Emisyo 8:1-36
8 Amenge sy’anemubirikira!
N’obutoki bw’eriyiteghererya si bunemubugha omo mulenge muli!
2 Abirimana omo myanya y’endata, oko musike w’endaki,Omo mahwa w’enzira.
3 Hakuhi n’emilango eyikatwala omo muyi,Oko bwingiriro bw’emilango,Akabya inianemubugha omo mulenge muli ati:
4 “Inywe bandu, si n’inywe ngabirikira,Inywe bosi,* inywe ngakanaya nenyu!
5 Inywe mutemwatalola oko binene, mwighe eribya n’amenge;Inywe bakiru, mubye n’obutoki bw’eryowa emyatsi yo ndeke.*
6 Muhulikirire, kundi ebyo ngabugha ni by’omughaso;Eminywa yaghe ikabugha ebilungukere,
7 Kundi obuno bwaghe bukabugha ekwenene omo hihwe-hwe,N’eminywa yaghe iponire obubi.
8 Ebyosi ebikalua omo buno bwaghe bitunganene.
Simulilua ekinywa n’ekighuma ekihengemire kutse eky’amabehi.
9 Ebyosi ebyo ngabugha byowikire oko oyuwite obutoki bw’eriyiteghererya,Kandi ebyosi ni by’ekwenene oko bandu ababiriminya emyatsi minene.
10 Musombole ebinywa byaghe by’erikunga omo mwanya w’erisombola efeza,*Musombole eriminya emyatsi kulenga kw’erisombola ehoro eyuwene kutsibu,
11 Kundi amenge alengire esyokoraye;*Syangalinganisibwa n’ekindu kyosi-kyosi ky’obughuli.
12 Ingye menge, nikere haghuma n’abandu b’amenge;Nabiriminya emyatsi mingyi kandi nabiribya n’obutoki bw’erilengekania ndeke.
13 Eryubaha Yehova ry’eripona ekibi.
Niponire eriyipipa, emiyiheko, emighendere eyituwene, n’emitububu.
14 Niri n’amahano aghuwene n’amenge;Obutoki bw’eryowa emyatsi yo ndeke n’amaka.
15 Ingye ngawatikaya abami eribya ibanemutabala,N’eriwatikya abakulu erihiraho emighambo eyitunganene.
16 Ingye ngawatikaya abakulu eribya ibanemutabala,N’eriwatikya abandu abasikibwe eritswera omo ritunganene.
17 Nanzire abanianzire,N’abakanirondaya bakendinisunga,
18 Niwite oko buteke n’olukengerwa,Obuteke* obutendisyahwa n’eritunganene.
19 Amatunda waghe alengire ehoro, ehoro eyabiryeribwa,Ekyo ngaha abandu kilengire efeza* eyuwene kutsibu.
20 Ngalendera omo nzira eyirimo eritunganene,Omo kati-kati k’esyonzira esirimo ebilungukere;
21 Ngaha omwandu oghuwene w’abanianzire,Kandi ngusulaya amadepo wabo.
22 Ingye Yehova atsuka erihangyika,*Ingye kihangyikwa kiwe kya kera-kera.
23 Eritsuka kera-kera, munahirwa omo mwanya waghe,Eritsuka oko mwanzo, eritsuka oko mighulu y’embere ekihugho kibyeho.
24 Munabutwa* isihali habya esyongetse esirimo emitobero,Omughulu habya isihalihabya esyongununuko esikaluamo amaghetse manene.
25 Embere ebitwa bihiraweho,Embere ehitwa hibyeho, munabutwa.
26 Omughulu abya isyalyabumba ekihugho n’amalima awali kukyo,Kutse omughulu abya isyalyabumba omutaka w’erimbere w’ekihugho.
27 Omughulu ateghekanaya olubula, nabya inineho;Omughulu adesa omuviringo oko maghetse.
28 Omughulu ahira* ebitu by’endata,Omughulu ahangyika esyongununuko sy’amaghetse awalimo emitobero.
29 Omughulu ahiriraho engetse ekyalayiroEkikaghanisaya amaghetse w’engetse erilaba oko ebyo abugha,Omughulu ahiraho esyofondasyo sy’ekihugho,
30 Nabya inine hakuhi naye ng’omufundi oyo wasi omubiiri.
Kiro kwa kiro nabya mundu oyo abya anzire kutsibu;Nabya ngatsema mughulu wosi embere siwe.
31 Nabya ngatsema ngalangira ngoko ekihugho kiwe kyabiribya mwanya ogho bandu bangikalako,Kandi nabya nanzire abaghala b’abandu* bo kutsibu.
32 Neryo lino, baghala baghe, munihulikirire;Oko kwenene, abakakola ebyo ngabasaba batsemire.
33 Muhulikirire ebinywa by’erikunga mutoke eribya n’amenge;Isimwanatapokayabyo.
34 Omundu oyukatsinduka oko mulango waghe obuli kiro,Atoke erinihulikiriraKandi oyukalindirira oko mulango w’enyumba yagheAtsemire!
35 Kundi oyukanisunga akendisyabana engebe,Kandi akabana olukogho lwa Yehova.
36 Aliwe oyutenitsomana akayitesa iyuwene-wene,N’abaniponire banzire oluholo.”
Amaelezo awehikwa
^ Kinywa kwa kinywa, “baghala b’abandu.”
^ Kinywa kwa kinywa, “mwowe omutima.”
^ Ni kindu ky’obughuli ekikalua omo kitaka.
^ Ulebaye Amaana w’ebinywa.
^ Kutse “Omwandu.”
^ Ni kindu ky’obughuli ekikalua omo kitaka.
^ Kinywa kwa kinywa, “Ingye Yehova ahangyika mo nzuko y’enzira yiwe.”
^ Kutse “Munabutwa omo bulumi obuli ng’ob’omukali oyukabuta.”
^ Kinywa kwa kinywa, “awataya.”
^ Kutse “abandu.”
