eryahula obutoki bw’eryowa emyatsi yo ndeke mo “mutunga waghe,”
5 Bitoke erikuteya oko mukali mutswatswa,*Oko mukali mutya-mutya* n’erikuwatikya eritenditebwa n’ehinywa hiwe ehisihire.
6 Kiro kighuma inine oko ridirisa ry’enyumba yaghe,Munalebererya omo kayingilo k’oko ridirisa.
7 Omughulu nabya ngasamalira abandu abatebatalola oko binene,Munalangira omo balwana mo mulwana mughuma oyutawite obwenge.*
8 Mwalaba hakuhi n’amahwa w’enzira oho omukali oyo ikere,Kandi mwalolera eyiri enyumba y’omukali oyo
9 Omughulu ehirima hikatsuka eritoghonga, omw’igholo-gholo,Bukasonda erira, omwirimya akasonda eritoghonga.
10 Neryo munalangira omukali mughuma akasyahindana naye,Abya iniambite ng’omumbalaka, kandi abya n’omutima owaswiremo amayele.
11 Ni mukali oyubangalere kandi w’omwagha.
Oyutebya* ewiwe.
12 Ndambi silebe akabya ehihya, n’esindi ndambi iniabya omo myanya y’abandu bosi,Akabya inianemumarya-marya ameso omo buli mahwa w’enzira.
13 Neryo amamakirira omulwana oyo n’erimuha ebizu;Butsir’isoni amamubwira ati:
14 “Nilue w’eriherera amahere w’obuholo.
Munabwire nabiriberererya ebyo nayilagha.
15 Kyo kiryaleka inasyahindana naghu,Nitoke erikurondya, neryo namabikusunga!
16 Nabirisesa oko ngyingo yaghe kw’ebindu by’erisesa oko ngyingo ebyuwene nga,Nabirisesako ekitani ekirimo esyorangyi ekikalua e Misri.
17 Nabiritsatsanga oko ngyingo yaghe kw’amane-mane, kw’ealoe, n’omudalasini.
18 Asa, tuyughute olwanzo erihika omo tututu;Tutsemere olwanzo lo haghuma,
19 Kundi omulume waghe syali eka,Abiribalamira ehali.
20 Mwakaheka akafuko k’esyofranga,Kandi syendisubula embere omughenda abye kibamba-ngoma.”*
21 Akamuheraya omo binywa biwe ebiri n’akaghala kanene k’erilighisya omundu.
Akamuteba omo hinywa hiwe ehisihirire.
22 Neryo omulwana amalw’iniamukwama aho n’aho, ng’enume y’ende eyikayakerawa,Ng’omukiru oyo bakayaha amalipizi omw’imuhira omo kindu ky’esyombagho ky’eriboheramo m’omundu.*
23 Erihika omughulu omusali atobola amakindi wiwe;Ng’akanyunyu akakayitwala omo kitegho, syasi ngoko ekyo kikendileka iniaherya engebe* yiwe.
24 Neryo mughala waghe, nihulikirire;Uhulikirire ebyo ngakubwira.
25 Isiwaleka omutima waghu akakitira omo syonzira siwe.
Isiwayaghanga-ghanga omo syonzira siwe,
26 Kundi abirileka abandu bangyi ibahola,Abandu abo abiriita ni banene.
27 Enyumba yiwe ikalolaya omo Yisinda;*Yikandaghalira omo byumba by’emwisi-mwisi by’oluholo.
Amaelezo awehikwa
^ Kutse “emighambo.”
^ Kinywa kwa kinywa, “oyubulire omutima.”
^ Kinywa kwa kinywa, “Ebisando biwe sibyesighala.”
^ Kutse “atangure.”
^ Ekinywa ky’Ekiebrania kikamaanisaya ekindu ekyo babya bakingiryamo ebisando, ebyala, n’ebikya.
^ Kutse “enafsi.”
^ Kutse “Sheoli,” ni bugha ambu, eyisinda y’abandu bosi. Ulebaye Amaana w’ebinywa.
