Enzuko 36:1-43
36 Eno ni historia ya Esau, ni bugha ambu, Edomu.
2 Esau mwatahya oko bambesa be Kanana. Mwatahya Ada mwali wa Eloni, Omuhiti, na Oholibama mwali wa Ana, kandi omwitsikulu wa Zibeoni, Omuhivi;
3 kandi mwatahya Basemati mwali wa Ismaeli, kandi mwali wabo Nebayoti.
4 Ada mwabutira Esau yo Elifazi, na Basmati mwamubutira Reueli,
5 na Oholibama mwamubutira Yeusi, Yalama, na Kora.
Abo b’abaghala ba Esau, abo bakali biwe bamubutira omo kihugho kye Kanana.
6 Enyuma sy’aho, Esau mwimya abakali biwe, abaghala biwe, abali biwe, n’abandi bandu bosi* b’omo nyumba yiwe, ekihangulo kiwe, n’esindi nyama siwe, n’ebindu byosi ebyo abya iniabiritunda omo kihugho kye Kanana, neryo amaya omo kindi kihugho, hali oko mughala wabo ye Yakobo.
7 Ebindu byabo byabya ibyabiribya binene, neryo isibangasyikala haghuma. Busana n’ebihangulo byabo, ekihugho ekyo babya bikeremo* kyabya ikyabiribya kike.
8 Neryo Esau mwikala omo kiharo ky’ebitwa kye Seiri. Kandi, Esau yo Edomu.
9 Eno ni historia ya Esau, tata-kulu w’Abaedomu. Abya ikere omo kiharo ky’ebitwa kye Seiri.
10 Ano w’amena w’abaghala ba Esau: Elifazi mughala wa Ada, muka Esau, Reueli mughala wa Basmati, muka Esau.
11 Abaghala ba Elifazi babya, Temani, Omari, Zefo, Gatamu, na Kenazi.
12 Timna mwabya mukali w’akabiri wa Elifazi, mughala wa Esau. Enyuma sy’aho, mwabutira Elifazi yo Amaleki. Abo bo bitsikulu ba Ada, muka Esau.
13 Aba b’abaghala ba Reueli: Nahati, Zera, Shama, na Miza. Abo bo bitsikulu ba Basemati, muka Esau.
14 Aba bo baghala obo Oholibama abutira Esau: Yeusi, Yalamu, na Kora. Oholibama abya mukali wa Esau, abya mwali wa Ana, kandi mwitsikulu wa Zibeoni.
15 Bano b’abakulu b’ebihanda by’abaghala ba Esau: Abakulu b’ebihanda ababya baghala ba Elifazi, akambere ka Esau, b’abano: Temani omukulu w’ekihanda, Omari omukulu w’ekihanda, Zefu omukulu w’ekihanda, Kenazi omukulu w’ekihanda,
16 Kora omukulu w’ekihanda, Gatamu omukulu w’ekihanda, na Amaleki omukulu w’ekihanda. Abo b’abakulu b’ebihanda omo kihugho kye Edomu, ab’omo lubuto lwa Elifazi, abitsikulu ba Ada.
17 Aba bo baghala ba Reueli, mughala wa Esau: Nahati omukulu w’ekihanda, Zera omukulu w’ekihanda, Shama omukulu w’ekihanda, na Miza omukulu w’ekihanda. Abo b’abakulu b’ekihanda b’omo kihugho kye Edomu, ab’omo lubuto lwa Reueli, abitsikulu ba Basmati, muka Esau.
18 Oko mwiso, aba b’abaghala ba Oholibama, muka Esau: Yeusi omukulu w’ekihanda, Yalamu omukulu w’ekihanda, na Kora omukulu w’ekihanda. Abo b’abakulu b’ebihanda ab’omo lubuto lwa Oholibama, mwali wa Ana, muka Esau.
19 Abo b’abaghala ba Esau kutse Edomu, n’abo b’abakulu b’ebihanda byabo.
20 Aba b’abaghala ba Seiri Omuhori, ababya bikere omo kihugho ekyo: Lotani, Sobali, Zibeoni, Ana,
21 Disoni, Ezeri, na Disani. Abo b’abakulu b’ebihanda by’Abahori, abaghala ba Seiri, omo kihugho kye Edomu.
22 Abaghala ba Lotani babya Hori na Hemamu. Mwali wabo Lotani iniakahulawa mo Timna.
23 Abaghala ba Sobali babya: Alvani, Manahati, Ebali, Sefo, na Onamu.
24 Abaghala ba Zibeoni babya: Aya na Ana. Ana yo wasunga esyongununuko esikaluamo amaghetse awahuhire omo mbwarara omughulu abya akalisya esyopunda sya Zibeoni, baba wiwe.
25 Aba b’abaghala ba Ana: Disoni, na Oholibama mwali wiwe.
26 Aba b’abaghala ba Disoni: Hemdani, Esbani, Itirani, na Kerani.
27 Aba b’abaghala ba Ezeri: Bilani, Zawani, na Akana.
28 Aba b’abaghala ba Disani: Uzi na Arani.
29 Aba b’abakulu b’ebihanda by’Abahori: Lotani omukulu w’ekihanda, Sobali omukulu w’ekihanda, Zibeoni omukulu w’ekihanda, Ana omukulu w’ekihanda,
30 Disoni omukulu w’ekihanda, Ezeri omukulu w’ekihanda, na Disani omukulu w’ekihanda. Abo b’abakulu b’ebihanda by’Abahori omo kihugho kye Seiri.
31 Aba b’abami abatabala ekihugho kye Edomu embere Abaisraeli* babye n’abami.
32 Bela mughala wa Beori mwatabala e Edomu. Omuyi wiwe iniakahulawa mo Dinaba.
33 Bela abere abihola, Yobabu mughala wa Zera we Bozra, mwatsuka eritabala omo mwanya wiwe.
34 Yobabu abere abihola, Husamu w’omo kihugho ky’Abatemani mwatsuka eritabala omo mwanya wiwe.
35 Husamu abere abihola, Hadadi mughala wa Bedadi, oyo wasinga Abamidiani omo kiharo* kye Moabu, mwatsuka eritabala omo mwanya wiwe, n’omuyi wiwe iniakahulawa mo Aviti.
36 Hadadi abere abihola, Samla owe Masreka, mwatsuka eritabala omo mwanya wiwe.
37 Samla mwabya abihola, Shauli we Rehoboti eyiri oko musike w’Olusi, mwatsuka eritabala omo mwanya wiwe.
38 Shauli abere abihola, Baali-hanani omughala wa Akbori, amatsuka eritabala omo mwanya wiwe.
39 Baali-hanani, mughala wa Akbori, abere abihola, Hadari mwatsuka eritabala omo mwanya wiwe. Omuyi wiwe iniakahulawa mo Pau, n’omukali wiwe iniakahulawa mo Mehetabeli, mwali wa Matredi, na Matredi abya mwali wa Mezahabu.
40 Neryo ano w’amena w’abakulu b’ebihanda abalua omo lubuto lwa Esau erikwamana n’ebihanda byabo, erikwamana n’ebiharo byabo, n’erikwamana n’amena wabo: Timna omukulu w’ekihanda, Alva omukulu w’ekihanda, Yeteti omukulu w’ekihanda,
41 Oholibama omukulu w’ekihanda, Ela omukulu w’ekihanda, Pinoni omukulu w’ekihanda,
42 Kenazi omukulu w’ekihanda, Temani omukulu w’ekihanda, Mibsari omukulu w’ekihanda,
43 Magdieli omukulu w’ekihanda, na Iramu omukulu w’ekihanda. Abo b’abakulu b’ebihanda by’Abaedomu erikwamana n’eyo babya bikere omo kihugho kyabo. Abo b’Abaedomu, abana ba Esau.
Amaelezo awehikwa
^ Kutse “n’esindi nafsi syosi.”
^ Kutse “bikeremo ng’abagheni.”
^ Kinywa kwa kinywa, “abaghala ba Israeli.”
^ Kinywa kwa kinywa, “kisuki.”
