Enzuko 10:1-32
10 Eno ni historia y’abaghala ba Noa: Semu, Hamu, na Yafeti.
Enyuma sy’eribwagha ry’amaghetse, mubabuta abana.
2 Abaghala ba Yafeti babya Gomeri, Magogu, Madayi, Yavani, Tubali, Mesheki, na Tirasi.
3 Abaghala ba Gomeri babya Ashkenazi, Rifati, na Togarma.
4 Abaghala ba Yavani babya Elisha, Tarshishi, Kitimu, na Dodanimu.
5 Abo bo babuta abandu abikere omo bisanga abayitsatsanga omo bihugho byabo, erikwamana n’emibughe yabo n’ebihanda byabo, n’erikwamana n’ebitunga byabo.
6 Abaghala ba Hamu babya Kushi, Mizraimu, Puti, na Kanana.
7 Abaghala ba Kushi babya Seba, Havila, Sabta, Rama, na Sabteka.
Abaghala ba Rama babya Sheba na Dedani.
8 Kushi mwabuta Nimrodi. Nimrodi yo wabya mundu w’erimbere eribya mukulu oko kihugho.
9 Abya muhiyi oyukalire, kandi iniakapinga Yehova. Kyo kikaleka ihabya omusyo owakabugha ati: “Nga Nimrodi omuhiyi oyukalire, oyukapinga Yehova.”
10 Mwatsuka eritabala* omuyi we Babeli, Ereki, Akadi, n’owe Kalne, omo kihugho kye Shinari.
11 Mwalua omo kihugho ekyo, amaya e Asiria, amahimba omuyi we Ninawi, Rehoboti-Iri, Kala,
12 ne Reseni, eyabya omo kati-kati ke Ninawi ne Kala: Abya* muyi munene.
13 Mizraimu mwabuta Ludimu, Anamimu, Lehabimu, Naftuhimu,
14 Patrusimu, Kasluhimu (oyo wabuta Abafilistini), na Kaftorimu.
15 Kanana mwabuta Sidoni, oyo wabya kambere kiwe, na Heti,
16 n’Omuyebusi, Omuamori, Omugirgashi,
17 Omuhivi, Omuarki, Omusini,
18 Omuarvadi, Omuzemari, n’Omuhamati. Enyuma sy’aho, ebihanda by’Abakanana mubyapanzikana.
19 Ekiharo ky’Abakanana kyaba ikitsukire e Sidoni eriyahika e Gerari, hakuhi ne Gaza, eriyahika e Sodomo, Gomora, Adma ne Zeboimu, hakuhi ne Lasha.
20 Abo b’abaghala ba Hamu erikwamana n’ebihanda byabo, emibughe yabo, ebiharo byabo, n’ebitunga byabo.
21 Semu, tata-kulu w’abana bosi ba Eberi, kandi mughala wabo Yafeti omukulu,* naye mwabuta abana.
22 Abaghala ba Semu babya Elamu, Ashuri, Arpakshadi, Ludi, na Aramu.
23 Abaghala ba Aramu babya Uzi, Huli, Geteri, na Mashi.
24 Arpakshadi mwabuta Shela, na Shela mwabuta Eberi.
25 Eberi mwabuta abana babiri. Omughuma iniakahulawa mo Pelegi,* kundi oko mughulu wiwe ekihugho* kyabya ikighabene. Omughala wabo abya akahulwa mo Yoktani.
26 Yoktani mwabuta Almodadi, Shelefu, Hazarmaveti, Yera,
27 Hadoramu, Uzali, Dikla,
28 Obali, Abimaeli, Sheba,
29 Ofiri, Havila, na Yobabu. Abosi abo babya baghala ba Yoktani.
30 Ekiharo kyabo kyabya kitsukire e Mesha eriyahika Sefari, ekiharo ekirimo ebitwa eky’eyo ryuba rikasira.
31 Abo bo baghala ba Semu, erikwamana n’ebihanda byabo, emibughe yabo, ebiharo byabo, n’ebitunga byabo.
32 Ebyo byo bihanda by’abaghala ba Noa erikwamana n’ebizazi* byabo, n’ebitunga byabo. Abo bo babuta abandu abayitsatsanga oko kihugho eribwagha ry’amaghetse ryabilaba.
Amaelezo awehikwa
^ Kutse “Emiyi y’erimbere eyo atsuka eritabala yabya.”
^ Kutse alinga, “Emiyi eyo yabya.”
^ Kutse alinga, “n’omukulu wa Yafeti.”
^ Ni bugha ambu “erighabana.”
^ Kutse “abandu b’omo kihugho.”
^ Kutse “n’esyondengo.”
