Emisyo 9:1-18
9 Amenge w’ekwenene mwahimba enyumba yagho;Mwakokotya esyonduyi 7 sy’enyumba eyo.
2 Mwahuka ndeke enyama yagho;Mwatulungania edivai yagho,Neryo amapanga emesa yagho.
3 Mwatuma abaghombe bagho b’obukaliOmo myanya y’endata y’omuyi batoke eribirikira abandu bati:
4 “Inywe mutemwatalola oko binene, mwase eno.”
Akabwira abatawite obwenge* ati:
5 “Mwase mulye oko mukati waghe.
Munywe n’oko divai eyo niryatulunganaya.
6 Muleke obukiru mutoke eribyaho;Obutoki bw’eryowa emyatsi yo ndeke bubasondole.”
7 Oyukakunga omundu oyukasekereraya akahemuka,N’oyukahayira omubi akendisyahutala.
8 Isiwakunga omundu oyukasekereraya, kundi iniakendikupona.
Ukunge omundu w’amenge, neryo akendikwanza.
9 Ukangiriraye omundu w’amenge, neryo akenditasyabya n’amenge manene.
Ukangirirarye omundu oyutunganene, neryo akenditasyaminya myatsi minene.
10 Eryubaha Yehova yo nzuko y’amenge,N’eriminya Omubuyirire Kutsibu kyo kikaleka omundu iniabya n’obutoki bw’eryowa emyatsi yo ndeke.
11 Kundi amenge akendisyaleka ebiro byaghu ibyabya binene,N’emyaka y’engebe yaghu iyakanya.
12 Wamabibya n’amenge, amenge ayo iniakendikuletera endundi,Aliwe wamabibya mundu oyukasekereraya, n’iwe unemwendibana ebikaluira omw’isekererya.
13 Omukali mukiru abangalere.
Syasi kindu kandi syasi n’omwatsi n’omughuma.
14 Akikala oko mulango w’enyumba yiweOko kitumbi, omo myanya y’endata y’omuyi,
15 Inianemubirikira abakalaba,Inianemubirikira abakaghenda butsir’ikeba ati:
16 “Inywe mutemwatalola oko binene, mwase hano!”
Akabwira abatawite obwenge* ati:
17 “Amaghetse w’obwibi akasiha,N’akalyo akakalibawa omo bubiso-biso kasihire.”
18 Aliwe sibasi ngoko eyo yo yiri abandu abatawite akaghala abali omo Yisinda,*Sibasi ngoko abagheni b’omukali oyo bali omo myanya y’emwisi-mwisi y’Eyisinda.*
Amaelezo awehikwa
^ Kinywa kwa kinywa, “ababulire omutima.”
^ Kinywa kwa kinywa, “ababulire mutima.”
^ Kutse “Sheoli,” ni bugha ambu, eyisinda y’abandu bosi. Ulebaye Amaana w’ebinywa.
^ Kutse “Sheoli,” ni bugha ambu, eyisinda y’abandu bosi. Ulebaye Amaana w’ebinywa.
