Enzuko 5:1-32
5 Kino ni kitabu ekikakanaya oko bana ba Adamu. Omughulu oMungu abumba Adamu, mwamubumba omo kisosekanio kiwe.
2 Mwabumba omukali n’omulume. Ekiro abumbabo, mwabatsumula n’eryahulabo mo bandu.*
3 Adamu abere abiyira emyaka 130, mwabuta omwana w’obulume oyumusosire. Mwamwahula mo Seti.
4 Adamu mwabya abibuta Seti, mwabugha emyaka 800. Kandi mwabuta abana b’obulume n’ab’obukali.
5 Emyaka yosi ya Adamu yabya 930, n’enyuma sy’aho mwahola.
6 Seti abere abiyira emyaka 105, mwabuta Enoshi.
7 Seti abere abibuta Enoshi, mwabugha emyaka 807. Kandi mwabuta abana b’obulume n’ab’obukali.
8 Emyaka yosi ya Seti yabya 912, n’enyuma sy’aho mwahola.
9 Enoshi abere abiyira emyaka 90, mwabuta Kenani.
10 Enoshi abere abibuta Kenani, mwabugha emyaka 815. Kandi mwabuta abana b’obulume n’ab’obukali.
11 Emyaka yosi ya Enoshi yabya 905, n’enyuma sy’aho mwahola.
12 Kenani abere abiyira emyaka 70, mwabuta Mahalaleli.
13 Abere abibuta Mahalaleli, mwabugha emyaka 840. Kandi mwabuta abana b’obulume n’ab’obukali.
14 Emyaka yosi ya Kenani yabya 910, n’enyuma sy’aho mwahola.
15 Mahalaleli abere abiyira emyaka 65, mwabuta Yaredi.
16 Mahalaleli abere abibuta Yaredi, mwabugha emyaka 830. Kandi mwabuta abana b’obulume n’ab’obukali.
17 Emyaka yosi ya Mahalaleli yabya 895, n’enyuma sy’aho mwahola.
18 Yaredi abere abiyira emyaka 162, mwabuta Enoka.
19 Yaredi abere abibuta Enoka, mwabugha emyaka 800. Kandi mwabuta abana b’obulume n’ab’obukali.
20 Emyaka yosi ya Yaredi yabya 962, n’enyuma sy’aho mwahola.
21 Enoka abere abiyira emyaka 65, mwabuta Metusela.
22 Enoka abere abibuta Metusela, mwalendera n’oMungu w’ekwenene* omo myaka 300. Kandi mwabuta abana b’obulume n’ab’obukali.
23 Emyaka yosi ya Enoka yabya 365.
24 Enoka abya akalendera n’oMungu w’ekwenene. Enoka mwatasungika ahosi-hosi, kundi oMungu mwamuhumisya.
25 Metusela abere abibugha emyaka 187, mwabuta Lameki.
26 Metusela abere abibuta Lameki, mwabugha emyaka 782. Kandi mwabuta abana b’obulume n’ab’obukali.
27 Metusela mwabya abibugha emyaka 969, mwahola.
28 Lameki abere abiyira emyaka 182, mwabuta omwana w’obulume.
29 Mwamwahula mo Noa* n’eribugha ati: “Omwana oyu akendisyatukirania* omo mubiiri wetu, n’omo mubiiri wetu owakalire ogho tukakola kundi Yehova abiritakira ekitaka.”
30 Lameki abere abibuta Noa, mwabugha emyaka 595. Kandi mwabuta abana b’obulume n’ab’obukali.
31 Lameki abere abibugha emyaka 777, mwahola.
32 Noa abere abiyira emyaka 500, mwabuta Semu, Hamu, na Yafeti.
Amaelezo awehikwa
^ Kinywa kwa kinywa, “omundu.” Omo Kiebrania ni ’adham.
^ Ulebaye Amaana w’ebinywa.
^ Alinga ni bugha ambu “eriluhuka; obukirania.”
^ Kutse “akendisyatuluhukya.”
